Uni
.
.
.
မှာထားတဲ့ ပစ္စည်းတွေရောက်တဲ့နေ့မို့ နေခြည်တို့အိမ်မှာ လူစည်နေသည်။ မြို့ကျဥ်းကျဥ်းမို့ နေခြည် အပြင်သွားရင်း လမ်းကြုံဝင်ပို့ပေးသလို ရောက်တာနဲ့ချက်ချင်း လာယူတဲ့သူတွေကလည်း လာယူကြသည်။
" ဟယ် ဒါ ညအိပ်ဝမ်းဆက်လေးမလား။ ဘယ်လောက်ရောင်းတာလဲ ညီမလေး ''
" အဲဒါလေးက ၉၅၀၀ မမ ''
" သူများမှာထားပြီးသားလား ''
" ဟုတ်တယ် မမ ''
" အစ်မက ညီမလေးရောင်းမှန်းမသိလို့ ဟိုတစ်ခါ တခြားမှာဝယ်တာ တစ်သောင်းခွဲပေးခဲ့ရတယ်။ ဒီအသား ဒီပုံစံပဲ ''
" နောက်ဆို သမီးဆီအရင်မေးလေ မမရဲ့ ''
" အေးပါဟယ်။ ဒါလေးက အစ်မမှာထားတဲ့ တီရှပ်မလား။ သုံးထည်နော် ''
" ဟုတ် မမ ''
" တစ်ထည် ၆၅၀၀ နော်။ အစ်မ သိပ်တောင် မမှတ်မိတော့ဘူး ''
" ဟုတ် မမ သုံးထည်ဆိုတော့ ၁၉၅၀၀ပါ။ ၅၀၀ အစွန်းထွက်လေးလျှော့ပေးမယ် မမ။ ဒီ handmade ခေါင်းစည်းကွင်းလေး လက်ဆောင်ပါရှင် ''
" ကဲ နောက်တစ်ခါလည်း ငါ့ညီမဆီကပဲ မှာရမယ် ''
နေခြည်က ခပ်အေးအေးလေးနဲ့ စျေးဝယ်တဲ့သူတွေချစ်အောင် ပြောတတ်ဆိုတတ်တာမို့ စျေးရောင်းတဖြည်းဖြည်းကောင်းလာသည်။ ခေါင်းစည်းကွင်းလေးတွေ လက်ဆောင်ပေးဖြစ်တော့ ဘာရယ်မဟုတ် နေခြည့်အတွက် ခေါင်းစည်းကွင်း အမြဲယူလာပေးခဲ့တဲ့ ကျော့်ကို လွမ်းမိသည်။ ပြန်မတွဲတော့တာ တစ်ပိုင်းပေမယ့် ချစ်တာမို့ မမေ့နိုင်တာကလည်း သပ်သပ်ဖြစ်၏။
" နေခြည် နင့် page ကို boost လုပ်လေ။ ''
Digital ပိုင်း နည်းနည်းရတဲ့ သူငယ်ချင်းက ဝယ်ထားတဲ့ ပစ္စည်းလာယူရင်း အကြံပေးသည်။
" အေး ကောင်းတဲ့ Service လေးရှိရင် ပြောဦးဟ ''
" အေအေ ငါ အိမ်ရောက်မှ နင့်ဆီ ပို့ထားမယ်။ ငါ့ဟာက ဘယ်မှာလဲ ''
မမ ပြန်လာတဲ့အချိန်ထိ ပစ္စည်းလာယူကြတဲ့သူတွေက မပြတ်ဘဲ မိန်းကလေးတွေ များတာမို့ အိမ်ကလည်း ရယ်သံတွေ သောသောညံနေ၏။
YOU ARE READING
မခွဲအတူ
Teen Fictionငယ်ငယ်ကတည်းက ရင့်ကျက်ပြီး အတန်းခေါင်းဆောင်အမြဲလုပ်ရတဲ့ ကောင်လေး ကျော်နေမင်း ခြူခြာလွန်းလို့ ကျော်နေမင်းက ပိုးဟပ်ဖြူလို့ နာမည်ပေးခံရတဲ့ ကောင်မလေး နေခြည်ထွန်း
