Uni
.
.
ဆိုင်ကယ်ငှားပေးမယ့် သူငယ်ချင်းက ရောက်မလာနိုင်တော့ ကျော်နေမင်း ဖင်တကြွကြွဖြစ်လာသည်။
" နေစမ်းပါကွာ။ လိုက်သွားတာ အေးရောပဲ ''
ကုတင်ဘေး ဒူးတစ်ဖက်ထောင်နေရာကနေ ဝုန်းကနဲထကာ အခန်းထဲက ထွက်လာပြီး အောက်ထပ်ဆင်းလာတော့ မငယ်နဲ့ တန်းတိုး၏။
" ဘယ်လဲ မောင်လေး ''
" သား ခြေကျင်ပဲသွားလိုက်တော့မယ် မငယ်။ ''
" နေပါဦး ဖေဖေလာမှသွားပါ သားသားရဲ့ ''
မငယ်ကတော့ အတင်းလိုက်ဆွဲရှာပေမယ့် ကျော်နေမင်း လက်မခံ။ အိမ်တံခါးဝနားထိဆင်းလာကာ ပိုးဟပ်ဖြူဆီ ဖုန်းပြန်ခေါ်လိုက်တော့ ချက်ချင်းကိုင်၏။
.
.
ကျော့်ဆီက စာတွေ တတိန်တိန်ရောက်ပြီး တောင်းပန်နေတော့ နေခြည့်စိတ်ကလည်း ပျော့သွားရသည်။ ပထမတော့ သွေးဆူနေပြီး ပြဿနာတက်ကာစမို့ မြင်မြင်သမျှ ဒေါသထွက်နေပေမယ့် ငိုချလိုက်ပြီးတဲ့အပြင် ကျော်က တောင်းပန်နေတော့ စိတ်နည်းနည်းငြိမ်သွားတာကြောင့် ဖုန်းထပ်ဝင်လိုက်တော့ ကိုင်လိုက်သည်။
" ဟယ်လို ''
" မိန်းမရေ... မောင်လာခဲ့ပြီနော် ''
" ဟင်... မလာနဲ့ဦး ''
အခုသာ လိုက်လာရင် ဒေါသထွက်နေတဲ့ မမက ဘယ်လိုတွေလုပ်မယ် မသိတာမို့ နေခြည် လိုက်မလာခိုင်းရဲပေ။
" ဘာလို့လဲ မိန်းမရဲ့။ မောင်လည်း မင်းနဲ့ပဲ အတူတူနေလိုက်မယ်။ မင်းဆီမှာပဲနေမယ်။ ဒီပြန်မလာတော့ဘူး ''
" နေဦး ကျော်။ မမက စိတ်အရမ်းတိုနေတာ။ အခုလာရင် အဆင်မပြေလောက်ဘူး ''
" မောင် သေချာတောင်းပန်လိုက်ပါမယ် မိန်းမရယ် ''
အမြဲတမ်း တောင်းပန်လို့ချည်းနေရတဲ့ ကျော့်ကိုလည်း နေခြည်သနားလှသည်။
" မဟုတ်ဘူး ကျော်။ အဲလောက်နဲ့မပြီးဘူးထင်တယ် အခုကိစ္စက။ မေမေကလည်း မမကို တော်တော်ပြောလွှတ်လိုက်တာဆိုတော့ ကျော်တောင်းပန်လိုက်ရုံနဲ့ မမဒေါသက ပြေမသွားလောက်ဘူး ''
YOU ARE READING
မခွဲအတူ
Teen Fictionငယ်ငယ်ကတည်းက ရင့်ကျက်ပြီး အတန်းခေါင်းဆောင်အမြဲလုပ်ရတဲ့ ကောင်လေး ကျော်နေမင်း ခြူခြာလွန်းလို့ ကျော်နေမင်းက ပိုးဟပ်ဖြူလို့ နာမည်ပေးခံရတဲ့ ကောင်မလေး နေခြည်ထွန်း
