Tonight I'm Yours

V.

dedicated to @monimongmong

------------------------------------------------------------------

V.

Badtrip man, pero bumalik ako sa loob, umaasang baka nandun si Candy pero nagkamali ako. Wala si Candy doon.

"Asan na si Candy?" tanong sa akin ni Jewel.

Alam pala niya na magkasama kami. Eh malamang. Sabay nga kami nawala eh.

"Hindi ko alam. Akala ko nga bumalik na dito eh", sagot ko.

Nagulat siya sa sagot ko at napatayo.

"HA??"

"Mahal, san ka pupunta?" tanong ni Liam.

"Kailangan kong hanapin si Candy", sagot ni Jewel.

Tumayo na din si Liam.

"Sasamahan kita", sabi niya.

"Matanda na yun! Hindi na yun mawawala", bulong ni Levi.

Lasing na 'tong isang to.

"Hindi na Mahal, ako na lang", tanggi ni Jewel.

"Hindi ako papayag na hanapin mo siyang mag-isa", pilit naman ni Liam.

Paguntugin ko kaya ang dalawang to? Mahalan ng mahalan! Ang corny nyo! Mas mabuti pa ngang umalis na sila at hanapin nila si Candy, baka kung napano na yun.

Kung kanina pagkabitin ang naramdaman ko, mas nag-aalala na ako para sa kanya ngayon. Eh malaman ko bang wala naman pala siya dito sa loob, nakakapagalala naman talaga!

Pero bakit ako magaalala para sa kanya? Sino ba siya? Siya lang naman ang kauna unahang babae na nagparamdam sa akin ng ganun kanina.

But there's a part of me na talagang nagaalala. But somehow, tama naman si Levi, she's old enough to take care of herself and besides heto nga at hahanapin na sila nina Liam at Jewel na hindi ko maintindihan kung bakit ganon na lang ang pagaalala.