One-sided Love

Chapter 14

REIKO

ANG ganda ganda ng ngiti ko habang naglalakad sa quadrangle ng SWU. Paulit ulit ko kasing iniisip iyong kahapon.

Pagkatapos kasi naming mag-bake ng cake ni Enzo, doon na rin nila ako pinakain ng dinner tapos katabi ko siya at ang sweet niya sa akin. Pinaglagyan niya ako ng pagkain sa plato, pinaglagyan ng juice, at kulang nalang subuan niya ako.

Huhu, ang puso ko. Nararamdaman ko talagang gusto talaga ako ni Enzo e. Kunwari pa siya!

"Princess Reiko."

Nawala ako sa pag-daydream nang may tumawag ng pangalan ko. Nilingon ko iyon at sumalubong sa akin ang bouquet of roses.

Kumabog ang dibdib ko.

"Flowers for my princess."

Nagulat ako nang ibaba niya ang hawak niyang bulaklak at nakita ko ang mukha niya.

"Theo."

"How are you? Hinahanap kita kahapon pag-out kaso hindi na kita nakita."

Ngumiti ako. "Thank you dito. Ah, maaga kasi akong umuwi kahapon." Sabi ko nalang.

"Ayos lang. Ang mahalaga, nakita kita ngayon. Ang gandang bungad sa umaga."

Hindi ko alam kung anong dapat kong isagot sa sinabi niya.

"Wala kang class?" Tanong ko.

"Meron. Pero syempre, mas mahalaga ka pa sa klase ko."

Ang puso ko...

"Grabe ka. Pumasok ka na aa klase mo. Thank you dito sa flowers." Sabi ko.

Tumawa siya. Hindi maitatangging gwapo talaga siya. Kaya siguro gigil na gigil sa akin si Glecy. Hindi ko mga alam kung maniniwala ako sa sinabi niya na ex niya si Theo.

"Reiko? Is there a problem?"

Napansin niya yatang natulala ako. "Ah, wala wala. Sige na pumunta ka na sa klase mo."

"Are you okay?"

"Oo ayos lang ako." Sabi ko.

Tumango siya. "Pupunta na ako sa klase ko. Sa cafeteria ka ba nagla-lunch?"

"Yes."

"Tatabihan kita mamaya ha?" Aniya saka kumindat pa.

Hindi na ako nakapag-react dahil umalis na siya sa harap ko. Napailing nalang ako.

I took a deep breath. Kakaiba ang nararamdaman ko sa puso ko pero kung iisipin, para ko siyang pinapaasa sa wala. Alam ko naman kasi sa sarili kong si Enzo ang gusto ko at hindi ko masusuklian 'yung nararamdaman niya sa akin.

Pero kasi, sabi niya wala siyang pakialam kung may ibang gusto ako. Hindi ko akalaing tulad niya ako na umaasang magugustuhan ng lalaking gusto ko.

Naglakad na ako papunta sa room ko.

Nakita ko agad ai Ciara na busy sa binabasa niyang libro. Umupo aki sa upuan ko.

"Ano 'yan? May quiz ba?" Tanong ko.

"Don't disturb me, besty." Aniya. "Busy ako kasi kailangan kong malaman 'yung story para mai-summarize ko kay Kenzo kapag nirecommend ko sa kaniya 'tong book."

"Wow, kailan ka pa nahilig magbasa? Upgrading ka, ikaw pa talaga ang magre-recommend ng book kay Kenzo."

Umingos siya. "That's what you call love, besty. Parang 'yung paggagawa mo lang ng pakwan cake 'yan kay Enzo."

"Well, well, well. Masaya lang naman ako dahil success kahapon."

Itinigil niya ang binabasa niya saka tumingin sa akin. "Success, you mean? Umamin ka na kay Enzo?"