Uni ❤️
ဝမ်ရိပေါ်အိပ်ယာနိုးလို့ဘေးကိုကြည့်လိုက်တော့အကောင်ပေါက်လေးက လက်တစ်ဖက်ကကိုယ့်လည်ပင်းကိုလာဖက်ထားပြီးခြေထောက်တစ်ဖက်ကတော့ကိုယ့်ခါးကိုလာခွထားသည် ။
အိပ်နေတဲ့ပုံလေးကချစ်ဖို့ကောင်းတာမို့အကောင်ပေါက်လေးမနိုးအောင်စားပွဲပေါ်ကဖုန်းကိုအသာလေးလှမ်းယူပြီးဓာတ်ပုံရိုက်ထားလိုက်သည် ။ ဓာတ်ပုံထဲမှာတော့နှစ်ယောက်လုံးပါအောင်ရိုက်ထားလိုက်သည် ။ ပထမဆုံးကိုယ့်အိမ်ကိုရောက်လာပြီးကိုယ်နဲ့အတူတူလာအိပ်တဲ့အနေနဲ့အမှတ်တရဖြစ်အောင်လို့ ။
အချိန်အားဖြင့် 7 နာရီထိုးနေပြီမလို့အကောင်ပေါက်ကိုနှိုးလိုက်သည် ။ နေမြင့်တဲ့အထိအိပ်တာအကျင့်ပါနေမှာစိုးလို့ စောစောနှိုးလိုက်သည် ။ အဲ့လိုပြောလို့ကိုယ်ကရောအစောထတာလားလို့မမေးနဲ့ ဝမ်ရိပေါ်ဆိုတဲ့ကျွန်တော်ကအိပ်ရတာဝါသနာတစ်ခု !
ကိုယ်ကသာနေမြင့်တဲ့အထိအိပ်မယ် အကောင်ပေါက်ကိုတော့သူ့လိုမဖြစ်စေချင်ဘူး ။ အဲ့ဒါကြောင့်သူ့ကိုအစောနှိုးပြီးမနက်စာသွားစားဖို့ပြောလိုက်တော့အိပ်ချင်မူးတူးနဲ့ထသွားသည် ။ ကိုငယ်ရောမထသေးဘူးလားမေးနေလို့ခနနေလာခဲ့မယ်လို့မှာလိုက်ရတယ် ။
::
ဒေါက် ဒေါက် ဒေါက် !!!
အထဲကပြန်မဖြေသည်မို့ရှောင်းကျန့်လည်းတံခါးဖွင့်ကာကိုယ့်ဘာသာဝင်လာခဲ့လိုက်သည် ။ ကိုငယ်ကတော့အိပ်တုန်း ပြောတော့ခနနေဆင်းလာခဲ့မယ်ဆိုပြီးအခုထိအိပ်ကောင်းတုန်း !
" ကိုငယ် ကိုငယ် ကိုငယ် "
" ဟာ … တောက်စ် ဘာလဲ !!! "
ဝမ်ရိပေါ်ကသူအိပ်နေတုန်းလာနှိုးလို့သူအိပ်ရေးမဝသေးရင်စိတ်တိုတတ်သည် အော်တတ်သည် ဒါကိုအကောင်လေးကမှမသိသေး ။
အော်ပြီးသွားမှပြန်စဉ်းစားမိတာက ကိုငယ်ဆိုတဲ့ခေါ်သံ ဒါဆိုအကောင်ပေါက်လာနှိုးတာပေါ့ !
အဲ့အချိန်မှဝမ်ရိပေါ်ကမန်းကတန်းထလိုက်တော့ အကောင်ပေါက်ကဘေးမှာခေါင်းငုံ့ထားပြီးကျောက်ရုပ်ကြီးသဖွယ်မလှုပ်မယှက်ရပ်နေလေသည် ။
YOU ARE READING
Apologize , my baby's father ( Complete )
Randomဒီဇာတ်လမ်းသည်စာရေးသူ၏စိတ်ကူးယဉ်သက်သက်သာဖြစ်သည် ။
