Apologize , my baby's father ( Complete )

Part : 8 [ U & Z ]

Uni❤️

ပထမရက် ဒုတိယရက်ပြီးသွားသည့်တိုင်ရှောင်းကျန့်တစ်ယောက်သတိမထားမိခဲ့ဘူး ။ သုံးရက်မြောက်နေ့မှာတော့နည်းနည်းသတိထားမိလာခဲ့တယ် ဒါပေမဲ့စိတ်အထင်ဆိုပြီးဖာသိဖာသာပဲနေခဲ့သည် ။ အခုတစ်ပတ်တင်းတင်းပြည့်မှလုံးဝကိုသေချာသွားခဲ့ပြီ ကိုငယ်ကသူ့ကိုရှောင်နေတာ ။

ဘာအတွက်လဲ ?
ဘာအတွက်သူကရှောင်ရတာတဲ့လဲ ?
သူစွတ်စွဲတာခံရတဲ့သူဟာကိုယ်မလား ?
သူအတင်းနမ်းတာကိုခံခဲ့ရတာကိုယ်မလား ?
အရင်းနှီးဆုံးလူတစ်ယောက်ရဲ့မယုံကြည်တာခံရတာကိုယ်မလား ?

ဒါတောင်သူ့ဘက်ကဘာတွေနစ်နာနေလို့ရှောင်နေရတာတဲ့လဲ .. ကိုယ့်အပေါ်တမင်ဖြစ်စေမတော်တဆဖြစ်စေကျူးလွန်မိခဲ့တဲ့အမှားတွေကိုသိလို့ မဝံ့မရဲဖြစ်လို့ရှောင်နေတာလား ?

သူလား အဲ့လိုမျိုးမဝံ့မရဲဖြစ်မှာ !

ကိုကြီးကကုပ္မဏီမှာဖြစ်တဲ့ပြဿနာကတော်တော်ကြီးလို့လားတော့မသိဘူး ဂျပန်ကိုအရေးတကြီးသွားတာ တစ်ပတ်တောင်ပြည့်တော့မယ် ။ အဲ့ကတည်းကကိုငယ်ကနေ့တိုင်း ညနေမိုးချုပ်ခြောက်ခွဲခုနှစ်နာရီလောက်မှအိမ်ပြန်လာတတ်တယ် ။

ညဆိုထမင်းလည်းဆင်းမစားဘူး ကြီးကြီးကိုတော့စီနီယာယူဘင့်အိမ်မှာစားလာကြောင်း မစားဘူးငြင်းလည်းအတင်းထိုးကျွေးလို့အားနာလို့စားခဲ့ရကြောင်း စာလုပ်နေလို့နေ့တိုင်းနောက်ကျကြောင်းပြောပြသည်တဲ့ ။

ကိုယ်လည်းဟုတ်ကဲ့လို့သာပြန်ဖြေလိုက်ပါတယ် ကိုငယ်ကသူတစ်ပါးကိုလုံးဝအားမနာတတ်တဲ့သူဆိုတာကိုတော့ ကျွန်တော်မပြောလည်းငယ်ငယ်ကတည်းကအတူတူနေလာတဲ့ကြီးကြီးကပိုသိမှာပေါ့လို့တော့ပြောမနေချင်တော့ဘူး ။

ဒီညတော့သေချာရှင်းအောင်မေးမှဖြစ်တော့မည် ။

ရိပေါ်တစ်ယောက်ရေချိုးပြီးရေချိုးခန်းထဲကထွက်လာစဉ်သူ့ကုတင်ပေါ်မှာငုတ်တုတ်ထိုင်နေတဲ့ရှောင်းကျန့်ကိုမြင်တော့အနည်းငယ်လန့်သွားသယောင်ဖြစ်သည် ။

" ဘာဝင်လုပ်နေတာလဲကိုငယ့်အခန်းထဲ "

" ကိုငယ်နဲ့စာရင်းရှင်းစရာရှိလို့ "