နောက်ဆုံးတော့ မိုင်ဆိုတဲ့ကျွန်မချစ်သူက ဘွဲ့တောင်ယူရတော့မယ်တဲ့။ ဖြစ်နိုင်ရင် ကျွန်မတို့နှစ်ယောက်ကဘွဲ့တူတူယူချင်ပေမယ့် ကျွန်မကတစ်နှစ်နောက်ကျခဲ့သည်မဟုတ်လား။ ကျွန်မရော မိုင်ရော အဲ့အတွက်စိတ်မကောင်းဖြစ်ပေမယ့် အကောင်းဘက်ကတွေးကြည့်ရင်တော့ တစ်ယောက်အနားတစ်ယောက်ရှိနေရတာပဲလေ။ အဲ့ဒါနဲ့တင်ကျေနပ်စရာကောင်းနေပြီမဟုတ်လား။ ဒီထက်ပိုပြီးလောဘကြီးမိရင် ရှိနေတဲ့ဟာလေးတောင်ဆုံးရှုံးလိုက်ရလိမ့်မယ်။
မိုင်- ဟိတ် ဘယ်တွေငေးနေတာလဲ ကိုယ့်ကိုမကြည့်ဘဲနဲ့
ဘွဲ့၀တ်စုံနဲ့ခန့်ညားနေတဲ့ ကျွန်မအမျိုးသမီးလေးက အဲ အမျိုးသားလို့ပြောရမလား။ မိန်းကလေးလို့တောင်မထင်ရတဲ့သူက ဘာ၀တ်၀တ်ချောနေတော့တာပဲ။ တခါတလေ ကျွန်မနဲ့တောင်မတန်ဘူးလို့တွေးမိလောက်အောင်ပါပဲ။ အခုလည်း ဘွဲ့သဘင်အခမ်းအနားကိုသွားတဲ့လမ်းမှာ သူ့အကြောင်းတွေးနေတာကို သူ့ကိုမကြည့်လို့တဲ့အပြစ်ပြောနေလေရဲ့။
မိုး- ငေးနေတာမဟုတ်ဘူး စဉ်းစားနေတာ
မိုင်- တစ်ယောက်ထဲကြိတ်ပြီးစဉ်းစားမနေနဲ့ ကိုယ့်ကိုလည်းပြောပြအုံး
မိုး- မပြောပြနိုင်ပါဘူး ဒါကလျှို့ဝှက်ချက်
သူ့ကိုစချင်တဲ့စိတ်နဲ့ ပြောလိုက်မိတော့ မျက်နှာကြီးကချက်ချင်းဆူပုပ်သွားလေရဲ့။ တခါတလေ မိုင်ကကျွန်မနဲ့ရွယ်တူမဟုတ်ဘဲ ကလေးတစ်ယောက်များလားလို့တောင်ထင်မိတယ်။ ရင့်ကျက်တဲ့အခါလည်း ရင့်ကျက်သလို ကလေးဆန်ရင်လည်းကျွန်မချော့လို့တောင်မနိုင်ဘူး။ ကျွန်မပြုံးလိုက်ပြီး ဒီအတိုင်းပဲငြိမ်နေလိုက်မိတယ်။ ခနကြာတော့ ကားကိုလမ်းဘေးထိုးရပ်လိုက်တာမို့ ကျွန်မအရှေ့ကိုတောင်ယိုင်ခနဲဖြစ်သွားတယ်။ ကျွန်မသူ့ကိုကြည့်လိုက်တော့ သူ့မျက်၀န်းမှာမျက်ရည်စတွေနဲ့။ ဘုရားရေ အခုသူငိုနေတာလား.... မဟုတ်မှလွဲရော ကျွန်မစလိုက်လို့များလား။
မိုး- ဘာဖြစ်လို့လဲ မိုင် ဘာလို့ငိုနေရတာလဲ ငါ့ကိုစိတ်ပူအောင်လို့
ကျွန်မပြာယာခတ်စွာနဲ့ သူ့မျက်ရည်တွေသုတ်ရင်း မေးလိုက်မိတယ်။
YOU ARE READING
ဤမျှသာ
Romance~~အချစ်ဆိုတဲ့အရာဟာ မိန်းကလေးနှစ်ယောက်ကြားမှာလဲဖြစ်ပေါ်တတ်တာပါပဲ~~ "အရင်ကမသိခဲ့ဘူး နင့်အတွက်နဲ့အဲ့လောက်စွန့်စားရဲမှန်း" (မိုးမြတ်သခင်) "ဆိုးသွမ်းတဲ့ငါက ယဉ်ကျေးလာတယ်ဆိုရင် အဲ့ဒါမင်းကြောင့်ပဲဖြစ်လိမ့်မယ်" ...