All For Show (COMPLETED)

Chapter 17

Chapter 17

'Checked your calendar yet?'

Napakunot ang noo ko nang makita ko iyong notification sa Instagram mula kay Pablo. It had been three days simula nung magkita kami sa grocery store. I could've messaged him about my availability para sa dinner date na gusto niya, but I couldn't bring myself to open the message thread dahil makikita ko na ako iyong last message.

Ugh, pride.

Also, naging busy din naman talaga ako. I wasn't lying about the part na kailangan kong i-check iyong calendar ko kung pwede ko ba siyang makita. Although technically I could meet him for dinner naman, I didn't think I'd have the energy to be mentally present. The whole anniversary issue was taking my time and energy. Work comes first bago sa kung anumang kalandian.

'I'm free tonight,' I replied to his message after kong i-check iyong calendar ko. It's gonna be tight, but I think I can make it since Friday naman iyong deadline I'd be free tonight. Ayoko naman makipagkita sa kanya tapos kalahati ng atensyon ko, nasa deadlines na naiwan ko sa opisina.

The message was seen quickly na para bang nakaabang siya roon. I chuckled at the thought of him waiting anxiously for my response. At least alam niya na ngayon iyong pakiramdam ng naghihintay sa reply.

I tapped my fingers against my desk habang nakatingin ako sa typing bubble sa may Instagram.

'Got it. I'll plan the date.'

'So, it's a date?'

'Yes, it's a date.'

'Like a proper date?'

'Yes, a proper date. I will pick you up, we'll have a nice dinner, and then I'll kiss you when I drop you off at home.'

I bit my lower lip as I read his message.

Fucking hell, the hold this guy has on me!

Kahit na sinabi ko noon na tapos na ako sa kanya, kahit na nagpaka-busy na ako sa trabaho, isang ganito niya lang e bumalik ulit iyong crush ko sa kanya na para bang high school student ako.

Hindi ako nakapag-reply dahil may pumasok sa opisina ko. I put the phone down and began discussing some of the proposed changes sa layouts namin. The discussion was long na nang matapos iyon, saka lang ako nag-reply.

'Sounds like a plan,' I replied although almost three hours ko ata siyang naiwan sa seenzone. It's not as if sadya ko naman! Bakit ba ako nagguilty?

Instead of overthinking, I decided na lumabas na lang para kumain. I'd been stuffed in the office and I needed fresh air. Kinuha ko iyong bag ko at lumabas ako para maghanap ng kakainan, pero agad akong napahinto nang makita ko si Papa na nakaupo sa may bench sa labas ng building.

"Pa?" I asked as I approached him dahil hindi ako sigurado kung siya nga ba 'yon dahil bakit naman siya mapupunta rito?

Agad na tumayo siya nang marinig ang boses ko. "Wala ka bang trabaho ngayon?" he asked.

"Lunch ko po..." I replied. "Kanina pa kayo rito?" I asked and he nodded. "Hinihintay niyo ako?" He nodded again. "Bakit hindi ka po nag-text o tumawag?"

"E baka busy ka pa," sabi niya.

I bit my lower lip. Sa mga ganitong bagay, madali talaga akong maiyak lalo na kapag connected kay Papa. Alam mo 'yon? Kasi parang sa buong pamilya namin sa Bataan, siya lang talaga iyong may pakielam sa akin. Kaya nga bwisit na bwisit ako kay Therese nung ako iyong pinasakay sa bridal car instead na si Papa.