အမျိုးသားဇာတ်လိုက်၏ မိခင်အဖြစ် ကူးပြောင်းသွားခြင်း (ဘာသာပြန်)

အပိုင်း ၂၀

Unicode

အမျိုးသားဇာတ်လိုက်၏ မိခင်အဖြစ် ကူးပြောင်းသွားခြင်း

အပိုင်း  ၂၀

အန်တီကျွမ်းက သူ့ထိုင်ခုံကနေ ထရပ်လိုက်ပြီး "ဒီညက ဘယ်လိုလုပ် ဒီ​လောက်​တောင် လုပ်စရာ​တွေ များရတာလဲ"ဟု​ပြောပြီး တံခါးကိုဖွင့်ဖို့ သွားရင်း တံခါးဝ၌ စီလီက ပြင်းပြင်းထန်ထန် အ​မောဆို့နေတာကို တွေ့လိုက်ရသည်။

"စီလီ?" အန်တီကျွမ်းက သူ့ကို အံ့သြတကြီး ကြည့်လိုက်သည်။

စီလီက နီမြန်းနေတဲ့မျက်နှာနဲ့ "ကျွန်တော်... မီးရောင်တွေ့လို့ ခေါက်လိုက်တာ..." ဟု​မောဟိုက်စွာ​ပြောသည်။

"ဘာဖြစ်လို့လဲ၊ တစ်ခုခု ဖြစ်သွားတာလား" အန်တီကျွမ်း က ကမန်းကတန်း သူ့ကို ဝင်ခွင့်ပေးလိုက်သည်။

စီလဲ့က မပွင့်တပွင့်နဲ့ “အန်တီတို့မှာ…” လို့ ပြောလျှောက်လာရင်း စားပွဲမှာ ထိုင်နေတဲ့ ချစ်စဖွယ်ကလေးငယ်လေးက ပန်းကန်လုံးလေးကိုင်ပြီး ပျော်ရွှင်စွာ သောက်နေတာကို တွေ့လိုက်ရသည်။

"ရှောင်ရှီထို့!" စီလီက စိုးရိမ်တကြီး ပြေးလာပြီး "မင်းဘယ်ကို ထွက်သွားတာလဲ၊ ငါ မင်းကို ရှာနေတာ နေ့တစ်ဝက်လောက်ရှိပြီ"

သူ့အစ်ကိုကိုမြင်တော့ ရှောင်ရှီထို့လည်း မကြောက်တော့ဘဲ လက်နှစ်ဖက်ကို ဆန့်ပြီး အစ်ကိုလို့ တိုးတိုးလေး အော်ခေါ်ကာ ပွေ့ဖက်လိုက်သည်။

စီလီက သူ့ကို ကောက်ကိုင်လိုက်သောအခါ သူ့သောက်ထားတဲ့ ချိုမြိန်တဲ့ နို့ရနံ့ကို အရင်ဆုံး ရလိုက်ပြီး နောက်မှအရသာရှိတဲ့ ထမင်းရနံ့ကို အနံ့ရလိုက်သည်။

သူ တံ​ထွေးမျိုချလိုက်သည်။

ရှောင်ရှီထို့က သူ့ပေ​ရေ​နေတဲ့ပန်းကန်ကို ကိုင်လိုက်ပြီး ပြောခဲ့သည်။ "အစ်ကို၊ စားပါ"

စီလီက ပြုံးလိုက်သည်။ "အစ်ကို မစားဘူး၊ ရှောင်ရှီထို့ပဲစားပါ။"

အန်တီကျွမ်းက အံ့အားသင့်သွားခဲ့သည်။ "ရှောင်ရှီထို့က  မင်းရဲ့ညီလေးလား"