𝓒𝓸𝓶𝓹𝓵𝓮𝓽𝓮𝓭 | Book #3.5 of Paraisla Trilogy. "Tanggal na ang mga gapos, bukas na ang mga mata. Handa na ang aking mga labi. Palayain mo na." Ito na ang dulo at simula ng panibagong kabanata.
Special Content and Last Novelette ng Paraisla.
- G...
Oops! This image does not follow our content guidelines. To continue publishing, please remove it or upload a different image.
• ────── ✾ ────── •
e u g h
• ────── ✾ ────── •
Abala ang lahat sa likod ng entablado.
Ang katabi kong upuan ay bakante. Wala pa ang gaganap na Eufemia at nagwawala na si Ginang Catlyn. Wala namang problema kung wala si Eris. May sasalo naman sa papel niya, ngunit siya talaga ang nais ng guro namin.
"Lia! Buti narito ka na. Nasaan ang kakambal mo?" tanong ng guro namin.
Tumingin siya ng masama sa'kin. "Hindi na po makakapunta si Eris. Masama po kasi ang pakiramdam niya. Pasensya na daw po."
Lumingon ako palayo.
Alam kong ako ang pinapatamaan niya. Na dahil sa'kin kaya nagkaganun si Eris.
At alam ko. Kasalanan ko.
"Nasa'n na si Beatrice? Siya na ang magiging Eufemia!"
Umupo sa tabi ko si Beatrice at ngumiti sa'kin. "Galingan natin, Eugh."
