Stay Wild, Moon Child

Chapter Twelve

Chapter Twelve

Hindi ko alam ang dapat kong maramdaman.

Dapat ba akong matuwa sa ginawa ni Seb na sinama niya si Harold or hindi?

Last night buo na loob ko eh, okay na ako, malinaw na ang plano ko na unti-unti, I'll let go of what I feel for Harold. Nag search pa ako sa internet ng mga step to step process on how to move on. Uumpisahan ko sa pag di-distract sa sarili ko sa ibang bagay—like ngayon. Plano ko magpaka busy sa project na 'to para hindi ko na isipin si Harold 24/7.

Pero paano ko gagawin i-distract ang sarili ko kay Harold kung kasama namin siya ngayon? And he looks so handsome with his casual clothes? Tapos ang bango pa niya? Tapos kada mag smile siya parang nag i-slowmo lahat?

Napatingin ako kay Harold. May binibili siya sa sari-sari store sa may kanto ng street namin. I saw him wipe the tip of his nose using the back of his hand and my heart did a somersault.

Yun lang ang ginawa niya, pero gusto ko na agad matunaw.

Bakit ba ako ganito?!

"Ayos ba?" bulong ni Seb sa akin na kasalukuyang nakatayo sa tabi ko ngayon. "Nahulaan ko na kung bakit nagalit ka sa akin kahapon."

Nilingon ko si Seb at kinunutan nang noo. Nakangisi naman siya sa akin na may halong pangaasar.

"Dahil nga sa choco. Bigay kasi ni Harold yun. Eh meron ka pa naman collection ng mga bagay na binibigay niya sa'yo."

Tinignan ko siya nang masama.

"Pero curious lang ako," pagpapatuloy niya. "Saan mo nilalagay 'yon? Dinidisplay mo ba? May shelf ka ba para doon?" and then he snorted.

"I hate you," I said through gritted teeth.

Napahawak naman si Seb sa dibdib niya na para bang sinaksak ko siya, "aray, grabe yung I hate you, ah? Tinutulungan na nga kitang magkaroon ng moment sa crush mo---"

I hushed him, "wag ka maingay!"

"Sa crush mo," pag uulit niya na medyo malakas boses.

Pinanlisikan ko siya nang mata and I swear, gusto ko talaga siyang sapukin right then and there.

"Sinong crush?" I heard Harold's voice from behind me at halos mapatalon ako sa gulat.

Napatingin siya sa akin habang nakangiti, then kay Seb, "anong crush yan na pinaguusapan niyo, ha?"

Parang biglang umakyat ang kaba ko sa lalamunan ko at naramdaman kong nag sisimula na akong pag pawisan.

"Yung crush ni Miss Prez," sabi naman ni Seb sa kanya.

Nanlaki mata ko at mas bumilis ang tibok nang puso ko.

"Bakit, sino crush ni Miss Prez?" tanong ni Harold habang nakangiti.

"Hindi mo kilala?" sagot naman ni Seb dito.

Parang nahihilo ako. Gusto kong manapak ng isang Sebastian Madrigal.

Tinignan ako ni Sebastian. Ngiting ngiti ang gago na parang any minute ilalaglag niya na ako.

Ibinalik niya ang tingin niya kay Harold. "'Di ko rin alam sino eh," he said with a shrug.

I heard Harold chuckled at ipinatong niya ang kamay niya on top of my head, "basta miss prez, kung sino man yang crush mo at kapag pinormahan ka, pakilala mo muna sa amin ni Seb para makilatis namin."