"မြို့တော်ဝန်က လက်နက်အသစ် စမ်းသပ်ခွင့်ကို ပယ်ချလိုက်ပါတယ်"
"ဘာ ပြဿနာ ရှိလို့လဲ"
Ken ရဲ့ နှုတ်ဆိတ်နေမှုကို ကြည့်ချင်းအားဖြင့် Eric သဘောပေါက်ပါသည်။ မြို့တော်ဝန်
က သူ့ကို အာဏာပြဖို့ ကြိုးစားနေတာပဲ။ သူ ချထားသော နယ်ရုပ်က ကိုယ့် ဘာသာ
အကွက်ရွှေ့ချင်နေတာဟာ သိပ်တော့ သဘာဝ မကျ။
"General နဲ့ တွေ့ဖို့ စီစဥ္ထားလိုက် Ken"
"နားလည်ပါပြီ"
Ken က နေရာတွင် ရပ်နေဆဲဖြစ်၍ Eric မျက်လွှာပင့်ကြည့်လိုက်သည်။
"ပြောစရာ ရှိသေးလို့လား"
"Ray က LA မှာ လူတစ်ယောက်နဲ့ Date နေတဲ့ ကိစ္စပါ"
Ray ရဲ့ Bodyguard team မှတစ်ဆင့်
ပေးပို့လာသော Fileကို Eric ဖွင့်ကြည့်လိုက်ရသည်။
Computer Screen ထက် ပေါ်လာသည့် Ray နဲ့ ထိုလူရဲ့ ပုံတွေက ရက်စွဲအလိုက်။
"ကျောင်းပိတ်ရက်ဆို အဲ့ဒီလူရဲ့ တိုက်ခန်းမှာပဲ ညအိပ်ပါတယ်"
တစ်ပုံချင်းစီ သေချာ အကဲခတ်ရင်း Eric မျက်မှောင်တွေ ပြေလျော့လာရတာက
မျက်ဝန်းတွေ မှေးမှိတ်သည့်အောင် ရယ်ပြုံးနေသည့် Ray ကြောင့် ဖြစ်သည်။
Ray အဲ့ဒီလို ပျော်နေတာကို မမြင်ရတာ ဘယ်လောက်ကြာပြီလဲ။
LA ရဲ့ လမ်းမတွေပေါ် အတူယှဥ်တွဲ လျှောက်လှမ်းနေသည့် နှစ်ဦးသားသည်
လက်မတွဲထားရုံတမယ် ရင်းနှီးမှုမျိုး။
တစ်ဦးကို တစ်ဦးကို ကြည့်သော မျက်ဝန်းတွေမှာ အကြင်နာတွေနဲ့။
"စောင့်ကြည့်ဖို့ လူလွှတ်ထားရမလား"
"Thaw Kha Yan" ဆိုသူ၏ ကိုယ်ရေး အ ချက်အလက်တွေ ဖတ်ကြည့်ပြီးနောက် Eric အသာ ခေါင်းရမ်းပြလိုက်၏။
"ခပ်လှမ်းလှမ်းကနေ လုံခြုံရေးပဲ ချထားလိုက်ပါ...နှစ်ယောက်လုံး အတွက်"
************************************
ည ၁၂ နာရီ ထိုးသည့် အချိန်ထိ Eric ရုံးခန်းထဲ၌ပင် ရှိသေးသည်။ လုပ်ငန်းခွဲပေါင်းများစွာကို ဦးစီးနေရသူ ဖြစ်သည့်အလျောက် အဲ့ဒါက ပုံမှန် ဖြစ်လို့နေသည်။ သူ Computer ကို ပိတ်လိုက်ပြီးနောက် စားပွဲပေါ်တွင် ထောင်ထားသည့် မှန်ဘောင်ထဲက ဓာတ်ပုံလေးဆီ အကြည့်ရောက်သွား၏။ မူလတန်းကျောင်းဆင်းပွဲတုန်းက Ray ကို လက်တစ်ဖက်ဖြင့် ချီပွေ့ထားရင်း သူ ဘွဲ့ဦးထုပ်လေးကို တည့်မတ်ပေးနေစဥ္ Ken ရိုက်ယူလိုက်သော ပုံလေး။
