Unsolved Love - Student Series #3 ✓

EPILOGUE

A/N: huhunesss tapos na ang Unsolved Love huhu, dahil tapos na ang Unsolved Love siyempre tapos na din ang Student Series 😭 I didn't know na matatapos ko 'to. Thank you so much kase nakaabot ka dito sa Epilogue. Enjoy reading 😽❤️

___

"Baka naman may gusto sa'yo kaya aksidenteng na like ang old post mo?" Natatawang tanong ni Josh.

"Baliw ka ba, paano magkakagusto sa akin yun, eh mukhang maarte." Sagot ko naman.

Nagtataka lang ako kung bakit ni-like niya ang old post ko, ilang years na yun eh, imposibleng namang dumaan yun sa news feed niya eh hindi naman kami friends sa facebook o kahit saang social media.

Kaya para inisin siya ay ako na ang nag add sa kaniya, sa facebook at instagram, wala akong twitter eh.

"Shit, bakit nasira?" Tanong sa akin ni Coach. Matagal na kase itong raketa ko eh.

"Pinahiram naman po ako ni Pamie," paliwanag ko, paano kase kung saan-saan pumupunta, ayan tuloy di na alam ang nangyari.

"Panalo pa din naman di ba?" Nakangiti niyang tanong, tumango naman ako bilang tugon. Naka ilang set na kami ng laro, mabuti na lang panalo pa din.

Natanaw ko sa di kalayuan si Xiena at Ajero na nanunuod. Napangiti naman ako nung makita kong ang chene-cheer niya ay kami.

Sinadya kong manalo para ako ang mang lilibre kay Pamie, bukod sa mahina talaga siya,  ayaw ko ding gumastos siya para sa akin.

Hiyang-hiya ako nung dinala ko siya sa turo-turo, hindi ko kase napaghandaan at kulang na kulang ang dala kong 150 pesos. Mabuti na lang napakiusapan ko yung tindera na dagdagan ang ulam dahil doon naman ako lagi kumakain. Mabuti na lang hindi siya nagreklamo o hindi ako nakarinig ng kung ano-ano sa kaniya.

"Cian, sino ba yang kausap mo gabi-gabi?" Napakamot ako sa ulo ng pumasok si Mama sa kuwarto ko.

"Si Pamie po," sagot ko naman. Nanlaki ang mata niya dahil sa gulat, mabilis siyang lumapit sa akin.

"Girlfriend mo? Kailan mo ipapakilala sa amin? Kailan mo pa siya naging girlfriend?" Sunod-sunod niyang tanong na ikinatawa ko.

"Ma, hindi ko po girlfriend, kaibigan ko lang po," natatawa kong sagot. Napasimagot naman siya sa pagka dismaya at tumayo.

"Akala ko naman girlfriend mo, magpakilala kana kaya ng babae dito sa bahay." Nakasimangot niyang sabi bago lumabas ng kuwarto ko.

Si Mama talaga kahit kailan, paano ako magkaka girlfriend eh hindi nga ako gusto ng babaeng gusto ko?

"Matulog kana." Utos ko kay Pamie sa call.

["Tatapusin ko lang 'to tapos matutulog na din ako."] Sagot niya naman.

Hindi ako makapaniwala na almost one week na kaming nag-aasaran nu Pamie, nasanay na din ako sa kaniya, yung mga hindi ko ginagawa dati, ginagawa ko na ngayon.

Nung una ang sungit-sungit niya sa akin, pero nasasanay na din ako sa kaniya, palagi ko pa siyang kinukulit sa messenger at Instagram.

Ilang beses ko siyang inaawitan sa call kahit hindi ko alam na kanta inaaral ko para lang maawitan siya.

Hindi ko inakala na makikita ko si Xiena at Ajero na kumain ng street foods sa harap ng SSA, hindi pa sila nahiya at naghalikan oa sa gitna ng ulanan. Pero ang mas nakakagulat ay yung nalaman kong magkakaibigan kaming lahat. Totoo ngang maliit lang ang mundo o sadyang nagkataon lang.

"Hindi naman kita hahalikan ng hindi nagpapaalam noh, may respeto ako sa'yo kaya 'di ko gagawin kapag hindi ka pumayag," sagot ko at sinubuan ko ulit siya ng kikiam. "Ang cute mo." Pagpupuri ko.