100 Steps To His Heart [Published Book]

[12B] Challenge pala ah. Tingnan natin!

[12B]

HOPE'S POV

"Guys, lapit na kayo dito. Okay na yung bon fire." tawag sa amin ni Venice. Lahat naman kami umikot sa bon fire. Tumabi ako kay Miks at Chelsea.

"Okay guys, first activity is getting to know. Pwede niyong gawin yan habang niluluto niyo mga pagkain niyo. Which is the second activity. Ang magluto ng sariling pagkain. Nandoon lahat ng mga pagkain at mga gagamitin. Pero kahoy ang gagamitin niyo para magluto." 

Tapos pinakita ni Miss Inigo kung paano gumawa ng apoy. Siyempre hindi na naman ako nakinig! Paano ako makikinig? Lumilipad yung utak ko! 

Chelsea: Okay ka lang, Hope? 

Hope: Hindi.

Miks: Baketchi, bakla?

H: Nagaway si Mico at Enzo dahil sa akin. 

Natahimik silang dalawa sabay tumawa. Sabi ko na eh!! Hayop talaga 'tong mga bestfriend ko. 

M: Napasukan ata ng kung ano mang insekto yang utak mo teh. Sige na, accepted na naming mga friendship mo na friends kayo.. Pero teh, sumobra ata ang taas ng tayog ng imahinasyon mo! 

C: At napalalim ata ang dinikta ng labi mo.

M: Kalerki! El Fili ang peg?! Anyhoo sisterloo.. Wakey wakey! Sa iyong dream--Oh my gosh. 

Parehas kami ni Chelsea napatingin kay Miks. Napatigil kasi siya, parang nakakita ng multo. 

C: Oh anong nangyari sa'yo? Dinatnan ka ba? May napkin ako. 

M: Gaga! Sa katapusan pa ako! 

Tapos binatukan ko siya. Ako pa daw ang malakas mangarap!! 

M: Bakla! Totoo ang sinasabi ng ating kapatid sa pusod na si Hope.

C: Huh?

M: Totoong mas mahaba pa ang buhok niya ngayon kesa sa idol nating si Rapunzel.

C: Pwede yung human language, Miks?

M: Totoong pinagawayan siya ni Mico at Enzo. Kilala ko ang 'pantasya' look niyang si Hope. At ngayon.. Seryoso siya! 

H: Seryoso nga kasi!! Kayo yang ayaw maniwala eh.