╔═════ ࿇ ═════╗𝕮𝖍𝖆𝖕𝖙𝖊𝖗 14
𝕴𝖘 𝖎𝖙 𝖔𝖛𝖊𝖗?╚═════ ࿇ ═════╝
မိစ္ဆာဘုရင်ကြီး၏နာမည်အပြည့်အစုံမှာ
Jeffrey Harris Garrison Lepic ( ဂျက်ဖရီ ဟာရစ်(စ်) ဂါလီဆန် လီပေ့စ်) ဖြစ်သည်။ငွေရောင်၊ရွှေရောင်တို့ဖြင့် တဝင်းလက်လက် တောက်ပနေသော မီးဆိုင်းကြီးအောက်တွင် အတွန့်တွန့် လိပ်တက်နေသည့် ဆေးလိပ်ငွေ့များက အပေါ်ဘက်သို့ တလူလူ လွင့်တက်နေသည်။ အင်္ဂလန်ဗြိတိသျှနန်းတော်သဖွယ် အဆောင်အယောင်အပြင်အဆင်များဖြင့် ခမ်းနားကျယ်ပြောလှသည့် ဧည့်ခန်းဆောင်ကြီးပင်။
ထိုအခြင်းအရာက အဆင့်မြင့်၍အထက်တန်းကျသော လူနေထိုင်မှုပုံစံတစ်ခု ၏ ပြယုဂ်ဖြစ်ကြောင်း သက်သေထူနေ သည်။ မိစ္ဆာဘုရင်ကြီး ဂျက်ဖရီသည် ဆေးလိပ်ကို ဘယ်ဘက်လက်ခလယ်နှင့် လက်ညိုးကြား ဟန်ပါပါထည့်ကာ တဖြည်းဖြည်း ရိူက်သောက်လိုက်၊ အငွေ့မှုထုတ်လိုက် လုပ်နေ၏။
" မင်းရဲ့သားက ငါတို့ကို သစ္စာဖောက်သွားပြီ Owen (အိုဝမ်) "
ခနဲ့မှုနှင့်ရွဲ့စောင်းမှုများပါဝင်နေသော မိစ္ဆာဘုရင်ကြီးဂျက်ဖရီ ၏အသံက ငြိမ်ဆိမ်နေသော ပတ်ဝန်းကျင်ကို ဖြိုခွင်းလိုက်ဟန်ရှိသည်။
" မဖြစ်နိုင်ဘူး။ သူတို့ဘယ်လိုမှ ပြန်မှတ်မိသွားစရာအကြောင်းမရှိဘူး အရှင်မင်းကြီး "
ခရစ်စတိုဖာ၏ဖခင်အိုဝမ်လည်း ဗွီဒီယိုကိုကြည့်ပြီးနောက် ထိတ်လန့်မှုတစ်ခုနှင့် အမြန်တုံ့ပြန်မိသည်။ ထိုအချိန် သူတို့၏ခပ်ဝေးဝေးမှာ ရပ်နေသောဂါဗင်က သွားအစုံပေါ်သည်အထိ ရယ်နေခဲ့သည်။
" ဟဟ ... အိုဝမ်၊ ဒီမှာကျုပ်သက်သေယူလာတာ။ ရစ်စတိုဖာဘက်က ပြန်သတိမရသေးပေမယ့် ဂျရယ်မိုင်ရာဘက်ကသာ ပြန်သတိရသွားပုံပဲ။ ကျုပ်သာ သူတို့နမ်းနေတာကိုသာ video မရိုက်ထားရင် ခင်ဗျားတော့ ကျုပ်ကို ပိုမယုံနေတော့မှာ "
ဂါဗင်က သူတို့နှင့် ၁၅ပေအကွာမှာ ကန်လန့်ကာကို အမှီပြုပြီး မတ်တပ်ရပ်နေလျက် မှန်ချပ်၏အပြင်ဘက်ကို ကြည့်နေပြီး နောက်သို့လှည့်ကြည့်ခြင်းမရှိဘဲပြော ၏။ ဆင်စွယ်ရောင်ပိုးသားကန့်လန့်ကာများကြားက မှန်ချပ်ကို လက်ထောက်ထားသည့် သူ့ပုံရိပ်မှာ ဖျော့တော့တော့လေး ထင်ပေါ်နေ ၏။ အိုရမ်လည်း ဗွီဒီယိုကိုကြည့်ပြီး ခေါင်းနပန်းကြီးနေမိသည်။
YOU ARE READING
𝐈𝐦𝐦𝐨𝐫𝐭𝐚𝐥 𝐅𝐨𝐞𝐬 // OC Completed//
Fantasyချယ်ရီကြွေတွေပေါ်မှာ ဒူးထောက်ကာ တောင်းပန်ပြီးနောက် ... ဒီအမတလမ်းခရီးမှာ မင်းတစ်ယောက်သာ ကိုယ်ရူးရမိပါကြောင်း ... ချယ်ရီပန်းတွေကို သက်သေထားကာ ချစ်ရေးဆိုပါရစေလား ... ။ ◃───────────▹ ခ်ယ္ရီေႂကြေတြေပၚမွာ ဒူးေထာက္ကာ ေတာင္းပန္ၿပီးေနာက္ ... ဒီအမတလမ္းခရီးမွ...