╔═════ ࿇ ═════╗
𝕮𝖍𝖆𝖕𝖙𝖊𝖗 40
The Little Petals of Cherry Blossom
╚═════ ࿇ ═════╝
တိုက်ပွဲပြီးဆုံးပြီး ၂ ရက်အကြာ ....
ဖရီးမန်းတို့က ကိုတဆီကနေ မွန်ဒီ၏အလောင်းကို စံအိမ်တော်သို့ ပြန်လည်ခေါ်ဆောင်လာကြသည်။ သူမကို အသက်ပြန်သွင်းရန် ကြိုးစားကြမည်ဖြစ်သည်။ သူမ၏အခန်းထဲတွင် သူမအလောင်းအား နေရာချထားခဲ့ကြသည်။ ဂျရယ်မ်ိုင်ရာနှင့်ကီရမ်က မွန်ဒီ့ကုတင်ဘေးနားကနေ မခွာဘဲစောင့်နေကြပြီး ကီရမ်ကတော့ တစ်ချိန်လုံးငိုနေ၏။ ဂျရယ်မိုင်ရာအတွက်လည်း စိတ်မချမ်းသာဖွယ်ရာပင်။ လေကိုဝဝရှူသွင်းလိုက်ပြီးလျှင် ခပ်ပြင်းပြင်းပြန်ရှုထုတ်လိုက်ရင်း ....
" မင်းတစ်ရေးလောက်အိပ်သင့်ပြီ ကီရမ် "
ကီရမ်က သူ့မျက်ရည်များကို လက်ဖြင့်ဖယ်ရှားသုတ်သင်လိုက်သည်။ သူအလွန်စိတ်ပင်ပန်းနေခဲ့သည်။ ဤအချိန်တွင် ဘယ်သူ့ကိုမှ သူစကားမပြောချင်နေပေ။ ဂျရယ်မိုင်က ကီရမ့်ကျောပြင်ကို ပွတ်သပ်ပေးလိုက်ကာ စကားဆက်ပြောသည်။
" ဒီခံစားချက်က အရမ်းဆိုးတာပဲ "
ညီမဖြစ်သူ မွန်ဒီ့အလောင်းကို ပြန်ကြည့်နေမိသည်။ သူပြောလိုက်သောစကား၏အဓိပ္ပာယ်မှာ သူ့အတွေ့အကြုံနှင့်ခံစားချက်များစွာပါနေခဲ့သည်။ ခရစ်စတိုဖာနှင့်ပတ်သက်သမျှခံစားချက်များလည်းအပါအဝင်ပင်။ ရင်နှင့်အမျှမြတ်နိုးခဲ့ရပါသော သူ့ခရစ်လေးကို တစ်ကြိမ်သူဆုံးရှုံးခဲ့ပြီးနောက်မှာ ပြန်လည်ပိုင်ဆိုင်နိုင်ခဲ့လို့ သူပျော်မိသော်လည်း သူချစ်သောနောက်ထပ်မြတ်နိုးရာလေးကို ဆုံးရှုံးရပြန်သည်။
" ကြည့်ပါအုံး ... အိပ်နေသလိုပဲ၊ သူပြန်နိုးလာပြီး ငါ့ကိုရန်တွေ့တာမြင်ချင်သေးတယ် "
ဂျရယ်မိုင်ရာ၏နီလာမျက်ဝန်းများက မျက်ရည်ကြည်များ ပြည့်လျှံစပြုလာလျက်။ သို့သော်လည်း မျက်ရည်များကိုထိန်းထားလျက် ပြုံးယောင်သမ်းနေသည်။
YOU ARE READING
𝐈𝐦𝐦𝐨𝐫𝐭𝐚𝐥 𝐅𝐨𝐞𝐬 // OC Completed//
Fantasyချယ်ရီကြွေတွေပေါ်မှာ ဒူးထောက်ကာ တောင်းပန်ပြီးနောက် ... ဒီအမတလမ်းခရီးမှာ မင်းတစ်ယောက်သာ ကိုယ်ရူးရမိပါကြောင်း ... ချယ်ရီပန်းတွေကို သက်သေထားကာ ချစ်ရေးဆိုပါရစေလား ... ။ ◃───────────▹ ခ်ယ္ရီေႂကြေတြေပၚမွာ ဒူးေထာက္ကာ ေတာင္းပန္ၿပီးေနာက္ ... ဒီအမတလမ္းခရီးမွ...