احببتك والله يعلم بالخفاء

بارت 2

عند سلطان الي ماسكه جده بالقوه
الجد حمد : اسمع يا سلطان انا خليتك على يد ابوك وماعينا خير لكن من بكره بعد الفطور تحظر عندي وتستقبل الريجيل العيد جانا
ابو رعد وهو يسمع ويضحك: ايييييه يا يبه عليك فيه ذا السربوت الي مايجلس في البيت
سلطان في حاله يرثا لها : يا جدي ياحبيبي انا رجال عندي اشغال وانت اكثر واحد تدري ان علوم المراجل انا في ديره وهي في ديره ازين لك تاخذ رعد وبهاج
الجد حمد : اقول ورا ماتسكت انا قلت كلمتي وانتهى ثم ياويلك مااشوفك جاي بكره
——————————
في الرياض عند بيت ابو سياف طق الباب

ابو سياف : ياهلا ياهلا بلي جونا
بهاج : البقى يا عمي اخبارك علومك
ابو سياف : على ماتحب وانا ابوك يامرحبا يا شيخه تو مانورت الرياض
العمه شيخه : ياهلا يخوي والله ماكان ودنا نكلف عليك لكن الله يصلح ابو رعد
افنان وهي بصوت خفيف : لا كان ودك تكلفين علينا
ابو سياف : لا ماش كلافه وانا اخوك البيت بيتكم حياكم حياكم
ترا مابقى شي ويأذن

دخلو البنات والعمه شيخه وام رعد قسم الحريم  ودخل بهاج مع عمه لمجلس الريجيل
———————————
عند البنات وام سياف تستقبلهم

ام سياف : ياهلا تو مانورت الرياض  تعالو تعالو لطاولة الطعام الفطور هناك
ام رعد : النور نورك يا قلبي
امجاد بصوت خفيف : اما ذولي يفطرون على طاولة الله من زمان ودي اكل على طاولة طعام
تغريد وهي تسمع فيها ضحكه ومن داخلها تقول: ماشافت خير
العمه شيخه وهي تناظر البيت بأستحقار : الا اقول وينها اديم ولا تغلى علينا
افنان : يلا بدو يستلمون المسكينه اديم الله يعينها
تغريد : اسكتي يا فضيحه
ام سياف : لا جايه جايه عاد مشتاقه لكم بالحيل
العمه شيخه : من اديم ! اديم الي مانشوفها الا في العزايم الكبيره حتى الاعياد مانشوفها زين
عم الصمت على جميع وينتظرون الاذان اما بنات العمه شيخه الي كل شوي يعدلون شعرهم عشان بس يطلعون احلا من اديم اذا جت ومتحمسين لها حتى بنات ابو رعد الي كانو ودهم يشوفون اديم الي سمعتها تسبقها بالجمال
————————————
عند بهاج وعمه

ابو سياف : اخبار ابوك وخوانك عساهم طيبين
بهاج : ابد الحمدالله على ماتحب كلنا بخير ومشتاقين لك بالحيل
ابو سياف : تشتاق لكم العافيه وان شاءالله اعوضكم بالعيد وانا بوك
بهاج : متى بتمشي للديره ياعمي
ابو سياف : عندي اشغال بخلصها وبتكل على الله لاتشيلون هم ان شاءالله قبل العيد وحنا عندكم
بهاج : الله يحييكم في محلكم
ابو سياف : كم باقي على الاذان
بهاج : خلاص مابقى شي 10 دقايق
———————————
عند الحريم

اديم وهي نازله من الدرج على طاولة الطعام الي بالصاله : السلام عليكم
الكل : وعليكم السلام
ام رعد : ماشاءالله تبارك الله يا اديم محلوه
اديم : عينك الحلوه ياعمه
العمه شيخه وهي ميته غيره انها احلا من بناتها :سلام سلام بس وينك من اليوم شوي ويأذن
ام سياف :تلبس
العمه شيخه :ماغير وجيهنا الا المكاييج والتزين
ام رعد :لا بسم الله عليها ماهي مبالغه بالمكياج جمالها طبيعي تبارك الله
اديم وهي مستحيه وتسلم على البنات
تغريد :هلا والله بااديم
اديم : اخبارك ياتغريد شمسويه
تغريد :بخير ياقلبي
افنان وهي تطالع اديم بأعجاب وباليالله تتكلم : اهلاً وسهلاً بأديم كيفك
اديم : ياهلا بخير الحمدالله
ومرت على بنات العمه شيخه وهم حتى مو طايقين نفسهم من الغيره
واديم هي الوحيده الي تقول لهم كيفكم وهم مايردون واذا ردو ردو بمياعه
ابو سياف من عند الباب : يااديم يااديم
اديم وهي رايحه لابوها : هلا يبه
ابو سياف : وين سياف ماجانا
اديم : يلعب بالسوني يلا بناديه
ابو سياف : ناديه ناديه
———————————
فوق في الدور الثلني