احببتك والله يعلم بالخفاء

47

وفي الرياض الساعه 3 الفجر جا لا اديم اتصال من رقم غريب
قامت من النوم اخذت الجوال شافت الاتصال وهالوقت ؟
قامت وردت : الو
نايف : ياااااحلى صوت اسمعه ؟
انصدمت اديم وقفلت الجوال على طول بس بسرعه دق مره ثانيه وقامت من السرير وردت : انت وش تبي مني خلاص مايكفي الي سويته فيني مايكفي ؟؟ يا آدمي اعتقني الله ياخذك ويفرحني بخبر موتك
نايف بضحكه مستفزه : ههههههه خلصتي ؟ اسمعي عاد بكره ابيك تطلعين لي من باب بيتكم ابي أشوفك
اديم : نعم ؟؟ خييير وش تقول انت صاحي ؟ تستوعب الي تقوله اقطع رجلي الي بتطلع لك
نايف الي بدأ يعصب : لا ماعليك أنا بقطع راسك قبل ومن الاخير بكره الساعه ١ الليل يا تطلعين لي والا ..
قاطعته اديم الي خلاص باعت كل شي من بعد بهاج وماعاد يهمها شي : ولا ايش هاه والا ايش يا الواطي يا الوسخ مايكفي الي عيشتني اياه مايكفي حسبي الله عليك ونعم الوكيل الله يظلم حياتك مثل ما ظلمت حياتي
نايف : بكره الساعه ١ خليك جاهزه مشتاق لوجهك العصبي
اديم : اسمع عاد لا اشوفك مقرب من عند بيتي والا والله اعلم ابوي عليك يذبحك اول ماتوصل
نايف : ابد علميه وقولي له كل شي وش تحسبين بيقول لك بيمسح على رأسك هههههههه لالا بيذبحك معي وبيتبرا من بنته والا خليه علي أنا اعلمه
استوطن قلب اديم الخوف وسكتت
نايف : الساعه وحده بكره
قفل الجوال ورمت اديم الجوال على السرير وبكت بحرررررررقه ودها تفتك منه بس محد بيوقف معه وبيسندها كان الوحيد الي يوقف معها بهاج والحين بهاج مايدري عن الي حاصل
مسحت دموعها وراحت غرفة سياف فتحت الباب وشافته نايم بعمق تقدمت وارتمت جمبه بالسرير وغطته كويس ومسحت دموعها تحاول تنام وتحاول ماتفكر ببهاج
___________________
وجبهتنا الثانيه ( الديره )
عند بهاج الي كان نايم وصار الي لم يكن بالحسبان ( رجع يتحلم بأديم )
كانت اديم تناديه وتناجيه وتطلب منه المساعده وهي تبكي وبين دموعها
فز من نومه وحس بكتمه بصده وفك أزرار ثوبه والمقلط مظلم بس نور الشارع الأصفر داخل الغرفه من الشباك وسمع صوت الآذان
اخذ نفسسسس بعمممق ومسح على وجهه المعرق وقام واخذ شماغه وطلع للمسجد وهو يفكر [ ليه حلمت فيها الحين ليه وش فيك يا اديم ليكون صاير لها شي ] دخل المسجد وبدا يصلي ركعتين
___________________
وبالفندق عند شهد و ضاري الساعه 1 الظهر
بدلت شهد ملابسها ولبست بجامه ماتبين انها عروس وعاديه وواسعه جداً عكس ضاري الي كان متحمس وعايش لحظته
بس شهد ابداً مابينت له انهم زوج وزوجه اخذت فراش وطلعت للصاله تنام بالكنب رغم من صدمة ضاري إلا انه فكر انها خايفه وسكت هالمره وخلاها على راحتها اما شهد الي كانت شجاعه لا ابعد درجه وتنتظره بس يقرب لها عشان تسوي فيه الي مايتسوى بس تطمنت انه ماجاها أبدا إلا قالها تبين عشاء ؟ وردت عليه من دون نفس بكلمه : لا
طلع ينام بالغرفه وهو ساكت ومتحمل وشهد بالصاله ماتدري وش بيصير بكره و وش الدبره
قامت من النوم تألمت من ظهرها والتفتت يمين ويسار مالقت ضاري ؟
لقتها فرصه وقامت للحمام بسرعه قبل يجي
دخل ضاري وشاف مافي احد بالكنب والفراش مترتب ونادى بـ : شهد ؟
كانت شهد بالحمام وماتسمع شي
طلعت من الحمام وانفجعت من شافته قدامها وقالت بغضب : خير خير ؟
ضاري : وش الي خير ساعه أنادي
شهد تكتفت : إذا مارديت يعني مابي ارد مايبيلها
ضاري : وليه ان شاءلله ماتردين زوجك أنا ولا طرطور
شهد ضحكة ضحكه مستفزه : ضحكتني زوجي قلت ؟ ههههههههههههه بموت ماصرت زوجه لوحده من امثالك
تفتحت عيون ضاري بغضب : ايش ؟؟؟
شهد بجرأة: الي سمعته وأبعد من طريقي بسرعه
اخذ نفس ضاري بعمق يهدي عصبيته مايبي يخسر شهد وجمالها الي قادر يغطي على اغالطها وقال بهدوء : بدلي بنطلع نتغدا بعدها بنروح لا اهلي
مشت شهد بدون ما تقوله شي
___________________
وعند مطلق الي كان سرحااااان ويبحر بالتفكير بس فجأة نزلت له جدته صحن الغداء وفز من تفكيره : افااا ياجده ليه ما نديتيني أشيل عنك الصحن ؟
الجده جلست : لا ياحبيبي مو ثقيل بس يلا سم بالله
سمو وبدو ياكلون رغم مطلق ماله نفس ابداً بس متحمل وياكل غصب عشان جدته تاكل وهو لو بيدينه انهار بس ماله إلا جدته وجدته مالها إلا مطلق يقويها ومال لمطلق فرصه ينهار ابداً وكله عشان جدته ومطلق تعلم الوجع والألم والسكوت ومن هو صغير وكللللله عشان جدته ومايزعلها
ويشوف اتصالات سعود له ومطلق بس مايرد عليهم
__________________
الرياض الساعه 3 العصر
في بيت ابو سياف تحديداً بالصاله الي كان فيها ابو سياف وام سياف واديم وسياف وكانو يتابعون المسلسل والكل مندمج معه ماعدا اديم الي كانت خايفه من نايف وفكرة انها بتقابله اليوم بالليل مجننتها وتحس هالسالفه مارح تعدي على خير قامت بتروح لغرفتها بس وقفت من صوت امها
ام سياف : وين اديم ؟
اديم بربكه : ءء بطلع للغرفه باخذ شاور
هزت راسها ام سياف بأجابه وكملت اديم تطلع الدرج دخلت غرفتها وقفلت الباب من وراها وهي شوي تموت من الخوف وشوي شوي يعدي الوقت والساعه تركض وفي قلبها شي ناغزها يردها من شي رسمييييياً استوطن الخوف بقلبها وبعد تفكيييييير داااام وقت طويل اخذت الجوال وفتحت على رقم بهاج لا شعورياً تحس انها تلقى الأمان معه وعنده وانها تطلب منه المساعده بس ماتقدر ماتقدر تدق عليه بعد كل الي صار والحين وتو تتذكر بهاج وتعلمه بكل شي الحين ؟
اديم : لالا اديم جنيتي انتي خالص الحين بتقولين لبهاج الحين فكرتي لالا ماقدر اكلمه ماقدر
رمت الجوال ومسكت راسها تبكي بس رفعته ومسحت دموعها واخذت الجوال تتصل على سلمى
ردت سلمى : هلا بروحي وعيوني هلا
اديم بصوت مبحوح و واضح كان يبكي : سلمى تكفين احتجتك بشي
سلمى بخوف : بسم الله الرحمن الرحييييم وش فيك ؟؟
اديم مسحت دموعها وقالت لسلمى كل شيييي من مكالمة نايف الفجر للللين الحين وأنهتها وهي تقول : والحين برسل لك رقم بهاج لو صار شي لي ولا شي اتصلي عليه ولا تترددين
مسكت سلمى راسها بخوف : اديم صادقه انتي ؟ وش تنتظرين كلميه انتي علميه بكل شي خليه يجي ويذبح ذا المعلون
اديم : لالا مقدر اكلمه وانتي لا تكلمينه لين تتأكدين ان صار شي
سلمى : أديم أنا أتوقع من ذا الحيوان نايف كل شي كل شي ممكن يسويه ذا المجنون بلغي الشرطه عليه وانهي الموضوع هذا ما قال لك اطلعي لي الساعه 1 الليل إلا انه بيسوي شي
اديم مسحت دموعها : ااااوف سلمى مقدر اكلم احد افهميني مالي وجهههه هذا رقم بهاج وارسلته إذا جت الساعه 2 ماكلمتك روحي كلميه محد بيساعدني غيره بهاج اعرفه مايخليني
قالت ذا الكلام وفي قلبها نااااااار تحترق وتدري رغمممم كل شي سوته بهاج مابيخليها لحالها وبيساعدها ويسندها حتى لو تأخر الوقت !
سلمى وقلبها محروق على اديم : زين انتبهي لنفسك امانه اديم واذا حسيتي بيسوي ذا المجنون شي بلغي الشرطه على طول
اديم : طيب
سلمى : استودعتك الله الذي لاتضيع ودائعه
قفلت اديم الجوال وحست انها ارتحت لو شوي وبداخلها يقول هاذي آخر مره بتكلم نايف وتطلع له وبتسجل كلللل شي يقوله لها عشان تهدده فيه وينتهى موضووع نايف بالكاااامل
اما سلمى الي ماهدا لها بال ومالها إلا حل واحد تكلم بهاج من الحين وتعلمه بكل شي ويلحق على اديم قبل نايف يسوي فيها شي وكل شي تتوقع من نايف
رفعت الجوال ونقلت الرقم الي عطتها اديم وبدا يدق ومع كل رنه يدق قلبها ماتدري هي تسوي شي صح ولا خطأ
سلمى : خلاص عاد الي بيصير يصير
رد بهاج من شاف الرقم الغريب : الو
سلمى بعد تردد طول قالت : السلام عليكم بهاج صح ؟
استغرب بهاج من هاذي وليش تسأل عني ؟ : ايه نعم
سلمى : أنا صديقة اديم وابي اقولك شي مهم اديم ماقدرت تقوله لك من زمان
بهاج فز قلبه وتفتحت أذانيه وعيونه وبعد عن الازعاج الي كان هو فيه وقال : وش فيها اديم فيها شي ؟
سلمى : إذا مالحقت عليها الحين بيكون فيها شي
بهاج الي احتر ودمه وقف : وش فيه انطقي يابنت الحلال
سلمى : سبق وتعرف موضوع نايف انت وسبق وساعدت اديم و وقفت معها والحين أنا ابي منك تساعدها وتوقف معها
بهاج قعد ساكت ومصدوم ومايدري وش السالفه بس من جا طاري نايف وهو خايف
كملت سلمى وقالت : بهاج نايف هدد اديم بصورها وانه بينشرها لو ماتطلقت منك وبيفضحها عند ابوك وابوها وعند الناس كلهم واديم رغم حبها لك تطلقت منك ولو روحها متعلقه فيك كانت خايفه منك وعليك خايفة تسوي لنايف شي يدخلك السجن وخايفه ينشر صورها وانت تنفضح عند الناس بأسم " زوجة بهاج " ومالقت حل إلا انها تتطلق منك وحتى لو نشر صورها بيكون مارح يجيك شي لانها تطلقت منك وكلللل ذا سوته وتطلقت عشانك وهي للحين تحبك وماتفكر إلا فيك وماتنام الليل من التفكير فيك شوف صارلكم شهرين وأكثر واديم مو اديم الي اعرفها وامس الواطي قال لا اديم تطلع له اليوم بالليل واديم خايفه وانا خايفه يسوي بأديم شي هذا مافك اديم من شره رغم اديم من سافرت للديره وقابلتك ماكلمته ابداً بس هو من شاف اديم ماعاد تكلمه ولا تبيه مالقى حل إلا انه يهددها ويسود عيشتها
سكتت سلمى وقالت : الو ؟ بهاج انت معي ؟
عند بهاااج
الي كااااااان مصدوم مصدوووووم من الشي الي قاعد يسمعه قلبه ينبض بسرعه وعروق وجهه تنبض والدم توقف في شرايينه اسودت الدنيا بعينه مايشوف إلا انه يذبح نايف قدامه ويشرب من دمه كل الي سمعه ماعاد يقدر يسمعه وهو واقف اتجه للجدار واستند عليه من التعب الي يحس فيه قلبه وقال وهو يحاول يتنفس : معك معك
سلمى : الحق اديم يا بهاج الحق عليها تكفى مالنا إلا انت
بهاج : من عطاك رقمي ؟
سلمى : اديم اديم عطتني اياه قالت لو صارلي شي كلميه وعلميه بكل شي
قام بهاج على حيله وهو يقول : الساعه كم قال لها تطلع له ؟
سلمى : اليوم الساعه 1 الليل
شاف الساعه بهاج من جواله : 6 المغرب
قفل الجوال وبسسسسسرعه ركب السياره ودعس البنزين واتجه للرياض بسرعه هايله
___________________
وفي جده
تحديداً في بيت العمه عواطف كانو البنات الع ونوره وتغريد جالسين بالصاله بملل دخل عليهم حمد وجلس : سلام صبايا
نوره : وينك من اليوم
حمد : كنت مع الشباب
تغريد : ايه وزوجتك وخواتك خلهم بالطفش
حمد : افاااا أنا ؟ قومو قومو البسو يلا
العنود بفزه : وين بتودينا ؟
حمد : اقول شرايكم ناخذ عشاء وقهوه ونروح الكورنيش نتبرد ؟
نوره : تم تم تم
حمد : يلا وانا بروح اكلم امي
فزو البنات يروحون يتجهزون ودخل حمد على العمه عواطف بالغرفه الي كان بحضنها فِراس ( ولد تغريد وحمد إذا نسيتو )
حمد : يمه ؟
العمه عواطف : هلا ابوي انت
حمد جلس جمبها : قومي وتجهزي بنطلع الكورنيش نتعشا
العمه عواطف : ماشاءلله وش طرا عليكم الحين ؟
حمد : البنات طفشانين قلت اطلعهم يتونسون
مسكت العمه عواطف راسه تمسح عليه : الله يرضى عليك ياحبيبي
يلا اسبقني وانا بلبس واجي وخذ ولدك معك
اخذ حمد فِراس وهو يضحك ويحب فيه
طلع وركب السياره وبحضنه فِراس واول ماطلع نوره ركبت ورا وبعدها نوره و تغريد الي كانت شايله عربية فِراس نزل حمد يشيل العربيه عنها واخذت تغريد فِراس وركبت السياره ونزل حمد العربيه بالشنطه وركب وطلعت العمه عواطف تركب جمب حمد واتجهو للكورنيش
_________________
في الريآض الساعه 11 عند اديم الي قلبها من اليوم يوجعها تحس بيصير شي بس متماسكه وانها على امل بتنهي موضوع نايف بالكاااامل نزلت تحت وكل متوتره دخلت على امها وابوها شافتهم نايمين بالغرفه سكرت الباب بهدوء وطلعت لسياف وهو بعد نايم والبيت هدوووووء
تنتظر بس نايف الخسيس يدق عليها وتسجل صوته وتهدده بمقطعه وتنهي الموضوع بس قلبها ناغزها ماتدري من ايش جلست على الكنب تتنفس بهدوء تهدي نفسها وتقول : خلاص أديم إلى متى وانتي بالحاله سويها وخلصي إذا ماسجلت صوته وكلامه لي مارح افتك منه طول العمر الله ياخده يارب وافتك منه عاجلا غير آجل
________________
وفي جده ( الكرنيش )
بعدت نوره عن جلستهم تمشي جمب البحر وتسرح فيه وجمال البدر المنعكس عليه وهدوء الليل ونسمة الهواء الخفيفه والكونيش فااااضي وقفت تتمعن بخلق الله والبحر والقمر
وتتعجب جا في بالها سعود كيفه ؟ وش لونه ؟ وش قاعد يسوي الحين ؟ هل هو يفكر فيني زي ما أفكر فيه أنا ولا مادرى عني ؟ معقوله مادرى ؟
سرحت بالهواجييييس الطوووويله اخذت نفس عمييييق
حمد من بعيد : نووووره نوررره
لفت نوره
حمد يأشر بيده : تعالي حطينا العشاء
ابتسمت واتجة لهم
_______________
الساعه 11 ونص ( الرياض )
فزت اديم على دقة الجوال وفعلاً كان نايف ماتوقعت انه يجي بدري وهو قال لها الساعه ١ ؟ دق قلبها بخوف تلفتت يمنين يسار ومالقت احد وردت
نايف : يلا اطلعي لي عند الباب جايب لك هدددديه بتعجبك
اديم سكرت الجوال واقامت بتوتر تلبس عبايتها وجوالها بيدها طلعت للباب وقلبها يدق بخوف وقبل تفتح الباب بدت بتجسيل الصوت من جوالها وخبت الجوال بيدها
و فتحت الباب على خفيف وقرب نايف من الباب
اديم بفزه : ابعد شوي وين جاي ؟
نايف بأبتسامه خبيثه : افاااا ماتبيني أشوفك ؟ وبعدين صدق مو صاحيه طالعه لي بعبايه وحجاب ؟ تمنعيني من جمال وجهك
اديم : اخلص وش تبي مني نايف خلاص ريحني الله يخليك تعبت منك ومن تهديداتك وش تبي منننني يا ابن الاودام ؟؟؟
نايف : ابيك بس ابيك أنا مقدر أتخلى عنك مستحيلللل أخليك لحد غيري
سكتت اديم بخوف وهي بداخلها : اللله ياخذ ويلعن الي يبيك مين يتقبل فيك يا نجس ياوسخ
اديم : عندك بنات كثير وش تبي فيني ولا عشاني ماقدر عليك تسلطت علي
نايف بضحكه : بس تدرين حتى هوشاتك واحشتني
اديم : أنا لازم ادخل
نايف مسك الباب بقوه قبل تسكره اديم : وييييين ويييييين عايشين هاذي آخرتها تسكرين الباب بوجهي ؟؟
هنا اديم صاااابها الرعب خصوصاً ان نايف الحين تقريبا دخل البيت
اديم برجفه : اطلع الله يخليك ابوي لا يقوم
نايف تكى على الجدار : جايب لك هديه بتعجبك قولي ايش
اديم عشان تفتك منه قالت من دون نفس : وش " اخذت من كلام ولهجة بهاج كثييييير "
نايف طلع علبة الساعه : جبت لك ساعه ماتليق إلا عليك
فتح علبتها وقال: البسيها
اديم : ماله داعي البسها الحين
نايف سحب يدها بقوه : اقولك البسيها
وسوء الحظ شاف الجوال وهو يسجل كللللللل شيييي وهناااااا خلااااص اديم ماتت من الخوف الحين ذا المجنون يسوي كل شي يخطر على باله
وقبل لا يسحب نايف الجوال رمت اديم الجوال داخل البيت وسكرت باب البيت الي مايفتح من برا بسرعه
وهنا نايف بغضب وعيون تطلع منها النار : تسجلين صوتي يا اديم ؟؟
بس فجاءه وصار الي ماكنت اديم تتمنى انه يصير طلع ابو سياف بفجعه وبسرعه بعد ماسمع كللللللل شيييي انقال حس بثقل على قلبه وطعنات بظهره وبداخله يحترق نااااار معقوله اديم ؟ معقوله بنتي وحيدتي دلعوتي تسوي كل ذا ؟؟  ومدخله واحد البيت ؟؟؟ معقولللللله كانت تطلع من عيون ابو سياف نااااااار ناااااااار
واول ماشفته اديم بغى ينغمي عليها من الخوف
ابو سياف بهواش يسمعونه كل البيت : منننن انتتتت ؟ وش تسوي ببيتي ؟
نايف الي استغل الفرصه وعشان ينتقم من اديم انه سجلت صوته قال بلعانه : حبيب بنتك
هنا اسودت الدنيا بعيون ابو سياف طااااااحت اديم من عينه رسميييييياً
تقدم  ابو سياف يمسكه ويضرب فيه يضرب فييييه لين شبه دمانه تصب واديم في حااااالة بكااااء لا تحسد عليها بعدت وهي تشوف منظر ابوها وهو يتهاوش مع نايف حطت يدها على فمها وبدت تشهق ببكي وخوف ورعب تمنت الي هي فيه حلللللللم ولا صار ذا الكاااااابوس كله
وبعد لحظات قدر نايف يتخلص من يد ابو سياف وطلع يركب السياره منحااااش وقفت سيارة بهاج اول ماتحرك نايف وشاف حالته ودمانه وهروبه وحلف انه يكمل عليه لين يذبببببحه
ابو سياف بكااااامل غضبه الي ماتوقع بيوم بيمد يده على اديم اليوم ممكن يسوي فيها ايييي شي مسكها مع شعرها من الجنب واديم تببببكي ماعاد فيها حيل
طلعت ام سياف بفجعه من الأصوات والصراخ وهي تقول : وش فيه وش فيه
ابو سياف وهو ماسك شعر اديم : بننننتك المتربيه المحترمه مدخله رجال للبيت ولا حبيبها بعععععد
مسكت ام سياف راسها بصدمه ماتدري وش تقول
ابو سياف وهو يهز راس اديم بيده : من ذا ومن متى تعرفينه تكلممممممي
اديم الي من كثر البكي ماتقدر تتكلم : ابوي تكفى اسمعني
ابو سياف الي توجعه اديم من كل مكان توجعه فكرة انه قاعد يضربها وفكرة ان اديم طعنت ظهره كلللللل شي بذا الوقت من اديم صار يوجعععع قلللبه وبقوه
: ليه ليه يا أديم أنا وش قصرت فيه معك كل شي وجبته لك وطلباتك أوامر وماتسمعين مني غير لبيه وسمي وحاضر هذا العشم فيك يا اديم يا دلوعة ابوها وحبيبته هذا العشم ؟؟؟؟
كان يقول هالعتاب لا اديم وهو اديم تستقبله مثل الجمره على صدرها وهي تسمع ابوها يقول لها كذا وتشاهق وتبكي بألم
ابو سياف الي غمض عيونه بغضب
وعند بهاج احتار يلحقه ولا ينزل عند ابو سياف الي صوته طالع من البيت وواضح انه عرف عن كل شي واول ماجت في باله انه ممكن يضرب اديم او يآذيها نززرل بسسسسسرعه مايشوف قدامه إلا اديم تكون بخير بسسس
دخل مع الباب المفتوح وشاف ابو سياف واديم وام سياف واقفه بعيد تبكي
رفع يده ابو سياف يضرب اديم وهو قلبه ما يطاوعه بس في هالوقت ماعاد يفكر بشي غير طعنة اديم له وبسسسسسرعه مسك بهاج يد ابو سياف وهو يقول : لا يااااعمي لااااا
الكل انصدم من دخول بهاج وحتى اديم الي كانت مغمضه عيونها فتحتها اول ما سمعت صوت اديم جا بهاج بين ابو سياف واديم وجهه لعمه ابو سياف وظهره لا اديم وهو للحين ماسك يد ابو سياف : استهدي بالله كل شي ينحل بالتفاهم
أنصدم ابو سياف من بهاج وقال : انت تدر..
بهاج اخذ نفس وقال : ادري ادري عن كل شي توني عرفت
ابو سياف ماعرف وش يقول انربط فمه مايقدر يقول شي نزل يده بيأس
كان بهاج واقف ويسمع بكي و ونين اديم وراه بس مايقدر يلف ويشوفها " مو محرم له "
ابو سياف التفت لا اديم وقال : هاذي ناهية الثقه الي عطيتك اياه وهاذي ناهية أفعالك ودروبك يوم تطلقتي من ولد عمك الي يعزك ويقدرك عششششششان مييييين عشان واحد من الشااااارع ؟؟؟ 
بدأ صراخ ابو سياف يعلى مره ثانيه وبهاج يسمع كللللل شي وبداخله نااااار تحرق ضلوعه وصدره وقلبه وهو يسمع بكي اديم وراه
قالت اديم بصوت مبحوح وشبه مختفي من البكي : والله ماعرفت وش اسوي هددني يابوي هددني ربط يدي ماقدرت اسوي شي تحكم فيني بكل شي
كان بهاج يسمع كللللل كلامها بكل حواسه وهي وراه ورا ظهر بهاج وكل ما قرب ابوها منها تقدمت ورا ظهر بهاج وصار بهاج مصدر الأمان لها
ابو سياف : هددددك ؟؟ عنددددك ابو عندددددك سند تعلمينه واذبحه في مكانه خرررربتي حياتك وخنتي ثقتي فيييييك الحين وش اسوي فيك علميني وش الحللللل مع ذا المصيبه الي جبتيها لللللي
بهاج : يااااعمي عندي الحل الله يرضا لي عليك بس انت اهدا
ابو سياف بغضب : لا تقولي اهداء كيف تبيني اهدأ كيييييف يااااربي استرناااااا ياربي برحمتك استرررررنا
والكلمه الي اديم انهارت منها يوم قال ابو سياف : من الييييوم ورايح لا أنا ابوك ولا انتي بنتي
بهاج بصوت عالي يوقف كلام ابو سياف الي ماعطاه فرصه يتكلم : أنا بتزوج اديم وبستر عليها ولا احد بيعرف عن هالموضوع ابداً
تفتحت عيون اديم الغرقانه بالدمووع لبهاج
ابو سياف سكت منصدم معقوله كل الي سوته اديم يرجع يتزوجها ؟ الي غيره يعيفها وهو يطلب يتزوج منها مره ثانيه
وسكتت ام سياف الي كانت تبكي منصدمه مره بعد
بهاج : يتزوجها إذا اديم وافقت
ابو سياف بغضب : وفيهاااا خيييير ترفض بس غصبببب عليها بتوافق
بكت اديم ماتدري من فرح ولا من حزن وكيف لها وجه ترجع لبهاج كييف
بهاج : اهدى اهدو كلكم وخلونا ندخل داخل نتفاهم مايصلح كذا بالحوش أصواتنا طالعه
ابو سياف لا اديم : ادخلي ادخلي لا تشوفك عيني
تعدت اديم بهاج ببكي وداخلت اخذت جوالها وراحت غرفتها على طووووول
اما بهاج سكر باب الشارع واخذ نفس وتقدم يدخل بعد ابو سياف وهو خايف وبداخله يقول : يارب ساعدني
جلس ابو سياف وهو بكامل عصبيته وبجمبه ام سياف تهديه واديم مسكره على نفسها باب الغرفه وجالسه تبكي وبالمجلس
جلس بهاج شمر عن كتوفه وقال : ياعمري اذكر الله وانا بفهمك كل شي
بدأ بهاج يقول كللللل شي من البدايه من جية نايف للديره ومن مساعدته لا اديم وتهديدات نايف الي قدر يطلق اديم من بهاج الللين ذا اليوم
مسك ابو سياف راسه : يارب هونها علينا من مصيبه ياااارب
ام سياف : حسبي الله عليه ونعم الوكيل الله ينتقم منه هذا لازم يتحاسب ؟
بهاج اخذ نفس : بيتحاسب بيتحاسب ماني مخليه بمسكه أنا بيدي وأحاسبه
ابو سياف : لا تدخل نفسك في مصايب يابهاج اهم شي نسلمه للشرطه
عصب بهاج بس كان يحاول يهدي عصبيته على الاقل قدام ابو سياف وام سياف
بهاج : الأمور ذي كلللللها بتنحل ابن الحرام بيدخل السجن وبيتحاسب بأذن الله وانا برجع اطلب منك اديم على سنة الله ورسوله وكلللل شي بيكون سر بينا للقبر محد بيعرف عنه
مسحت ام سياف دمعتها من كلام بهاج كيف انه وفي ويوقف معهم بكل شي كلللل ذا عشان اديم
ابو سياف : الي ماني فاهمه ليه ماجت عندي تعلمني ليييييه ليه سمحت له يهددها بنتي اديم وحيدتي الي كنت اعرفها أقوى وحده وشجاعه كذا يصير فيها وتطلع خوافه ؟؟؟
نزل بهاج راسه بعجز وقال : انتم اهدو ولا تضغطون على اديم خلوها براحها
ابو سياف : أنا ماعاد أتقبلها ماعاد ابيها ببيتي
انصدمت ام سياف وشهقت بخوف وقالت : مهما يصير هاذي بنتنا وين تبينا نوديها نرميها بالشارع ؟؟؟
بهاج بفزه : هذا مارح يصير واديم عمرها مابتكون بالشارع
لف على ابو سياف الي كان ماسك راسه : ياعمي تعالو الديره خل عمتي واديم وسياف بيتكم وانت نام ببيت جدي لين اكتب كتابي عليها واخذها عندي ودي اقول باخذها لبيت جدي تقعد فيه لين اكتب كتابي عليها بس مقدر اشكك العالم بيشكون ليه انتم بالرياض واديم بالديره وليه برجع أتزوجها ؟
ام سياف : صادق صادق ياولدي يابهاج
بهاج قام : أنا الحين بطلع وا أوعدكم امسك نايف وأسلمه للشرطه بعدها بنتفاهم بموضوع الزواج ونطلع للديره
طلع بهاج وسكر باب المجلس وراه تردد شوي بس التفت للغرفه الي يطلع منها صوت بكي و واضح انها اديم التفت وشاف باب المطبخ مفتوح تقدم اخذ علبة مويه صغيره ونزلها قدام الغرفه اخذ نفس متضايق من صوت اديم وهي تبكي طق الباب بهدوء وراح بسرعه يطلع
طلعت اديم بعد ترددات كثيره وشافت المويه عند الباب تحت ابتسمت بحزن واخذتها ورجعت تحاول انها ماتبكي مره ثانيه
وعند بهاج الي ركب سيارته وهو مايدري وش يسوي هو يعصب ولا يتضايق على اديم كان ضاااااايع
بعد شوي عن البيت واخذ جواله واتصل على سعود
سعود : هلا بهاج
بهاج : هلا سعود وينك
سعود : بالبيت وش تبي
بهاج : تذكر مشاري الي بمركز الشرطه ؟
سعود : ايه شفيه ؟
بهاج : إذا عندك رقمه أرسله علي الحين ضروري
سعود : طيب وينك انت و وش تبي به
بهاج اخذ نفس : أنا بالرياض
سعود : بالرياض ؟؟ وش تدور هناك
بهاج قال لسعود كلللللل شي من الألف إلى الياء وقعد سعود منصدم بس فز بسرعه وقال : اسمع ماتسوي شي لين اجيك تسمع ؟
بهاج : لا تجي ياولد وتتعب نفسك
سعود : قلللت لك انتظرني لا تسوي شي
بهاج : زين بروح لفندقنا كالعاده
سعود : طيب وانا الحين طالع للطريق
بهاج : انتبه
قفل بهاج الجوال واخذ نفس وتكا راسه بالديركسون
اما سعود الي بسسسسسرعه لبس ثوبه واخذ اغراضه عالسريع وركب سيارته وطلع الطريق
____________________
وبالديرة تحديداً في فندق شهد وضاري
تقدم ضاري يعدل لحاف شهد فزت شهد بفزعه : خير وش تبييي ؟ ابعد
ضاري استغرب واخذ نفس بغضب إلى متى وهي بتتصرف كذا خلاص ماصار دلع هذا : اعدل لحافك وش فيك
قامت شهد من دون نفس دخلت الحمام وطلعت بس ماتطمنت من ضاري فيه شي ناغزها