احببتك والله يعلم بالخفاء

بارت 9

رجعو العيال للمجلس وهم في قمة التوتر

رعد : جدتي خوفتنا عليها
محمد : مااحس برجلي انا تصدقون
بهاج وسلطان بنفس الوقت : لا
رعد : يلا انا بروح انام بعد ذا اليوم ماعاد اقدر امشي
سلطان : اي المعزبه تناديك
رما رعد علبة المنديل على سلطان : اسكت لا افرشك بمكانك
بهاج : بالله افرشه علشاني
رعد : بمشيها له هالمره
وطلع رعد متجه لشقته الي فوق بيت ابو رعد واول مادخل البيت كان البيت في قمة الهدوء وهنا عرف رعد ان ساره نايمه ودخل الغرفه بشويش ومندون صوت نزل اغراضه وجاء على حافة الفراش عشان ساره ماتقوم من نومها لان نومها خفيف لكن فزت اول ماحست في احد موجود
ساره : رعد هذا انت ؟
رعد : ايه ايه انا نامي كملي نومك
ساره : فيك شي ؟
رعد وهو يغطي ساره كويس : لا مافيني شي بس كملي نومك
ورجعت ساره تكمل نومها و وراها رعد على طول نام
___________________
عند العيال بعد ماقامو بينامون طلع بهاج يتمشى حولين البيت بمأنه عاشق اليل وبالصدفه راح ورا البيت في نفس الشارع الي كانت دريشة غرفه الجده القديمه عليه وهي الغرفه الي كانو البنات نايمين فيها وكان يمشي ويسرح في القمر وبيده بيالة شاهي وشماغه على كتفه مر من عند الدريشه وبالصدفه شاف اديم الي كانت نايمه في السرير الي على الدريشه وكانت نايمه نومة البرأه وشعرها الحرير معبي المخده وفي اللحظه الي طاحت عيون بهاج في نومة اديم ماقدر يشيل عيونه عنها وكان في نفسه شعور غريب اول مره يحس فيه ومن كثر دقات قلبه ماقدر يتنفس ولا حتى يوقف برجله نزل البياله قدام الدريشه وهو مايدري عن نفسه ولف وراه
وقال في نفسه : هذا مو انت الي تشوف بنات مو من حلالك وش ذنب البنت تشوفها وهي نايمه
وبدا بهاج يمشي وقلبه كان وراه وكان يحاول يلف ولو بيده بيقعد على وجها لين الصباح لكن هاذي مو عادات بهاج
واخيراً قدر يوصل للغرفه واول ماوصل الغرفه شاف سلطان نايم وكان بهاج في حاله يرثا لها وباليالله يتنفس وكان يتنفس بصعوبه ولا قادر يوقف على رجله صحى سلطان من صوت بهاج وهو يحاول يتنفس
سلطان بخوف : بهاج ولد وش فيك بهاااج
بهاج الي كان مو قادر يتكلم ولا ينطق بحرف اشر بيده للمويه
وعطاه سلطان المويه وهو خايف
وبدا يشرب وبدا يهدأ
سلطان : وش فيك ؟ فيك شي ؟
بهاج بتعب : لا لا مافيني شي بس طحت
سلطان : ولد قل الصدق وش فيك ليكون بداح جا من هنا ولا من هنا
" بداح هذا واحد كان سلطان متهاوش معه وبدال مايحط سلطان في راسه حطا بهاج لان بهاج فزع لسلطان وضربه هو والي جا معه "

بهاج : لا ياولد وش بداح قلت لك طحت بس مافيني شي
سلطان : زين تعال تعال
وانسدح بهاج في فراشه
سلطان : اذا تبي شي قل لي
بهاج : طيب
وكمل سلطان نومته وكانت عيون بهاج على السقف وكل فكره عند اللحظه الي شاف فيها اديم نايمه
وقال ..
انتي اجمل من تفاصيل الجمال
ضحكة نومك اجمل ماعيني شافته
لك عيون تثير في صدري جدال
ولي عيونٍ غير زولك عافته
________________
الظهر الساعه ١١ عند الجده وهي في الصاله مع ام رعد و العمه عواطف ومعهم القهوه ويسولفون عن الطيحه الي طاحتها الجده
امس