احببتك والله يعلم بالخفاء

بارت 35

وفي طريق الرجعه عند بهاج الي كان حاط كل حرته في سرعة السياره وافنان ميته خوف بس ماتقدر تقول له شي وبهاج كل ماتذكر سالفة امجاد وزعل اديم يزيد السرعه اكثر واكثر
وعند سيارة سلطان الي كانت الهنوف تراقب عيون سلطان وخفة دمه حتى بحركاته بالمرايه بصمت وباابتسامه خفيفه
اما سلطان الي ماتجرأ يحط عينه بالمرايه ابداً وطول الطريق عينه قدام
ام رعد : بهاج وين اختفى ؟؟
الجده : الله يكفيه شر ذا السرعه
دق قلب اديم من الخوف وهو فعلاً اختفى بهاج بعد ماكان يمشي قدامهم ويشوفونه
وعند بهاج الي كان مندمج مع السرعه انتبه للسياره الي صادمه بعامود الكهرب ويطلع منها بخار هد السرعه وركز بالسياره اكثر واكتشف انها سيارة سعود
وقف السياره بسرعه ونزل وهو ينادي : سعوود ! سعوددد
كانت افنان بالسياره رميته خوف واول مره تشوف منظر كارثي كذا !
بهاج وهو مذهول من منظر السياره والدخان الي يطلع منها بشكل كبير
فتح باب السايق بأقوى قوه عنده وفعلاً شاف سعود متغرق بالدمام وفاقد عن الوعي تراجع بصدمه وهو يمسك راسه وافنان تراقب بخوف
ركض بهاج للسياره واخذ الجوال بسرعه واتصل على الاسعاف
وبعد اتصال الاسعاف شرح لهم المكان والمنطقه رجع لسعود وهو باليالله يقوم على رجله بدا ينادي سعود وهو يهزه ويقول : سعود سعود ولد تسمعني ؟؟
وبصوت اعلى وبخوف ملى صدره : سعود تكفى ياسعود لا تخليني تكفى !!!
وعند افنان الي اول مره تشوف بهاج قليل الحيله كذا نادت وهي ماسكه دموعها : بهاج سلطان يدق
اتجه بهاج ياخذ الجوال واول مافتح
سلطان : وينك اختفيت ؟ امي تقول هد السرعه
بهاج بصوت خايف : سعود سوا حادث
سلطان بصدمه وصدم الي بالسياره معه : وش تقول انت صادق ؟
دق قلب اديم بخوووف ان صار على بهاج شي ومسكت قلبها
والهنوف الي تراقب صدمة سلطان وبفضوللل وماتدري عن شي
بهاج : ايه ايه انا طلبت الاسعاف انت تعال خذ افنان معكم
سلطان : لاحول ولا قوة طيب وينكم ؟
بهاج : قدام بتشوفنا استعجل
سلطان : يلا يلا
بدا سلطان يزود السرعه والكل خايف يبي يدري وش صار
وهنا تجرأ سلطان ورفع عينه بالمرايه وشاف الهنوف الي لاهيه بس بنفس الوقت مبين عليها خايفه
ام رعد بخوف : وشو اخوك فيه شي ؟؟ بهاج فيه شي
ماحب سلطان يقول لام رعد شي خصوصاً قدام ام سعود والهنوف
وقال : لالا مافيه شي
والتزم الصمت لين مابان له مكان الحادث وبانت سيارة بهاج و وقف جمبهم
ام سعود اول ماشافت الحادث وما انتبهت للسياره قالت : لاحول ولاقوة الا بالله الله يصبر اهله
شافت اديم بهاج الي كان يروح ويجي بخوف وتطمنت انه مافيه شي
اما الهنوف الي انتبهت لسيارة سعود وقالت بعد ماعينها امتلت دموع : هاذي ؟
سكت سلطان بعد ماسمعها قاعده تحاول تتذكر السياره ونزل من السياره على طول واتجه لبهاج
الهنوف وهي تمسك امها : يمه يمه هاذي سيارة سعود اخوي !!
ام سعود بعد مادقها الخوف : لالا يامي نفس سيارته بس مو هو !
كانت ‏أم سعود تحاول ما تصدق انه
سعود ومبعده ‏الفكرة من راسها أم الهنوف كانت متأكدة أنها سيارة سعود ولفت على قدي كانت خايفة وقالت بأنهيار : اديم هذا سعود انا اعرفه يمه هذا سعووود
‏أم رعد: صلوا على النبي يا جماعة يمكن مشبهين عليه ؟
الهنوف وهي مصرة أنها سيارة سعود : لالا والله هو انا بنزل
اديم وهي ماسكتها : وين تنزلين يمكن مو هو
وعند سلطان الي اتجه لبهاج وشافه في حاله يرثى لها وشاف سعود متغرق بالدماااان
سلطان : بهاج !
بهاج التفت عليه : جيت ؟ خذ خذ افنان معكم يلا قبل تجي الاسعاف
سلطان : طيب انا بوصلهم البيت وبجي للمستشفى
بهاج الي ماسك نفسه ماينهار : زين
راح سلطان للفنان
نزلت افنان وقالت : خالتي ام سعود والهنوف جاهم خبر ؟
سلطان بحيره : لا
افنان : لا حول يارب
وعند الهنوف الي كل شوي تبكي اكثر : لا بروححح
وصلت سيارة الاسعاف
اديم : شوفي هاه وهاذي سيارة الاسعاف خليهم يطلعونه ونشوفه سعود ولا ؟؟
اقتنعت الهنوف وهدت شوي
اما ام سعود الي كانت مبعده فكرة انه سعود حز بخاطرها شي
ركب سلطان السياره وركبت افنان جمب البنات
الهنوف بصوت مبحوح : افنان هذا سعود صح ؟؟
سكتت افنان بخوف وسلطان الي ماقدر يسوي شي وهو يشوفها تنهار
وعند الاسعاف الي نزلو يسعفون سعود وبعدو بهاج عنه واديم انتبهت له وهو على وشك ينهار
وشالو سعود ونزلو بسرير الاسعاف وهنا بان للهنوف وام سعود انه سعود
ام سعود وهي ماسكه قلبها : يمه ولدي !!!!
ام رعد : لاحول ولاقوة الا بالله
الهنوف بأنهيار : افنان افتحي الباب بنزل
ام رعد : استهدو بالله ان شاءالله انه طيب
ام سعود فتحت الباب متجهه له وتنادي : يمه ولدي سعوددد سعوددد
بهاج بعد ماشافها نازله ومتجهه لسعود قرب لعندها ومسكها : ياخاله ماتقدرين تروحين له
ام سعود بأنهيار : وش فيه وش فيه وليدي ؟؟؟؟
جت الهنوف بتنزل بس مسكتها اديم : الهنوف اتنتظري شوفي خالتي نزلت وبعدين ماتقدرين تشوفينه دخلوه سيارة الاسعاف
الهنوف بقهر وبكاء : اااوف
كان سلطان يسمع كلللل شي ومتحمل
اما عند بهاج وام سعود الي كان يحاول يهديها واخيراً رضت تركب السياره تكتفت بيد بهاج واخذت القوه منه
وكان معها لين ماركبت سياره وشاف اديم واديم انتبهت
له ولحزنه وكأنه قنبله موقته بتنفجر
وكانت نظرات بهاج فيها الم وكأنه يحاول يوصل شي لا اديم وكأن اديم فهمت ذا الشي وحتى نظرات اديم عطت بهاج القوه والصبر ومشا سلطان وعند بهاج ركب السياره وعلى طول ورا الاسعاف
__________________
وفي سيارة سلطان وهو يسمع لانهيار ام سعود والهنوف رغم ان الهنوف كانت تحاول تقصر صوتها وهي تبكي بس كانت مسامع سلطان معها الين ماوصلو للديره
ام رعد : رح لبيتنا يابوي مانقدر نخليهم لحالهم
سلطان بصوت خفيف : ابشري
و وصلو لبيت ونزلو ونزلت الهنوف ومبين عليها منهاره ولف سلطان يشوفها من مراية السياره ومسح على وجهه بحزن
_________________
وعند رعد الي كان عند دخلة الديره جاه اتصال من سلطان
رعد : الو
سلطان : هلا رعد وينك
رعد : دوبي داخل الديره انتم وصلتو ؟
سلطان : ايه وصلنا اسمع
رعد : وش
سلطان : سعود سوا حادث
رعد : وشوو لاحول قوي ؟
سلطان : اي والله انه قوي الله يقومه بالسلامه
رعد : ابوه درا ؟
سلطان : انا مكلمك عشان تعلمه
رعد : يلا يلا لاجيت بتكلم معه
سلطان : يلا
_______________________
وفي المستشفى بعد مااسعفو سعود ودخلوه العنايه المركزه
وضرب بهاج راسه على الجدار بألم وحزن : ااااااه ياسعود اه
سلطان جا : بهاج
لف بهاج عليه
سلطان : وين سعود ؟
بهاج : دخلوه العنايه
سلطان : كم بيقعد فيها ؟
بهاج : مدري مدري
جا الدكتور وفز بهاج يسأله : هاه يادكتور تكفى بشرني كيفه متى بيقوم ؟؟
الدكتور : فيه بعض الكسور جربناها ودخلنا للعنايه
سلطان: متى يطلع منها ؟
الدكتور : ممكن يصحى بكره او بعد سبوع او بعد شهر او حتى تستمر لسنه هذا الشي موقف عليه !
بهاج لف الشماغ على وجهه وجلس على الكرسي ومو قادر يسوي شي
جلس سلطان جمبه : علمت رعد بيعلم ابوه
بهاج اخذ نفس عمممميق
___________________
وعند رعد الي نزل ساره للبيت واتجه لمجالس الجد حمد اكيد بيكون فيها ابو سعود و وقف سيارته ونزل وهو مايدري كيف بيقول له ودخل المجلس : السلام عليكم
الكل : وعليكم السلام ورحمة الله
رعد : عمي ابو سعود ابيك بكلمه
الجد حمد : عسى خير ؟
ابو سعود : قل وانا عمك مافي احد غريب
رعد : سعود ياعمي مسوي حادث صغير جيت اعلمك به
فز ابو سعود : وشهوووو
ابو رعد : متى صار ؟
رعد : ياعمي اذكر الله حادث بسيط ان شاءالله تبي تروح للمستشفى انا بوديك
ابو سعود : ايه ايه بروح
وطلع رعد وابو سعود وابو رعد متجهين للمستشفى
وابو سعود يردد بالسياره : لاحول ولا قوة الا بالله
___________________
وفي المستشفى الساعه 8:30 بعد ماوصل رعد المستشفى ونزلو
اقبل ابو سعود لبهاج الي كان جالس قدام غرفة العنايه
فز بهاج اول ماشافه : عمي
ابو سعود بعد ماشاف سعود بالعنايه ومرتبط بالاجهزه ارتمى على بهاج : اه ياوليدي اه ياكسر ظهري
بهاج : ياعمي اذكر الله المهم انه عايش
ابو رعد : يابو سعود استهدي بالله
ابو سعود : اااااه اه دايم اعلمه دايم انبهه كل شي الا السرعه اه ياكسر اه وش الفايده من السرعه لامنه راح لامنه خلاني لحالي ؟؟
بهاج الي ماقدر يتحمل هالكلام ولا فكرة ان سعود يموت ويخليه
اشر لرعد يمسكه وراح يمشي يبي يطلع برا المستشفى وهو متلغثم بشماغه
وهالبيتين الي تشرح وضع بهاج هنا بالظبط
تعشى الحزن طراف كبدي وشبع وقام
وانا خايف يعود ويفطر على الباقي