احببتك والله يعلم بالخفاء

بارت 4

بعد ماخلصو من السحور اتهجو الريجيل للمسجد اما البنات قامو يرتبون البيت واديم بيدها الجوال

الجده وهي تشوف اديم بيدها الجوال ولا تشتغل معهم : يا افنان
افنان : هلا ياجده
الجده : خذي بنت عمك الجديده خل تقوم تشتغل احسن من جلسة الجوال ذي
التفت الكل على الجده واديم
اديم وهي رفعت راسها عن الجوال ماتدري وش تقول
تغريد وهي جايه من بعيد : لا لا عادي اصلاً مافي حوسه كثير وخلصنا
بنات العمه شيخه وهم مبتسمين ويطالعون في اديم ويحسسونها انها منبوذه
ام رعد مع اذان الفجر : هذا الاذان اذن يلا يبنات توضو وصلو
قامت اديم وهي متضايقه وجتها افنان تمشي بجنبها : ماعليك ولا تزعلين ترا هاذي جدتي من زمان
اديم : لا لا عادي بس ليش اسمي الجديده ؟
افنان : هههههههههه يبنت ماعليك
_______________
بعد صلاة الفجر و الجد حمد وعياله راجعين من المسجد اتجه بهاج ياخذ قرانه وطلع للمزرعه في ذيك الدكه الي يحبها بهاج وتعتبر دكة بهاج وكل مادوروه لقوه فيها اما الجد حمد راح ينام على طول اما ابو رعد و ابو سياف جلسو في الحوش مع طلعو الشمس بالسوالف
اما سلطان فأنه ميت من النوم بس اكيد قبل ينام يرفع ضغط افنان عشان ترتاح له النومه ورعد الي راح اخذ زوجته وراح لشقته الي فوق بيت اهله ورجعت ام سياف واديم وسياف لبيتهم الي جب بيت الجد الحمد

عند اديم و ام سياف بعد مانام سياف
اديم وهي بفراشها: يمه بسألك جدتي ليش تعاملني كذا انا وش سويت
ام سياف : يا يمه انتي ماسويتي شي حتى ابوك مو طايقته هي زعلانه علينا لانا من زمان ماجيناها ومن حقها تزعل
اديم : هو من حقها تزعل بس مو لذي الدرجه وش نسوي عاد مانحب الديره مو غصب نجيها
ام سياف : اقول انتي الي ماتحبينها مو احنا بس يلا يلا ارجعي نامي
اديم بتنهيد : افففففف
رجعت اديم تنام وفي حظنها سياف الي متعود ينام معها
وجلست ام سياف في الصاله تقرا القران ودخل عليها ابو سياف : السلام
ام سياف : ياهلا وعليكم السلام
ابو سياف : ماشاءالله نظفتو البيت زين
ام سياف بضحك : تعرفني ماارتاح في المكان الوسخ
وجلس ابو سياف يسولف معها شوي وسأل عن امه كيف كانت ردة فعلها عليهم
ام سياف : اييييه والله انها زعلانه علينا بس خلها على الله
ابو سياف : اي والله انها زعلانه بالحيل بس تبشر بمن يراضيها
ام سياف : بس انا مدري هي ليش علقت على اديم اكثر مننا واديم صراحه لاحظت وزعلت بالحيل وقبل شوي تسألني انا وش سويت لها
ابو سياف : لحول ولا قوة الا بالله تنحل ان شاءالله الا اديم وينها ؟
ام سياف : راحت تنام
ابو سياف : بكره بكلمها
ام سياف : زين
_______________
الساعه 4 العصرعند البنات تحديداً في مطبخ الجد حمد

افنان وهي تحرك الشوربه وفيها نوم وفزتها العمه الشيخه : اصحي اصحي لاتحرقين علينا الشوربه بعد
افنان بعد مافزت وكانت متحمله العمه شيخه بمافيه الكفايه بس سكتت احتراماً لها
العمه شيخه وهي تتجه لتغريد وهي تفرد الفطاير : ماشاءالله هاذي الفطاير
تغريد : ايه
العمه شيخه : يعني وحده سنعه وجمال لك عليه شويه ولا تزوجتي لاااازم القا لك عريس
افنان وهي تلف عليهم ومن بعد هالكلمه انقهرت من العمه شيخه : الا يا عمه وراك ماتشتغلين معنا و البنات وينهم ؟
ام رعد وهي تقرص افنان من كتفها
افنان : ااااه
العمه شيخه : في احد يقول لعمته ليش ماتشتغل هاااه
ام رعد : سامحيها توها طفل جاهل
تغريد وهي تطالع افنان بعد ماامها قالت طفل وفيها ضحكه بس ماسكتها
العمه شيخه وهي منفسه طلعت برا المطبخ
افنان : يمه وانا اقول الصدق جايه تفرج وش سوينا و وش خلينا ماحنا خدامينها
ام رعد : اصصصص عيب عليك لا يسمعك ابوك هاذي عمتك
افنان : من قرادة حظي انها عمتي
ام سياف وهي داخله المطبخ من بعد ماجات من بيتها : على القوه ان شاءالله
ام رعد : الله يقويك 
ام سياف : يلا يلا عطوني شغله اسويها
افنان بصوت خفيف : ايي تكفين تسوين خير
تغريد لـ افنان : هاذي العمه الصح يا حلوها
ام رعد : لا والله ماتمسكين شي روحي اجلسي بس
ام سياف : انا ماجيت عشان اجلس انا اليوم بساعدكم بساعدكم
ام رعد : يابنت الحلال لا تكلفين على نفسك
ام سياف : لا ولا كلافه ولا شي الا يا تغريد قومي سوي القهوه وانا اكمل عنك الفطاير
تغريد : ابشري
ام رعد : يافنان نادي واحد من اخوانك يروح يجيب لنا الاغراض الناقصه من البقاله
افنان : زين
وراحت افنان لغرفة اخوانها وشافت سلطان منسدح : اه لو جدي يشوفك وانت كذا بسس
سلطان: انتي الحين وش تبين بالظبط ؟؟؟
افنان : ماجيت حباً لك يا الاخ قم رح البقاله جب الاغراض الناقصه
سلطان : وليش انا بالذات ! 
افنان : هل لأنك لا شغله ولا عمله ؟
سلطان : اسمعي بهاج برا عند سعود دقو عليه يجيب لكم واقضبي الباب يلا
افنان وهي تقلد صوته بتطنز
سلطان قام يبي يضربها لكن مالحق وطلعت افنان وسكرت الباب ورجع سلطان لمحله
_______________
رجعت افنان للمطبخ..