ငါကဗီလိန်! [Uni + Zaw]

Ch 13

"နောက်ရက်ကြရင် နွေလှိုင်းပြန်လာတော့မယ်တဲ့"

ကန်တင်းတွင်အတူစားသောက်နေကြရင်းပြောလာသော မင်း‌ေခတ်လှိုင်း၏စကားကြောင့် မင်းသွန်းညှာတို့အုပ်စု စိတ်မသက်မသာဖြစ်သွားရသည်။ထိုကောင်မလေးပြန်ရောက်လာပါက ဘယ်လိုမျိုးထပ်မွှေလိမ့်ဦးမလဲဆိုတာ သူတို့ခန့်မှန်း၍ပင်မရနိုင်ပေ။သို့သော်လဲ မင်းခေတ်လှိုင်းကမူ ပျော်ရွှင်နေဟန်ဖြင့်

"သူပြန်လာရင် ပါးနဲ့မားက ပွဲစီစဉ်ပေးမယ်တဲ့ မင်းတို့လဲလာခဲ့ကြနော်။ ဖိတ်စာတွေကမင်းတို့ရဲ့အိမ်တော်ဆီပို့ထားပြီးပြီဆိုပေမဲ့ ငါကလဲထပ်ဖိတ်တာ..၊ ဒီပွဲမှာ နွေလှိုင်းကို ရှယ်ယာတွေလွှဲပေးလိမ့်မယ်"

သို့မှသာ မင်းခေတ်လှိုင်းပျော်ရွှင်နေရသည့်အ‌ကြောင်းရင်းကို သူတို့တွေနားလည်သွားရသည်။မင်းခေတ်လှိုင်းသည် သူတို့လုပ်ငန်းစု၏ရှယ်ယာများကိုစိတ်မဝင်စားပဲအေးဆေးနေလိုသူဖြစ်သည်။သူ၏ရည်ရွယ်ချက်သည် နိုင်ငံ့ဂုဏ်ဆောင်ဘတ်စကတ်ဘောကစားသမားတစ်ဦးဖြစ်ရန်သာ။သို့သော်လဲ

"သူကရှယ်ယာတွေအကုန်သိမ်းသွားမှာကို မင်းကဘာ‌ေ‌တွပျော်နေတာလဲ"

လရောင်ငေး၏ခပ်ရွဲ့ရွဲ့စကားသံကိုသတိမမူမိသော မင်းခေတ်လှိုင်းသည်

"အဲ့တာဆို ငါကမိသားစုအမွေဆက်ခံစရာမလိုတော့ဘူးလေ၊ ငါဝါသနာပါတာငါလုပ်လို့ရပြီလေ အချစ်ရဲ့"

"တော်စမ်းပါ၊ ဘာရည်မှန်းချက်မှမရှိတဲ့ကောင်.."

လရောင်ငေးဆီမှတုံ့ပြန်စကားကြောင့် သူတို့ဝိုင်းတွင်ဇွန်းသံ၊ပန်းကန်သံများပင်မကြားရသည်အထိတိတ်ဆိတ်သွားတော့သည်။ဆူညံနေသောကန်တင်းတွင် သူတို့တစ်ဝိုင်းတည်းသာသီးခြားရှိနေတော့သလိုဖြစ်သွားလေသည်။မင်းခေတ်လှိုင်းသည် ခေါင်းတစ်ငြိမ့်ငြိမ့်ဖြင့်

"အင်း..ငါကဘာရည်မှန်းချက်မှမရှိပဲ ပေါ့ပေါ့နေ ပေါ့ပေါ့စားတဲ့ကောင်..၊ အာ ငါဗိုက်ဝပြီ ငါသွားနှင့်တော့မယ် ဟေ့ကောင်တွေ။"

"ဟဲ့..နေဦးလေ မင်းခေတ်"

"ဟေ့ကောင် နေဦးလေကွာ"