03
" သခင်ကြီး နည်းနည်း မမြန်ဘူးလား "
အိမ်တော်ထိန်းရဲ့ စကားကြောင့် Wang မျက်မှောင်ကုတ်သွားတယ်။
" ခင်များက အိမ်ကို စောင့်ရှောက်ပေးရမဲ့ အိမ်တော်ထိန်း! ကျုပ်ကိစ္စတွေ ဝင်ပါစရာမလိုဘူး နားလည်လား! "
ပျက်ကွက်သွားတဲ့ အိမ်တော်ထိန်းမျက်နှာက သိပ်ကြည့်လို့ကောင်းတယ်။ အဖရဲ့ လူဖြစ်တာနဲ့ Wang ကို ချုပ်ကိုင်ဖို့ကြိုးစားချင်နေတာ။
လောကမှာကိုယ်မပိုင်ရင် မလုပ်သင့်တာတွေချည်းပဲ။ ဒါပေမဲ့ ဒီယုန်ဖြူလေးက သူပိုင်တယ်လေ။ လုပ်ချင်လုပ် ဖာခ့်ချင်ဖာခ့် ဒါသူ့ကိစ္စ အိမ်တော်ထိန်းနဲ့ နည်းနည်းမှဆိုင်မနေဘူး။
" လုံခြုံရေး နောက်ထပ် နှစ်ဆ မြှင့်လိုက် အပေါ်ထပ်ကို လုံးဝ ဘယ်သူမှတက်မလာစေနဲ့! "
" ဟုတ်ကဲ့ သခင်ကြီး!!!! "
ပုဇွန်ကွေးကွေး ထွေးပိုက်ခံထားရတဲ့ ယုန်ဖြူလေးဟာ Wang အတွက် နွေးထွေးရာ။
" Jon! "
Wang ရဲ့ ခပ်မာမာခေါ်သံနောက်မှာ တစ်ကိုယ်လုံးအပြည့် တက်တူးတွေရှိတဲ့ ခန္ဓာကိုယ်ထွားထွား ဂတုံးပြောင်ပြောင် မျက်မှန်မဲမဲတပ်ထားတဲ့ အာရှကျားကြီး ထွက်လာတယ်။
( အာရှကျား mean = လက်သပ်မွေးသော လူမိုက်ခေါင်းဆောင် )
" ရှိပါတယ်သခင်ကြီး! "
" လွန်ခဲ့တဲ့ ဆယ့်ငါးနှစ်အတွင်း ရှောင်ကျန့် ဆိုတဲ့နာမည်နဲ့ သက်ဆိုင်သမျှအကုန်ရှာလာခဲ့! "
ဒီစကားက ကြားရင်သာ ရိုးရိုးလေး။ တကယ်တမ်းတင်ပြရရင် ဘယ်နေ့မှာ ဘာဝတ်တယ် ဘယ်သွားတယ်။ ဘယ်အချိန်မှာ အစာစားပြီး ဘယ်အချိန် အီးပါတယ်။ ဘယ်နေ့တွေမှာဖျားပြီး ပတ်ဝန်းကျင်ကဘယ်လိုအနေအထားရှိတယ် မွေးတဲ့တိရိစ္ဆာန်နဲ့ ပေါင်းတဲ့လူမှန်သမျှ တင်ပြရတယ်။ ဒါက ရှားရှားပါးပါး သခင်ကြီး စုံစမ်းခိုင်းတဲ့ အခြေအနေဆိုတာကို Jon နားလည်တယ်။ တိကျမှကြိုက်တဲ့သခင်ကြီးက ထွေးပွေ့ထားတဲ့ လက်တွေထဲက သခင်မလေးအကြောင်းစုံစမ်းခိုင်းရင် ပိုလို့တောင် တစ်စ,မကျန်ဆွဲထုတ်ရအုံးမယ်။
