سبحان الله وبحمده سبحان الله العظيم ♡
(الصبح )
صحت نوره بدري ولاحظت ان نظامهم يسهرون ويقومون الظهر وهي تقوم الصبح وتنام بدري والتفتت يمين لقت نجلاء صاحيه
نوره ببتسامه:صباح الخير نجول
نجلاء بفرحه:الله اقوم على كلام حلو بالعاده اقوم على زنوبه امي (يكرم القارى) انا اكبر حاسد لبهاج على هالكلام
نوره ابتسمت
نوره:ايه كيف الجدول اليوم ؟
نجلاء :بالعاده بنات عمي يقومون العصر او الظهر
نوره:اف يروح اليوم كله
نجلاء:لابالعكس جدولنا بالليل
نوره : نجول
نجلاء :عيون نجول
نوره:تسلمين ،نجلاء الحين الصبح وبدري ومستحيل نقعد انا وياك لحالنا طول اليوم لازم نسوي شي
نجلاء:طيب الحين نقوم ونغسل ونفطر ونفكر يلا يلا النوري
نوره :تمام
وغسلو وبدلو ملابس النوم وطلعو للمطبخ
نجلاء:نوري مافي شي بالمطبخ !
نوره:لا لاتقولينها
نجلاء:مع الاسف
نوره:عاد انا جوعانه مرهههه
نجلاء:يخسى الجوع وجولي موجوده
نوره وهي تصفق :جولي لحياه افضل
نجلاء: طيب بقول ل اخوي احمد يجيب لنا فطور
نوره:مستحيل يكون صاحي بهاذا الوقت
نجلاء :نرسل وننتظر
نوره :تمام
ارسلو رساله ل احمد ومافي رد منه
نجلاء:اكيد نايم الدلخ
نوره بضحكه:طبيعي يكون نايم حنا صاحين بدري ههههههه
نجلاء :وش السواه؟
نوره:سهله ،نروح نجيب من المطعم
نجلاء:فكره حلوه
نوره:يلا نلبس عبينا ونقاباتنا
ولبسو وطلعو
_______________________
(العيال)
قامو بعد رساله نجلاء بعشر دقايق بس محد انتبه لرسالتها
بهاج:ياعيال احد يقوم يروح المطبخ يشوف في اكل ولا
نايف :انا عن نفسي مستحيل ادخل عند الحريم
رائد:الله اكبر عاد تراهم نايمين
بهاج:اجل قم انت
رائد :مستحيللللل
قررو يروحون اقرب بوفيه (بهاج ونايف)
_______________________
(البوفيه)
نوره :صديق عطني ٢٠فلافل
نجلاء:نوره ٢٠وحده ليششش
نوره :نجول في مشافيح بالشاليه
اما بهاج ونايف دخلو ورا نوره ونجلاء بس مايعرفو انهم هم
نوره ارسلت رساله لنجلاء:نجلاء غطي عيونك بالطرحه لايطلع منك شي ولاتلتفتين ولاتتكلمين الي ورانا بهاج ومدري من معه
نجلاء فتحت الرساله وغطت عيونها هي ونوره
نجلاء:نوره زوجك وش جابه !على الاقل الي معه ولد عمي مايعرفنا
نوره:مدري ياختي لكن انتبهي من بهاج تريه يقفط بسرعه
نجلاء :طيب تعالي نجلس بالكراسي لين يخلص الفلافل ال٢٠ احد يطلب ٢٠ليش ياختي
نوره :نجول لاتزودينها علي
العامل بصوت عالي:نوره نوره ٢٠فلافل نوره نوره
نوره حنت ظهرها شوي وغيرت صوتها واسلوبها:هلا ياوليدي وش بغيت
العامل :ابي نوره بنت صغير مو كبير
بهاج شك انها نوره زوجته بس ماعنده دليل
نوره بصوت عجوز:ياوليدي هات الخبز واسكت لاعاد تصج راسي وخذت الفلافل وطلعت وقالت لنجلاء تجي وجت نجلاء
نوره:نجلاء اركضي اركضي بسرعه بهاج شكله عرف !
نجلاء:يوههه الله يستر
_______________________
(بهاج ونايف)
بهاج اتصل على غدير :الو
غدير بصوت مليان نوم:هلا
بهاج :نوره عندك نايمه
غدير :لا
بهاج :تمام
وقفل الخط
وطلع من البوفيه وقال لنايف يكمل الطلب
بهاج شاف نوره ومعها بنت تقدم شوي
بهاج بصوت عالي:نورههه تعالي تعالييي
نوره بحركه سريعه حنت ظهرها وغيرت صوتها :منهي نوره ياوليدي
بهاج بضحكه مكتومه:نوره بلا استهبال اعرف انها انتي
نوره تعدلت :صدق ماضبطته ؟
بهاج:ماش ماتعرفين تمثلين ايه شتسوين هنا ومن معك ؟
نوره:جايه افطر الناس وهاذي نجلاء
بهاج : لاحول ولاقوه الابالله اخلص من صيته تطلع لي نجلاء
البنات يضحكون
بهاج :يلا قدامي
نوره:كلعاده قدامي
بهاج :وعقاب لكم جيبو الفلافل
نوره:لا تكفى البنات جيعانات وانا بعد جوعانه
بهاج خذ الفلافل واتصل ل نايف يلغي الطلب
بهاج اعطى نوره ٢فلافل بس :هاذي لك والثانيه لنجلاء والباقي لي
نوره: والله بعض الاحيان احسك طفل تصدق
بهاج :قدامي قدامي
نوره :طيب ابي اعطي البنات
بهاج :لوء
نوره :اففففف
بهاج :قدامييي امشسي
نوره :طبيعي قدامك لاني كذا ولاكذا بمشي ل الشاليه
ومشت نجلاء ونوره قدام بهاج ونوره تحاول تاخذ كيس الفلافل منه
ووصلو الشاليه ودخلو
نجلاء : افف مستفزز ليش ياخذ الفلافل
نوره :جداا مستفززز ويحسب هاذا عقاب عشان اتوب ماطلع يلا عادي اهم شي اعطاك حقك وحقي
نجلاء:صادقه اهم شي بطني
نوره شوي وتبكيي
نجلاء:نوري شفيكك
نوره بحزن :ذكرتيني بصيته اشتقت لها
نجلاء: تتصلين عليها فيس كام وانتهت القصه
نوره: صادقه
واتصلو على صيته وعلموها السالفه وتعرفو على بعض
_______________________
(العيال)
بهاج وهو رفع كيس الفلافل :ياعيال جبتلكم هاذا ببلاش
رائد :كيف ببلاش
بهاج :من حلال نوره ونجلاء
احمد:نجلاء!!
بهاج :ايهه وقالهم السالفه بدون تفاصيل
نايف :اها يعني العجوز الي قدامنا ماهي عجوز
بهاج :والله ساقوها علينا
العيال ضحكو
_______________________
(نوره ونجلاء)
نوره :نجول مو طبيعي كل الناس نايمه لازم نسوي شي نصحيهم
نجلاء: احس حرامم نصحيهم وهم مانامو الا الفجر
نوره بضحكه: هاذا غلطهم ههههههههه
نوره ببتسامه شر :نجول وين السماعات ؟
نجلاء فهمت عليها :هناك
وراحو وشغلو السماعات فوق روس البنات
والبنات لاحياه لكن تنادي نايمات للحين
طلعت ام سحاب معصبهه ومعها العصا:نورههه يملا الي ماني بقايله
وش هالخبال الي تسوين انتي والسحليه نجلاء ها !
نجلاء:اف قويههههه
نوره بتوتر:ياجديده كنا قاعدين نصلح السماعه خربانه
ام سحاب بعصبيه :لا والله ماخربت الا وزانت نومتي نوره انتي وش قومك مستجنه راكبك جني انتي؟
نوره:لاياجدتي كنت اتعلم ادبك
ام سحاب :الله عاد والدبك انتي ونجلاء تقل دبك حمير
نوره بضحكه مكتومه :وصل جرحك ياجدتي
ام سحاب رفعت عصاتها تبي تهبد نوره ونجلاء لكن ركضو ومشت ام سحاب وراهم نوره جت الضربه برجلها (يكرم القارى)ونجلاء بكتفها
ام سحاب :طيب يانجلاء انتي والدلخه الي معك سماعه مافيه اليوم
ام سحاب خذت السماعه وراحت
نوره:ياجديده تكفين لاتاخذينها
نجلاء:خلاص لاتحاولين راحت مردها ترجعها
نوره بضحكه: ياعمرييي عليك ماتعرفين جدتي اذاخذت الحاجه والله ماترجع
نجلاء:تكفينن هههههههههههه
نوره:والله تعور الضربه
نجلاء:جداااا
_______________________
(البنات)
الهنوف:بنات تسمعون الي سمعته قبل شوي ولاقاعده اتحلم
سهام:انا بعد سمعت هواش واغاني
غدير :وانا شفت نجلاء ونوره يسحبني للمجلس
وداد بضحكه:يسحبونك!!هههههههههه
غدير:ايه ههههههه
الهنوف التفتت يمين ويسار :بنات نجلاء ونوره مو موجودات
غدير :امسكو نوره ونجلاء لايخربن العالم ههههههههههه
وغسلو البنات وطلعو للمجلس لقو نوره ونجلاء يضمدون جروح بعض
غدير بخوف:بنات من مسوي لكم كذا
نجلاء:ابد الله يسلمك جدت نوره كفختنا
وداد :ليش
نوره علمتهم سالفه السماعاتت
سهام :اجل تستاهلون
نوره التفتت لنجلاء:نجول حنى لازم نهاجر من الكوكب مو طبيعي يقولون لنا تستاهلون وهاذا جزاتنا جبنا لكم فلافل
الهنوف: فلافل
نوره :٢٠ فلافل بعد بس جاء جني وخذاهم
غدير : جني وخذاها شلون ههههههه
نوره : والمشكله ان الجني اخوك ياغدير
غدير :اخوي!
نجلاء:من غيره السروق
نجلاء بحماس كبت العشاء عندهم قالت لهم السالفه من يوم يطلعون من هنا الين ماخذا بهاج الفلافل
وداد :اوهه غميضه عاد مشتهيه فلافل
البنات يضحكون
_______________________
(العيال)
رائد:تسمعون صوت الخاله ام سحاب تصارخ
بهاج:ايه تلقى البنات جننوها
احمد:الله يعينها
رائد:سهله ياعيال اتصل على اختي وتكب لي عشاهم
رائد:الووووو
وداد :نعم
رائد :بدخل الموضوع بدون مقدمات ليش الخاله ام سحاب تصارخخ
وانتثرت وداد عندهه
رائد :يلا سلام
وداد :هلا
رائد وهو يضحك: الخاله ام سحاب ضاربه نوره ونجلاء مزعجاتها
بهاج :الله يعينها عليهم
_______________________
(البنات)
كلعاده نوره تقترح عليهم اقتراحات
نوره :بنات بما ان المطبخ فاضي ليش مانروح نتقضى له؟
غدير :افف يانوره معقوله ماتتوبين
نوره :غدير عادي ترى بهاج مايسوي شي شوويه هواش وشويه دموع لاتبالغين
نجلاء:تعجبيني
وداد :طيب واذا عرفو اخواننا اننا طلعنا وش يصيرر
نوره:معليك ماراح يعرفون
هيام :معليش بنات انا خطيبي يغار علي مقدر اطلع
نوره بهمس:الله اكبر يلي ميت عليك
هيام:نوره وش قلتي؟
نوره ببتسامه:سلامتك ياعمريي
وئام :انتم روحو جيبو الاغراض وانا بجلس
البنات :تمام
نوره:يعني الحين نروح كلنا ماعدا هيام ووئام ؟سهام تقدرين تروحين معنا
سهام :لا والله مقدر اروح ملاك وسلمان يصحون الحين
نوره:غميضههه المرات الجايه لازم تروحين معنا
سهام:ان شاء الله
غدير :بنات باليل ان شاء الله بنسوي بجامه بارتي لازم نروح المول الان
نجلاء:يالحبيبه مضيعه الحين الظهر وش مول الله يهديك
نوره:لالاعادي نروح الحين شفت مول قريب من هنا
الهنوف :لا نوره مضيعه بعيد مرههه
نوره:عادي كم لفه يمين يسار وناصل له
البنات :تمام
نجلاء:اهم شي بالطلعه رضاء الوالدين لازم يرضون
نوره :حلو جدتي ماعندها مشكله
غدير:وانا امي ماعندها مشكله اما ابوي ارسله رساله عادي مايقول شي لكن بهاج وش اسوي به ؟
وداد :لايعرف انك طلعتي بس
الهنوف:يلا بنات البسو عباياتكم ونقاباتكم يلا
ولبسو وطلعو من الباب الخلفي ل الشاليه
_______________________
(وئام وهيام )
هيام:طيب يانوره اوريك
وئام:وش دخل نوره الحين
هيام: وئام الحين بتصل على بهاج اعلمه ان نوره طلعت بدون علمه
وئام كسرت خاطرها نوره:لا حرام مو لذي الدرجه
هيام بأستغراب :وئام وش الي تغير ؟!
وئام:معليش هيام انا اعرف اخوي اذا عرف انها طلعت بدون علمه بيذبحها
هيام:اي هاذا المطلوب
وئام :كيفك !
_______________________
(العيال)
يلعبون بلوت كلعاده (ماعندهم جدول)
اتصل جوال بهاج :هلا
هيام:بهاجي
بهاج :نعم بغيتي شي؟
هيام بتصنع الدلع:اسمع بهاجي الصراحه ماقدرت ماأعلمك نوره طلعت المول بدون علمك !
بهاج عرف ان هيام تدور مشاكل : اي انا قلت لنوره تروح للمول
هيام بغبنه:بهاج البنت طلعت بدون علمك تقول كذااا
بهاج :ياادميه انا قلت لها اطلعي استانسي !وقفل الخط
بهاج اتصل على غدير يتاكد اذا نوره معها (يثق بغدير)وتاكد ان نوره مع غدير وقفل الخط وكمل لعب تارك هيام بغبنتها!
_______________________
(المول)
غدير:نوري
نوره:عيونها
غدير : بهاج عرف انك معنا
نوره:بسم الله الرحمن الرحيم وش عرفه الجني !
غدير ببتسامه:يقول خليها تطلع تستانس
نوره بدون ماتحس على نفسها:ياروحي يابهيج .استوعبت وسكتت وكملت طريقها
(البنات اشترو بجايم طقم كلهم من اكبرهم ل اصغرهم وراحو للبقاله وخلصو مقاضيهم ورجعو على العصر للشاليه )
VOCÊ ESTÁ LENDO
هــي الــتـي عـلـمـتـنـي كــيــف اعــشــقــهــا
Diversosحياكم الله البيت بيتكم اقلطو اقلطو💗 نبذه بسيطه عن الروايه نوره البطله التي تسكن عند جدتها المريضه بمرض شديد وتضطر الجده تزويج نوره لحمايتها من اعمامها✨ لااستبيح النقل💗✨
