هــي الــتـي عـلـمـتـنـي كــيــف اعــشــقــهــا

Part 10

سبحان الله وبحمده سبحان الله العظيم ♡

(الشاليه ) ٢:٢٥ الليل
نوره صحت من النوم قامت شافت الساعه٢ والناس نايمه
نوره:بدري ارجعي نامي نامي
وحاولت تنام ماقدرت وهي مانامت الاساعتين كيف ماقدرت تنام؟
قررت تطلع الحوش تجلس تحارب افكارها جت هيام
هيام بكبر:نوره
التفتت نوره لقت هيام وتنهدت :نعم
هيام وهي تمسح خصلات شعر نوره:ليش تضايقتي لما سمعتي خبر زواجي من بهاجي؟
نوره برفع حاجب:ومن قال اني تضايقت بالعكس بهاج اخوي ولازم افرح له
هيام باستفزاز:نوره لاتكذبين واضح بعيونك انك انقهرتيي مني وتغارين مني!
نوره بضحكه:هههههه لاتكفين ،ممكن اغار من الناس لكن انتي مستحيل
هيام :الا تغارين ان ماعندك سند بالحياه وعمامك يكرهونك ويتمنون لك الموت وتغارين لان عندي اب وام ياليتيمه
نوره الكلام الي جاها من هيام كانه رصاص دخل قلبها لكن قالت بكل ثقه:ومن قال ان اليتم عيب !
هيام : الحمدلله عندي اب وام غيري ماعندهم ههههههههه
وراحت هيام
نوره تصنمت بمكانها وتنزل الدموع اربع اربع وقعد تبكي مشتاقه ل امها وابوها الي ماشافتهم
_______________________________
(بهاج)
قرر يرجع لشاليه بعد ماتقبل فكره زواجه من هيام ،دخل الشاليه لقى بنت ضامه رجولها و تبكي بقوه والواضح انها نوره
بهاج بخوف عليها:نورهه شفيكك
نوره رفعت راسها له وماقالت شي
بهاج بهاذي اللحضه ماعرف وش يسوي لبنت تبكي قرر يحضن نوره
بهاج :نوره شفيك من مبكيك كذاا
نوره وهي تبكي على صدر بهاج:متهاوشه مع هيام
بهاج:هيام!
نوره هزت راسها بمعنى ايه
بهاج :طيب ياهيام !
نوره ساكته بس تبكي بعدها قامت وقالت ل بهاج انها تبغى تنام
بهاج : تمام بس لاتبكين بعدين تنامين انتبهي
نوره هزت راسها بمعنى تمام وراحت نوره
بهاج اتصل على هيام وهاوشها لاتجي نوره ولاتقرب لها عاد هنا هيام زاد الكرهه بقلب هيام لنوره
بهاج راح ينام لان وراه طريق طويللل
_______________________________
(نوره)
تقلب بفراشها ماجاها النوم شوي تفكر وشوي تهوجس وشوي تبكي وشوي تضحك وشوي تزعل وها كذا حال نوره مسكت جوالها كانت تبغي تتصل بصيته لكن قالت بهمس :لا اكيد نايمه البنت
اذن الفجر قامت صلت وقرت القرأن الكريم ودعت ربها ييسر حالها
قالت بهمس:يارب اختر لي ولا تخيرني
رجعت تفكر تنفصل عن بهاج
_______________________________
(الصبح) ٧:٣٠
نوره لازالت صاحيه
البنات نايمات
الحريم نايمات
الرجال والعيال نايمين
اما نوره قعدت تفر بالشاليه ماجاها النوم والتفكير ياكلها
افطرت وجلس بالمجلس تفكر وتهوجس
_______________________________
(العصر)
نوره مانامت ابداا
ام عبدالله :يلا يابنات قومو نبي نمشي يلا مشينا بسرعه العامل يبي مفتاح الشاليه يلا قومو
نوره طلعت من الغرفه وواضح عليها ماذاقت طعم النوم مسكتها ام عبدالله :نوره وش فيها عيونك كذا ليش مانمتي
نوره بكذب:لا ياخالتي نمت
ام عبدالله:نوره واضح مانمتي لاتكذبين علي
نوره ابتسمت
ام عبدالله :يلا ماصار شي روحي صحي البنات
نوره:تمام
وراحت تصحي البنات وترتب شنطتها
غدير :نوري ليش مانمتي ؟
نوره:مادري
غدير :لا تدرين قولي وش فيك !
نوره: مافيني شي
غدير :براحتك
_______________________________
(الوداع)
الحريم خلصو عفشهم وكل وحده ركبت السياره ماعدا البنات يودعون بعض
بهاج متكي على الباب ينتظر نوره تخلص وداع:يلا ماصارت وداع
نوره التفتت لبهاج :طيب اصبر
بهاج شاف عيون نوره الواضح مانامت كان بيسألها لكن مايبي يحرجها قدام البنات
واخيرااا خلصو البنات وداع وكل وحده ركبت سياره ابوها او اخوها
_______________________________
(سياره بهاج)
بهاج ركب السياره بعد ماركبت ام سحاب ونوره
قعد يسولف مع ام سحاب وانظاره على المرايه الي تعكس نوره النايمه
ارتاح انها نامت
_______________________________
(الديره)العشاء
وصل بهاج وام سحاب ونوره ل الديره
بهاج نزل ونزل معه نوره الي توها صحت من النوم
وسلم على خالته يبغى يرجع للرياض
ام سحاب مسكت بهاج:والله يابهاج انك ترقد اليوم هنا !
بهاج:لاياخالتي اثقل عليكم
ام سحاب:انا حلفت
بهاج مابيده يرفض
_______________________________
(الليل ١:٣٠ )
نوره طلعت لسطح تجلس لحالها
بهاج عرف انها بسطح قرر يروح لها يعترف ل نوره بحبه لهاا
بهاج من ورا نوره : مساء الخيرر
نوره بفزهه:يمهه بسم الله هلا مساء النور
بهاج بحماس:نوره انا اح.......
قاطعته نوره:بهاج ماعلينا من هاذا انا بدخل الموضوع بدون مقدمات
بهاج حنا اخوانن ومو لازم تحسسني اني زوجتك انت اخوي
بهاج بعصبيه خفيفه:طيب يااختي انتي الي راح تزفيني على هيام
نوره سكتت
بهاج طلع من البيت وراح للرياض
نوره بهمس:استودعتك الله
_______________________________
(بهاج)
الي كان يمشي بسرعه جنونيه يفكر معقوله هو يحبها وهي تعتبره اخوها كيف كل هالحب تعتبره اخوها!!كيف تجي ماتجي كيف!!!!
قال بهمس:الصدمه الي تجي من جيز خلق الله
تصدم جدار الثقه وتموت طوالي
غير البلا جات من خلن على خله
اليا تذكرتها ويلي على حالي
ينتابني شي مايعلم به الا الله
يجعلني اصد وجهي واجلس لحالي
وسكت شوي وتنهد وقال :
كسرت كل ابواب وصلك من الطرق
وغيرك طرق قلبي ولاني بصوبه
واللي يريد الوصل يامكثر الطرق
لو وقفو كل العرب بدروبه
وصل لبيتهم ونام
_______________________________
(نوره)
نوره قاعده تفكر كيف تزف بهاج ل هيام معقوله مافكر بقلبها ؟
رجعت لغرفتها بعد صراع عميقق بينها وبين افكارهاا واخيرااا غفت
_______________________________
(الصبح )
صحت ام سحاب مستغربه من هدوء البيت بالعاده صوت صيته ولانوره لكن البيت المره هاذي غريببب هدوء مو طبيعي ضاقت ام سحاب من هدوء البيت والضيق الي فيها ولانوره الي ماعاد صارت تطلع من غرفتها الانادرآ واشتاقت ل ازعاج صيته ومناقرات نوره وبهاج كلها اختفت ليش اختفت ماتدري ولامن دعوه زواج هيام وبهاج الي وصلتها معقوله ام سحاب ارتكبت ذنب بحق نوره هل زواج نوره من بهاج هو الي غير نوره؟ خلها بدال ماهي تحب الحياه ولاتعرف الحزن والضيق لكن الحين ماتحب تطلع من البيت ولا من غرفتها ولاتحب تقابل احد البنت تغيرت والفتره الاخيره صارت تشتاق ل امها وابوها
نوره وينها الي كانت نور البيت وين الابتسامه الي ماتفارق وجهها وين هواش صيته ونوره وين ضحكه نوره 
جلست ام سحاب بدوامه عميقه
صحت نوره وقامت تسوي فطور لقت جدتها منهارههه
نوره ركضت لجدتها:جديده وش فيك !ياعمري لاتنهارين قومي تكفين ماحب اشوفك بهاذا الشكل تكفين انتي سندي بالحياه لاتنهارينن
ام سحاب بحزن :نوره سامحينييي
نوره :ليش ياجدتي ماعمري زعلت عليك لو قتلتيني مسامحتك لكن لاتنهارين تكفينننن
قامت نوره تركض للمطبخ تجيب ماء لجدتها وشربت جدتها ماء وهدت جدتها
وسكتت ماتبي تضيقها على نوره
_______________________________
بعد شهر من الاوضاع السيئه عند ناس وعند ناس فرحانه
_______________________________
(يوم زواج هيام و بهاج)
هيام الفرحه مش سايعتها
بهاج يتجهز لزواجه شاحب الوجهه ماكأنه عريس كأنه رايح للموت
دخلت عليه غدير :الففف مبروك ياالعريس
بهاج بحزنن كبيررر بقلبه لكن ماحب يوضح لاحد:الله يبارك فيك
بهاج:خالتي ام سحاب جت ؟
غدير :ايه جت لكن نوره ماجت
بهاج بصدمهه :كيف ماجت !!
غدير :تعبانه
بهاج :تمام قولي ل امي بهاج عنده كم شغله شوي وراجع
غدير :تمام
بهاج طلع لخط الديره .......
_______________________________
انتهى البارت
سبحان الله وبحمده سبحان الله العظيم ♡
النجمه تدعم الروايه✨