سبحان الله وبحمده سبحان الله العظيم ♡
(الـصـبـح بـ بـيـت بـهـاج)
نوره بالمطبخ تسوي فطور وبهاج مقروشها بسوالفه .
بهاج: نوره اليوم العزيمه من الحين اقولك !
نوره: وهالعزيمه الي ماحصل تجي لحضه كيف الحين!
بهاج: ارسلت لعمامي امس وجيراننا ان اليوم العزيمه يكفي كذبت عليهم
نوره: ليش تكذب
بهاج: قلت لهم بشاليه مايدرون انه بيت سويته لعيون النوري
نوره: طيب ليش ماحطيتها بكرا
بهاج بضحكه: احمدي ربك امس اجلتها هههههههههه
نوره: الحمدلله بس
بهاج: لا بس ولاغيره الظهر يجون الخدم ويضبطون البيت وانتي روحي تكشخي وتزيني وزبطي لنا قهوه وشاهي ثقه
نوره: ازهل بس قهوه وشاهي؟
بهاج حس انها بترد المقلب وتفشله قدام الناس: لا قهوه الرجال علي
نوره: افاا ليش؟
بهاج بضحكه: قفطتك هههههههههه
نوره بضحكه: وش ؟هههههه
بهاج : تعلميني بالمقالب؟ قفطتك تبين تردين المقلب وتفشليني قدام العرب
نوره بجحده: انا؟؟ لا اشاعه تطلع علي
بهاج مسك انف نوره: اعرفك من عيونك يالعوبا
نوره بأبتسامه: مردي برده
بهاج بأبتسامه: مردي بقفطك
نوره غمزت: القادم مذهل
بهاج تكى : الغمزه الي تسر القلب
نوره: افطر وعين من الله خير
بهاج: اقلطي اقلطي
نوره: كثر الله خيرك
بهاج: لاداعي لاداعيي
نوره ابتسمت وجلست وبهاج جلس يفطر
بهاج مسك الخبزه: طياره طياره
نوره : بهيج مو ورع انا
بهاج: ايي صح نجرح انوثتك الطاغيه
نوره: ايه زين انك عرفت
بهاج بضحكه : هههههههههه صيري درباويه لو مره
نوره : انوثتي ماتسمح لي
بهاج: بيجي يوم وتخاويني للنظيم نطعس فيه
نوره: حلم ابليس بالجنه
بهاج: يجي هاليوم الي انتظره احر من الجمر
نوره بضحكه:هههههههههه ترا اعلم عمي مطلق
بهاج كشر : اوهه دلوعه ابوي هاذي خلاص بهجد دام الدعوى فيها ابوي
نوره بضحكه: ايه اهجد هههههههههه
بهاج بضحكه : بهجد هههههههههه
____________________________
(بـيـت ابـو عـبـدالله - غـرفـه غـديـر )
غدير بصراخ: وئام وين الاستشوار!
وئام: وشدراني انا
غدير: افف وينه
وئام: يعني وش ابي فيه عشان اخبيه عنك
غدير: خلاص تكفين مشغوله سدي حلقك
وئام: بسكتت
غدير: شرايك البس الاحمر ولا الاسود؟
وئام: وشدعوا احمر مواعده ثور؟
غدير بضحكه : حلو بس لاتعيدينها هههههههههه
وئام: طيب بلبس جنز اوفر سايز مع بلوفر اوفر سايز وكاب وسماعات راس وامشي والله اني شاريه راحه بالي
غدير: حسستيني اني عجوز! اختلاف الستايلات بيننا يضحك
وئام: مرهه
جوال غدير يتصل
غدير : اهلاً نجول
نجلاء: لاهلا ولا مرحباً
غدير : افا افا
نجلاء: خيرر امس اسوي لوك للعزيمه واليوم نسيته!
غدير: خلاص ابشري اذا شفتك اعدل لك ميكبك
نجلاء: احتاج نوره
غدير: نوري تكرف مع بهاج
نجلاء: ياختي احسد اخوك
غدير: ويي ليه
نجلاء تنهدت : يتأمل نوره اخخ ياوجهه نوره يفتح النفس
غدير: هههه احسده ، ذكرتيني بالعجوز الي بالعزيمه الي فاتت
نجلاء: منهي ووش قالت؟
غدير بضحكه: تقول علاقه نجلاء ونوره مشكوك بوضعها هههههههههه
نجلاء:افف كل هاذا عشاني احبها
غدير: عاديي تفكير عجز ماعليهم شرهه
نجلاء: صادقه المهم ودي البس اكستنشن ولا باروكهه
غدير بشهقه: لاا حرام !
نجلاء: ايي ادريي بس تعبت من الحريم الي يضحكون على شعري لانه بوي
غدير: لا والله تهبلين ويي اتذكر شكلك قبل كم سنه على الشعر الطويل وايي شكلك مره لا خليك بوي احسن !
نجلاء: والله؟
غدير: اييه والله يجنن عليك ولايق على وجهك
نجلاء بضحكه: يسعد امك على شهاده الزور ذي هههههههههه
غدير: لا والله هاذي الحقيقه هههههههههه
نجلاء: يابعد تسبديي المهم تعالي لبيتنا الان
غدير: ليش؟
نجلاء: تجمع بنات عم تعالي انتي واختك نساعد بعض بالميكب والتنسيق وكذا وياليت نوره تجي
غدير: فكرهه جيت ، والله نوره ممكن ماتقدر لان العزيمه لها هي وبهاج
نجلاء: يلا مو مشكله
غدير: قلتي لبنات عمي؟
نجلاء:ايي هاذهم عندي الهنوف ووداد وسهام عند رجلها
غدير: يلا دقايق واجي
نجلاء بضحكه: جيبي كل قراشيعك ميكبك واستشوارك وكل شي ترى عندنا نقص بالاغراض هههههههههه
غدير: هههههههههه
وقفلت الخط
غدير: يلا وئام مشينا
وئام: وين
غدير: لبيت عمتي ام نجلاء وجيبي كل شي
وئام: يلا
غدير : بروح اقول لـ ابوي واجيك تمام
وئام: تمام
YOU ARE READING
هــي الــتـي عـلـمـتـنـي كــيــف اعــشــقــهــا
Randomحياكم الله البيت بيتكم اقلطو اقلطو💗 نبذه بسيطه عن الروايه نوره البطله التي تسكن عند جدتها المريضه بمرض شديد وتضطر الجده تزويج نوره لحمايتها من اعمامها✨ لااستبيح النقل💗✨
