سبحان الله وبحمده سبحان الله العظيم ♡
(العزيمه)
رقص ولعب ووناسه واجواء لاتعلى عليها سوى الرجال ولا الحريم
هيام كانت تخز نوره وكل مامشت نوره تحاول تطيحها ! ونوره تتجاهل
سهام: نوري وزعي الحلا
نوره: اي هاتيه
نوره خذت الحلا وتوزع
نجلاء: بناتتت الحريم يقهرونن !
صيته: افا ليه
نجلاء: متخيله انهم يقارنون نوره وهيام ويحارشون نوره! وعع يقهرونن
غدير: صدق قدامها يسبونها سب اللذينا ومن وراها مدح !وجعع وش ذا التناقض
وئام: يوهه الله يعينها
الهنوف: امينن
وداد: اساسا نوره وجهها اليوم مو عاجبني احس فيها شيي !
نجلاء: صدقق فيها شي من عوايد نوره الضحك والحش وسعه الصدر والحين بس تهوجس وماتبي احد يسألها وش فيهاا
غدير: بنات مالومها والله الحرم غثوها دبلو كبدهاا
صيته: وانا بنت ابويي بنته وين الحرمه الي غثت نوري وينها اتوطى ببطنها!
الهنوف: صيوتت ليتها وحده لا كل العزيمه منافقين الا من رحم الله
ام فهد : بس بس مساسر فشلتونا اجلسو جنبي هنا عشان احرج عليكن
نجلاء: احرج عليكن كيف يعني؟
ام فهد : يعني لمن جت الحرمه تسأل هاذي بنت من وانا ارد عليها وازوجكن
غدير: طيب حنا مانبيي!
نجلاء: وانتي وش دخلك؟
ام فهد : وهه انتي الوحيده الي ماني بمزوجتس
نجلاء: مابيي ميته عليه؟ لاطبعاً
وداد: ي ام فهد نجول خطيبه رائد
ام فهد : وش ومن ومتى؟ لازم انشر العلم يلا سلام
وراحت ام فهد
نجلاء بصدمه: وداد وش سويتيي؟ يعع مالقيتي الا ذا
وداد: بنقذك ياتبن !
نجلاء: امحق انقاذ
سهام: خلاص بنات شوفو محارش هيام لـ نوره!
صيته : افااا
نروح لـ نوره
نوره كانت توزع الحلا وكانت تتلقى سب وقذف وهيام كانت تحاول تطيحها
تقدمت صيته وسحبت هيام ودخلتها داخل !
نوره تنهد براحه: الله يخليك ياصيوتت
نجلاء من سمعت السب الي يجي نوره ماقدرت تتحمل وتقدمت
نجلاء: نوره هاتي انا اكملل
نوره : لا عادي
نجلاء: نوريي خلاص روحيي عيونك امتلت دموع !
نوره : تمام
ودخلت نوره
___________________________
(مجلس الرجال)
ابو نايف : الحمدلله على سلامتك يابهيج
بهاج:الله يسلمك
ابو رائد : الف مبروك الرتبه الجديده
بهاج: الله يبارك فيك
جاء ابو فهد رجل ام فهد : بهاج ياولدي تعال
بهاج: سم ياعم
ابو فهد: ماشاء الله غادي رجال تبارك الله
بهاج ابتسم بتسليك لان ذا رجل ام فهد يعني خطر على المجتمع
ابو فهد : ماشاء الله وش السر الي خلاك تتزوج ثنتين ؟
بهاج ببرود: ماتعرف تحترم خصوصيه الناس؟
ابو فهد: لا بس يعني متى ناوي تجيب ورع؟
بهاج عقد حواجبه: وش دخلك
ابو فهد: مو قصدي اتدخل بخصوصيتك بس كم عمر حريمك ؟
بهاج رفع حواجبه بصدمه وسحب ابو فهد وهمس بأذنه: البيت يتعذرك ويتعذر اسألتك عاد انت افهمها
ابو فهد: ها؟ وش مافهمت؟
بهاج: عز الله درج ماتفهم
ابوعبدالله: يا بهاججج تعال وانا ابوك
بهاج: هلا يلا جيتت
وراح لـ ابوه
بهاج: هلا يبه؟
ابو عبدالله: بهاج وانا ابوك خلصن الفناجين جب ثاني من المطبخ شف امك مجهزتهم لك
بهاج: تم
وراح
YOU ARE READING
هــي الــتـي عـلـمـتـنـي كــيــف اعــشــقــهــا
Randomحياكم الله البيت بيتكم اقلطو اقلطو💗 نبذه بسيطه عن الروايه نوره البطله التي تسكن عند جدتها المريضه بمرض شديد وتضطر الجده تزويج نوره لحمايتها من اعمامها✨ لااستبيح النقل💗✨
