سبحان الله وبحمده سبحان الله العظيم ♡
أحبّك لأن أحزاني بجانبك تتلاشى و كل شيء معك يهون.
(نوره)
بعد مادخلت البيت تعبانه عيونها شوي ويسكرون من التعب فـ اتجهت لغرفه بهاج وانصدمت من شافت هيام جالسه عند التسريحه وتحط ميكب من ميكب نوره!!
نوره عقدت حواجبها: يالطيبه وش صاير بالدنيا ؟
هيام بغرور: وش تبين بـ غرفه بهاجي
نوره : بهاجيي وعع
هيام: والله حبيبي بهاجيي يحب ياء التملك مني
نوره: امسي امسي بس
هيام تقدمت وقربت عند نوره: هاذي غرفتي استوعبي خلاص !
نوره تنهدت بطفش: اطلعيي بس
هيام بغرور: وان ماطلعت وش بيصير ؟
نوره: تمسين الليله ودموعك يتهاملن
هيام بضحكه : ضحكت هههههههههه
نوره: يعني تذبين انتي ووجهك !
هيام رجعت لتسريحه وقعدت تمشط شعرها : افف اطلعي برا
نوره شمرت : والله شكلي بخليك تمشطين كشتك ثاني مره
وتقدمت نوره وشدت شعر هيام : قد اعذر من انذر
وسحبتها ودفتها وسكرت الباب ونفضت يدينها : افف تحب تشقي نفسها كان طلعت بكرامتها وش بيصير يعني
وبدلت ملابسها ونامت
___________________________________
(بهاج) ٤:٣٠ ص
رجع للفريق لقاهم قاعدين كلهم ينتظرونه
بهاج عقد حواجبه بأستغراب: وش قومكم؟
فريق اول حمد: وين كنت؟
العقيد بهاج: ليه يعني وش سبب هالسؤال
فريق اول حمد : وين كنت ؟
العقيد بهاج: يعني الادمي ماعنده خصوصيه
فريق اول حمد: لا عندك خصوصيه بس يعني ليش رحت
العقيد بهاج: جاني تكاك وغيرت جو
فريق اول حمد: ايه زين
العقيد بهاج: ماكنه بدري ؟
الملازم سعد: تغيرت الخطه
العقيد بهاج: كيف تغيرونها بوقت قصير
الرائد سعود : تغيرت تحركات المجرمين
العقيد بهاج: كيف صارت
فريق اول حمد : لازم نمشي الحين !
العقيد بهاج: يلا جهزو الفريق
وجهزو كل شي وشدو الرحال ومشو
___________________________________
( بيت ابو نجلاء)
نجلاء منضغطه من كلام نايف عن نوره : اخخخ نوره بردت كبدي يوم سطرته ذاك الكف الي عدل وجهه الخايس ذا
غدير: كريههه نايف وع
نجلاء: تصدقين ماكان كذا ! كيف تغير كذا
غدير: مدري عنه ال** لاتسولفين عنه يضغطنيي
نجلاء: وعع الي يشوفك يقول اني ميته على اني سوالف به
غدير: اففف نوره وش صار عليها
نجلاء: تطمني بهاج وقف معها
غدير: ياحبيتي بهاج اخوي واعرفه عصبيته تسيطر عليه
نجلاء: شفته بأمه عيناي يقول لها انه يبي يوقف معها ازهلي
غدير: الحمد لله طمنتيني
نجلاء: يلا جاء الصبح وحنا مانمنا نامي نامي
غدير: يلا تصبحين على خير
نجلاء: وانتي من اهله
ونامو
___________________________________
(بيت ابو عبدالله ) الصبح
الفطور الي ياخذ العقل وريحه البخور الي تملي البيت .
ام عبدالله : ياوخيتي بهيج مرسلن لي يقول خالتي لاتروح
ام سحاب : يويلي وقله والييي مابقى الا ذا الورع يتحكم بي سكتنا لنوره عشانه رجلها لكن انا خالته خالته
ام عبدالله: خالته على عينه وراسه لكن يقول لاتروحين من البيت
ام سحاب: وليهه ماطار طيرك
ام عبدالله بضحكه: كلها اسبوع منتي ميته ياوخيتي هههههههههه
ام سحاب : نوره تنصرع ان ماشافت صيته
ام عبدالله: عاد تحمل وش وراها
دخلت هيام وشعرها منفوش وعيونها مورمه
ام سحاب : يويلي وش هالجني الي اقبل علانا
ام عبدالله: وش حاصلن عليس
هيام بكبر:مافي شي!
ام سحاب: بسم الله الرحمن الرحيم سكنهم مساكنهم
ام عبدالله:الله المستعان
هيام جلست وسحبت صينيه الفطور وبدت تاكل
ام سحاب: اصبري ياادميه خل العرب يتجمعون حنا وحنا اكبر منس ماكلينا
هيام: وش علي منكم كليتو ولا ماكليتي بالطقاق
هيام كملت اكل فجأه علبه المناديل براسها : من؟
ام سحاب حذفت علبه المناديل على راس هيام: عيديها والله ماتمسين الليله
هيام : خير !
ام عبدالله بضحكه: هيام مضطهده من قبل نوره ووخيتي هههههههههه
ام سحاب: ماالظاهر في خير بوجهس
هيام زعلت وقامت وطلعت
ام سحاب: زعله الكلب طسي بس
ام عبدالله: كأنه شديتي عليها
ام سحاب: مدري ياختي احس لها يد بموضوع صوره نوره
ام عبدالله: والله جاني بهاج وقال نفس الكلام وقال اذا خلصت من المداهمه بتفرغ على هالموضوع
ام سحاب: هاذا وجهي ان ماطلع هيام لها يد ابك مير اني متأكدهه ميه بالميه ان لها يد
ام عبدالله: الله يتسر بس
YOU ARE READING
هــي الــتـي عـلـمـتـنـي كــيــف اعــشــقــهــا
Randomحياكم الله البيت بيتكم اقلطو اقلطو💗 نبذه بسيطه عن الروايه نوره البطله التي تسكن عند جدتها المريضه بمرض شديد وتضطر الجده تزويج نوره لحمايتها من اعمامها✨ لااستبيح النقل💗✨
