هــي الــتـي عـلـمـتـنـي كــيــف اعــشــقــهــا

Part73

سبحان الله وبحمده سبحان الله العظيم ♡

( 15 رمـضـان بـيـت بـهـاج - الـمـطـبـخ )
بهاج بكل رمضان اخلاقه قافله ومايحب يتكلم ويناقش احد وهو صايم الا الرمضان الي يكون مع نوره يصير مروق
بهاج جايب خدامه لـ نوره من بدايه رمضان بس ماستفاد منها حاجه !
نوره الي تطبخ وهي حامل وبهاج يلقم من حلطمتها وتعبها رغم وجود خدامه
نوره وهي تعجن العجينه وتنطق بتهديد : بهاجوهه
بهاج : لبيه ياعيون بهاجوه
نوره تعجن العجينه بقوه : تدري اذا فكرت تحب وحده غيره حطيتك مكان العجينه ذي ؟
بهاج ناظر العجينه الي تعجنها نوره ونطق : لا معليك اذا بعجن كذا ماعاد افكر حتى
نوره : يعني انت قد فكرتت!
بهاج بضحكه : لا والله ماقد فكرتت
نوره ضيقت عيونها : اكيدد؟!
بهاج : اكيدين
نوره : اي اشوا
ضحك بهاج وكملت نوره تعجن وبهاج يساعدها
نوره : اهخخ بهاج تعبانه
بهاج : افاا علامك
نوره : تعبت من الشغل
بهاج اشر على الخدامه ونطق : عاني جايبها ولا استفدت منها شي ! ادفع لها راتب على قل سنع
نوره : ابغى اطبخ انا كيفي انت وشدخلك؟
بهاج تخصر : ياربي ! والحلطمه هاذي؟
نوره : خلاص اسكت تعبانه تراني قم جب قشطه من البقاله ولاافطرت عليك
بهاج : سمي على خشمي ست نوري اوامر ثانيه؟
نوره : نو حبي
بهاج : يالبيهه شكلي بقطع صيامي
نوره ضحكت وابتسم بهاج وراح ونوره تقريباً خلصت وامرت الخدامه ترتب السفره وترسل فطور "افطار الصائم "
جاء بهاج ومعه الاغراض ونطق : يلا تعالي اجلسي باقي شوي على الاذان
نوره : يلا جيت
وجلسو ينتظرون الاذان

___________________
(بـيـت عـبـد الله)
سهام ومعها العجانه : وربي ياعبدالله لافطر عليك
عبدالله : استهدي بالله وقولي حبه حبه
سهام: ان ماطسيت انت وعيالك عن هالمطبخ بعجنكم كلكم
عبدالله : ياعيالي امكم ماتبينا امشو نضيم
ملاك: ماما ابغى نوره مابغى بابا
عبدالله اتسعت عيونه بصدمه : ابك ذي نوره اخذه اخوي بهاج وحرمتي وبنتي !
سهام : افف ذكرتوني فيها ابيها يلا نسير عليها
عبدالله : ياليل ياذا النوره الي استحلتني انا وعيالي واخواني
سليمان: بابا نوره عندها قطو ابيها
سهام: يوهه نبي قطوهه نفس نوره نستانس
عبدالله رفع حاجبه: غريبه ؟ بهاج مايحب القطاوه شلون شرا لها؟
سهام: القطو معها من قبل تعرف بهاج وبهاج اخوك يغار من القطو وانت ماتغار يالمصيون !
عبدالله : بهاج خليه على جنب من عرفته وهو غيور وش عليك منه ترا الغيره قشرا ! يعني البسي البس الي يبه هو وانا معطيك راحتك! تبين اتعامل بغيره؟
سهام : لا خلاص خلك عبود الطبيعي
عبدالله ابتسم ونطقت سهام : يلا يلا زينو السفره
وعبدالله اخذ الشوربه وسليمان الملاعق وملاك المناديل وسهام الفطاير ورتبو السفره كـ عائله خاليه عن المشاكل ،متفهمين 

_____________________
(قبل اذان المغرب بـ ٥ دقـايـق )
جميع المسلمين متجمعين على طاوله الافطار وينتظرون اعلان صوت الاذان
والي اخلاقه قافله والي يضحك ويلعب والي يحارش والخ
واخيراً ارتفع صوت المؤذن وهو يأذن ويبدا بـ الله اكبر
همسو بـ : اللهم لك صمت وعلى رزقك افطرت ذهب الظمأ وابتلت العروق وثبت الاجر ان شاء الله
ابو رائد ضرب راس رائد عشانه قال " وذهب الاجر ان شاء الله "
ابو رائد : لا يالتيس موب كذا
وداد : يبه مامدى افطرت الا وسبيت
تعالت اصوات الضحكات
،
بهاج : نوره
نوره : لبيه
بهاج: عرس غدير بعد العيد ماشريتي شي
نوره كشرت وجهها بضيق : وزني بيزود بعد رمضان لاتذكرني ابكي !
بهاج : الله بطقطق عليك واقول زي ماقلت لـ احمد دب وقصير كأنك اسطوانه غاز
نوره : عزتي لي ولـ احمد !
بهاج ضحك
نوره : بهيج كيف الاكل؟
بهاج كان معجبه الاكل بشكل ونطق : ماش ماحبيت
نوره ناضرت فيه من فوق لتحت : اجل ماني مسويه لك لسنه قدام
بهاج بضحكه :والله امزح اكلك يجنن نفس راعيته ياشيخه والله شوفي اذا قلت ماش ماحبيت يعني ثقهه
نوره ضحكت
،
سهام : ملاك كولي ولا وكلتك غصب !
عبدالله يتلذذ : ياسلامم الاكل لزيز
سهام ابتسمت : شرايك بس ؟
عبدالله : فوق التقييم
سهام : طبعاً فوق التقييم لاني سهام
عبدالله : اقعدد يالشيف
ابتسمت سهام
،
نجلاء قالطه معهم على اساس انها صايمه وهي مفطره عشان العذر الشرعي واحمد قافطها الصبح تفطر ومستحي منها
ام نجلاء : والله رمضان هالسنه سريع
نجلاء: ايي حتى الصيام خفيف
احمد شرق وضحك بس
ابو نجلاء هبد احمد بخفه: احترم النعمه
احمد : سم
نجلاء ضحكت عليه وهي ماتدري انه يضحك عليها