سبحان الله وبحمده سبحان الله العظيم ♡
(بـيـت الـجـد عـبـدالـرحـمـن - قـبـل اذان صـلاه الـعـيـد )
العيال يتهاوشن على مين يتروش قبل
بهاج بصراخ: ياعيال وين سروالي السنه؟
احمد : طاقيتي وينهاا
رائد: بسرعهه بتروش وربي جدي الحين يفصل عليي
نايف : ياعيال شماغي وين طس؟
بهاج : مين السروق الي يرق سروالي !
عبدالله مطلع راسه من الحمام : ياولدد جب منشفتي نسيتها
رائد رمى المنشفه على عبدالله : اعجل علينا
عبدالله اخذ المنشفه: لاتنفخ ياورع
ابو نايف جاهم معصب من صراخهم : لعنبوكم صراخكم واصل اخر الحاره علامكم ؟!
بهاج: ياعم سروالي ضايع
احمد : وطاقيتي المذهبه مختفيه
رائد: وانا بتروش وعبود بالحمام له ساعتين
نايف : يبه شماغي مو مكوي
ابو نايف : اجل عودو لمشاكلهم الي مالها حل
واستمرو العيال بالهواش والصراخ على اغراضهم الضايعه
بهاج: ياعيال وين الزبيريه
رائد: عزالله كل شي ضايع لك
احمد : عادي انت سراق نعول اسرق
بهاج ناظر احمد بحده : ياليت ماتنكت وانا مو مروق لاافرشك الحين
نايف : لاتنكت ياحمد على النسيبب
احمد: سم
،
وداد تجرب الفستان الي جابوه نوره ونجلاء ونطقت : الخياط فناننن كأنه جديد
نوره ونجلاء التفتو لبعض وغمزو
نوره : اعجبك ؟
وداد تدور بالفستان: مرهه يجنن والله مرهه شكرا
نجلاء: لبس العافيه
وداد ابتسمت والتفتت على الهنوف الي تسأل
: بنات اسوي ويفي ولا ستريت؟!
وئام : بلا شك الويفي بطل عليك
نوره : ايي الويفي يجننن
الهنوف : طيب ماعرف اسويه شعري طويلل ابغى وحده تساعدنيي
غدير : عاني نوره هير ستايل تحب الموضه والكشخه
نوره ابتسمت : يروحييي اكيد بسوي لكم
نجلاء: بنات تبون نروح لصالون ولا نخليه لعرس غدير؟
سهام : انا اشوف نتكشخ الحين طبيعي وبعرس غدير نروح لصالون
وداد : ايي والله
نوره: والله كيفكم انا معكم
التفتت نوره على حس بهاج عند باب الدرج : يانوررههه
التفتت نوره للبنات: يمهه وش يبغى !
نجلاء بضحكه : يبغى يراضيك ياحماره
نوره : لاا ماقدر ارضى الحين خل ارضى بعد العيد !
سهام: ليش وش انتي مهببه !؟
بهاج بنفاذ صبر : يانورهه اعجلي عليي ولا ترى بدخلل
نوره : فستاني!
غدير : خلاص تمام انا اتصرف
نجلاء : عاشتت غدغد
وراحت غدير متجهه لباب الدرج وفتحته : نعم بهاج فضحتنا عند البنات؟
بهاج: اوه اختي العوده ؟ لا امزح ابي نوره
غدير : وش تبي فيها ؟
بهاج: براضيها
غدير : تتروش البنت بعدين تعال مشغوله الحين
بهاج تكى على الجدار : طيب اذا طلعت قولي لها بهاج يبي العود
غدير : ابشر
بهاج: يلا سلام ، ايي صح شماغي عندها خل تجيبه معها بشنطتها
غدير: بهاج خلك هنا انا اجيبه
بهاج: لالا ابي اقول لها شي واراضيها لاتجيبين شي
غدير : تمام الي ودك
بهاج ابتسمت وراح وتنهدت غدير براحهه ودخلت
نوره: وش يبغى ؟
غدير : يبي اربع حاجات منك
نجلاء: وانا اقول حس بغلطه وجاء يعتذر ؟ اثريه يبي حاجات ماش ماحبيتت
نوره : وش ؟
غدير : اولاً يبغى على قولتك يراضيك ثانياً يبي العود ثالثاً يبي الشماغ حقه الي بشنطتك ورابعاً واخيراً يبي يشوفك ضروري
نوره : بناتت وحده منكمم تتصرف ماقدر ارضى الحيننن عشان مايهاوشنيي على الفستانن
غدير: ترى ملامحه ماتدل انه معصب ولا زعلان واضح مابينكم شي !
نجلاء: الصدق انا الشاهده بين الزعل هاذا ان رضت نوره بالسياره الخفيفه
سهام: السياره؟ اي سياره
نجلاء: سياره رجلها
وداد : مو انتم رايحين كعابي للخياط؟
نوره بوهقه: اي
الهنوف: اجل وس جابكم للسياره؟
نجلاء بترقع الموضوع : ايييي نوره تعبت وهي تمشي وواجهنا بهاج بطريقنا وشالنا معه وعادي يعني بهاج يغار على نوري وهاوشني انا عشان ماتبكي هي
غدير ضحكتت : واييي متتت بهاج يجلطط
نجلاء: هاوشني وانا مالي دخل عشان هالبكايه نوره
نوره : الدموع سلاحي ونقطه ضعفه
البنات ضحكو واستمرو بأشغالهم
نوره تضبط شعر الهنوف ونجلاء ماتترك نوره متعلقه فيها وتسولف معها وتنتظرها تخلص شعر الهنوف عشان نوره تمكيج نجلاء
البنات يتروشون ويسوون مناكير
الجد عبدالرحمن دخل قسم البنات : يابناتي
نوره فزت بخوف منه ونجلاء لاحضت فزتها وهمست : بسم الله عليك
نوره نزلت الفير على الطاوله وقامت الهنوف متجهه للجد
نوره وقفت مكانها بخوف تخاف منه وفوق هاذا كله ان بهاج مو معها
نجلاء مسكت يد نوره وشدت عليها وهمست: نوري اهدي لاتخافينن !
نوره بهمس : خايفهه
نجلاء: نوني انتي بوجهي خلاص ماراح يصير لك شي واذا صار لك شيي بهاج بينحر جدي وينسى انه جديي وبيني وبينك جدي يخاف من بهاج وتهوره !
نوره بهمس: ابغى بهاج
نجلاء: بهاج صعب يدخل هنا خلاص اهديي
نوره : ابغى جدتي طيبب
نجلاء شدت على يد نوره تطمنهاا
الجد عبدالرحمن : بعد ساعه بالضبط نبي نروح لصلاه العيد
البنات : ابشر-سم-حاضر
الا نوره ساكته والتفت الجد عبدالرحمن وكان يشوف الخوف بعيون نوره
تقدم لها ونوره من الخوف غمضت عيونها
حط يدينه على كتوف نوره ونطق بحنان : تغيرت يانوره
نوره فتحت عيونها بهدوء وماكانت تناظره وكمل كلامه : لاتخافين مني اعتبريني اب ولا جد
نوره بدت عيونها تغورق دموع ونطقت بغصه : والله صعبه على قلبي الي جاني منك شي مايغفر والله شي قوي على قلبي خليتني ابكي ليل نهار خليتني اكره نفسي واكرهه بهاج واكرهكم كلكم وكل ماشوف العمر وانك كبير بالعمر استغفر ربي واسامحك لكن جرح قلبيي ، صعبب والله صبعب يبرا
غدير تذكرت سالفه الفديو ودمعت تأثرت بكلام نوره
بهاج من عند الباب : ياهووو ابي العودد بسرعهه
نجلاء : مو وقتهه وربيي روحو صرفوه
نوره مسحت دموعها : لا ماتصرفونه انا بجيب له
وراحت نوره تجيب العود اما الجد عبدالرحمن سكتت مانطق بحرف وطلع من القسم كله وشافه بهاج وعقد حواجبه: جدي؟
تعداه الجد بكل هدوء
جت نوره وعلى عيونها اثار دموع وكان صدرها يطلع وينزل وكأنها تبغى تنهار
بهاج شافها مو طبيعيه ونطق بخوف : نوره وش فيك؟!
نوره تقدمت تحضن بهاج : بهاج تعبانهه
بهاج حضنها ويمسح على شعرها : جدي وش قال لك؟
نوره بدموع: ماقال شيي
بهاج يمسح على ظهرها : بسم الله عليك اجل وش فيك ؟
نوره سكتت وبهاج مايسمع غير شهقاتها شالها بهاج بحضنه وهي تبكي على صدره اتجهه لغرفته الي مسويها الجد ونزلها على السرير وجلس جنبها وحضنها على جنب حط يده على خصرها وقربها منه وسمح لها تبكي بدون لحد يسأل عن سبب بكائها
يد بهاج على خصرها ويده الثانيه يمسح دموعها
بهاج : ياعيون بهاج انتي قولي لي مين قليل الحياء الي بكاك ببكيه عشر سنين قدام قولي لاتخافين
نوره: محد قال لي شي انا قلت له
بهاج : وش قلتي
نوره: انفجرت بوجهه وبكيت
بهاج حط يده على صدر نوره منطقه القلب : اهم شي ارتاح هاذا ؟قلبك
نوره هزت راسها : ايواا ارتاح بس جاني تأنيب ضمير احس حرامم صرخت عليه وهو جاي يعتذر
بهاج : يانوره اذا انتي حنيتي على هاذا وهاذا ماراح تعيشين ترى الحياه يبي لها شجاعه يبي لها قساوه قلب
نوره : طيب انا طبعي كذا من وانا نونو صغيره وانا رحوم واخاف ازعل احد وينام وهو زعلان منيي
بهاج : اهخخ لو اقدر اخذ قلبك واخبيه على العالم مابي احد يأذي هالقلب الرقيق اسم الله على قلبك
نوره ابتسمت ونطق بهاج : يازيننن الابتسامه ياكل ناسي انتي تعاليي معي
نوره : وين ؟
بهاج قام وسحبها معه وحط يده على خصرها ويمشي معها : قريبب
دخل المطبخ وشال نوره وحطها على الطاوله وفتح الثلاجه وطلع لوح شوكلت
: كل ماتضايقتي كولي شقليطه
نوره ابتسمت : بهيجج يلومونيي فيكك
بهاج تقدم وفتح الشوكلت واعطاها نوره : كولي من هالشقليطه كل مازعلتي تراها تعدل النفسيه خصوصاً انتم يالبنات
نوره ابتسمت وهي تاكل الشوكلت وشهق بهاج وهو يمسك يدها ويناظر اظافرها الي مزينتها : الله حلوووو حبيتتتتتت مليونن من عشرهه ابداعع اهنيككك
يقول كذا عشان نفسيتها المنعدمه مع انه يكرهه الاظافرر
نوره بفرحهه : منجد حلو؟؟
بهاج بضحكه: اييي يهبلل بسوي لبنتي زي كذاا
نوره ضحكتت وبهاج يضحك معها
دخلت ام نجلاء ونطقت: وش سر هالضحك
بهاج حك راسه بوهقه : هلا ياعمتي لا بس هرومونات الحمل ضاربه اليوم
نوره ضحكت : يمدح اظافري
ام نجلاء: يازينكم بس
بهاج ابتسم ونطق : ياعمه احط نوره بأمانتك لحد يبكيها او يتعرضها وبيني وبينك تراها بكايه
نوره : ترى اسمع
ضحكت ام نجلاء : لا توصي حريص يلا رح تجهز مع العيال وانتي نوري اذا تقدرين تروحين المسجد نصلي ترى شوي ونمشي
نوره : ايي اقدر
بهاج : شماغي اطلبه من الساعه٢ ولا جاني للحين ابيه
نوره ضحكت : نسيتهه تعال معي
بهاج ابتسم : ابشريي
ابتسمت ام نجلاء على علاقتهم .
وطلعو بهاج ونوره من المطبخ ومعها الشوكلت وتسولف لبهاج عن الوان المناكير الي كانت تبغاهم
نوره : كنت بحط وردي بس قلت لا مو حلوو على فستناني
بهاج : لا حلو مناكيرك الاحمر على فستانك الاسود
نوره عقدت حواجبها : اسود؟
بهاج: ايي مو الي استلمته من البنت حقت المتجر ؟
نوره توهقت وهو الفستان الي يقصد كان حق وداد ونطقت: ايي هوو
بهاج: ارفع لك القبعه اول مرهه تشترين فستان كويس
نوره ابتسمت بوهقهه : كنت نوره الحين ام مطلق
بهاج : حيييي
ضحكت نوره ووصلو قسم البنات
نوره : دقيقه خلك هنا شوي واجيي يلا دقايق
بهاج : ابد خذي راحتك
ابتسمت نوره واستقبلوها البنات بالاحضان والاسأله ونطقت : بنوتات دقايق بس
وطلعت شماغ بهاج من شنطتها وابتسمت للبنات وطلعت لـ بهاج واغطته الشماغ
بهاج : يالبى وجهك
نوره ابتسمت وراح بهاج ورجعت نوره للبنات
نجلاء : نوره وش صار لك ؟
نوره تاكل الشوكلت : خلاص رضيت
غدير : ياحليلكم
وئام: غرتتت بزعل ابغى شوكلت
جت سهام : بناتتتتت بسرعه البسو مشيناا
الهنوف : تمامم يلا والله يانوري ماستفدت شيي زينتي شعري واخر شي الطرحه بتخربه
نوره: عاديي نسوي ثانيي
،
العيال كل واحد لقى اغراضه الضايعه ومتكشخين بثياب العيد والضحكات ماتفارقهم
والحريم والرجال مشو كعابي للمسجد وامنو العيال على البنات
العيال قفلت معهم من البنات الي تأخرو
رائد : ياليللل راحت الصلاه وهم ماجو
احمد : سهله نمشي ونخليهم
جت نجلاء: نعم نعم نعم !؟
احمد : اقول البنات سكر حياه
رائد انخطف قلبه من سمح حسها وكان يناظرها ويتأملها وهي تجادل احمد
وبهاج يناظر رائد الهايم العاشق الولهان
نجلاء حست بنظرات رائد وارتبكت وسكتت
بهاج بهمس: ولد وترت البنت خفف النظرات شوي
رائد رص على اسنانه والتفت لبهاج وهمس : عنيده هالبنت ماتبي تتغطى !
بهاج كتم ضحكته : وشدخلك فيها دامك مانت محرم لهاا
رائد بهمس : اسكت بس لاذكرت ترى وداد تقول كل شي لي !
بهاج : عزتي لي وش سويت
رائد : قبل لاتتزوج حرمتك هاوشتها عشانها بتروح بيت ام مساعد
بهاج : يوههه محد ينسى عندكمم
رائد : العين بالعين والسن بالسن
احمد : ياحريمم ترى بنمشي كعابي
نوره : اهخ ياراسي
وداد : مو بعيد
احمد مشخصنها مع وداد : هيه ام جبهه صغيره وش دخلك انا ارد عليها
رائد : ورعع الا اختي !
احمد : سؤال رائد ، راسك كبير ليش ماسلفت اختك جبهه
رائد ضرب احمد : عين خير
احمد : حسبي الله عشاني اصغركم اتعرض للتعنيف
بهاج تركهم وتقدم لـ نوره وهمس بأذنها : سكري عبايتك ، تقدرين تمشين كعابي ولا ؟
نوره سكرت عبايتها ونطقت: اي اقدر
بهاج : لا ماتقدرين يلا اركبي السياره
نوره : بهيج!
بهاج: لاتحاوليننن خلاص قلت نروح بالسياره يعني نروح
نوره : به...
قاطعها بهاج: لاتحاولين يلا
والتفت لهم : بروح بسيارتي انا
عبدالله : اصلاً وش لنا بالشقى ليش مانروح بسياراتنا !
احمد تخصر : لا والله ؟ وش هالقرار الجديد ؟
رائد : مع احمد انا نبي كعابي عشان الوناسه
بهاج ناظرهم بنظره بمعناها" سوو الي تبون انا ونوره بنروح السياره "
ومسك يد نوره وطلع من البيت متجهه لسياره
عبدالله : انا وحرمتي وعيالي بنروح بسياره
نجلاء: اجل ابي اسوق ياحموديي يلاا
احمد : اهخخ ياوخيتي ماقدر اردك تدرين انك حبيبه اخوكك
رائد : ياولد ، البنت مامعها رخصه
وداد: رائدوهه انشغل بنفسك وش عليك؟!
نجلاء : لانوني معلمتيني السواقهه وسواقتها نسخه من سواقه المرجوج بهاج
نايف : عزتي لكم بهاج سواقته قشرا !
غدير: ليه وش فيها سواقه اخويي!
نايف : انا غشيم وهو طاره
غدير: ايي عبالي بعد
نجلاء: حمودي هات المتفاح
احمد : مافيها بانزين
نجلاء: اجل سياره رائد
رائد : بالصناعيه
كشت نجلاء بوجيههم ونطقت: مالت
ومشو كعابي للمسجد ماكان بعيد
بهاج ماسك يد نوره : نوره ليش احسك مهببه شي؟
نوره : انا؟
بهاج: من غيرك هنا؟ وش فيك ؟
نوره : مافيني شي بس توتر بسيط
بهاج: عن وش بالضبط؟
نوره: كلام الحريم
بهاج: احد يقولك اء سطريه لاتسكتين
نوره ابتسمت : ابشر
ورجعت سكتت وبهاج شاك انها مهببه شي سوا فستان ولا مصيبه ولا الخ
بهاج سكتت كذالك ويفكر وش اقصى مصيبه ممكن تسويها نوره
نوره شهقت : بهاجج
بهاج وقف السياره خاف عليها : علامكك
نوره : كنت حاسهه
بهاج : عن وش روعتيني !
نوره : عيديات الاطفال نسيتهم بالبيتت
بهاج تنهد براحه : حسبي الله على ابليسك روعتيني ، لا شفتهم مع غدير
نوره : بسم الله عليك ، اكيد شفتهم؟
بهاج حرك السياره: اي
ووصلو المسجد نوره راحت لقسم الحريم وبهاج لقسم الرجال
وشوي جو البنات والعيال الي يمشون كعابي
وجلست نجلاء جنب نوره : حيوانه فقدتك بالطريق ماليقت احد افضفض له
نوره : ياعيوني ياجوليي والله وش اسوي بهاج صاير عنيددد يمشي الي براسه
نجلاء : مو مشكله قومي اعطي الورعان عيديات
نوره : احس مستحيهه
نجلاء : مو تقولين بالديره كل عيد تسوين عيديات
نوره : الا كنت اسوي لـ اطفال الديره بس هنا مدريي
نجلاء : قومي انا لو مايتكلمون عن شعري القصير كان قمت
نوره : معليك منهم خل يتكلمون من هنا لبكرا
نجلاء ابتسمت وقامت نوره توزع العيديات وكانو الاطفال حولها كلهم وتوزع وتضحك والحريم يدعون لها
نوره متوهقه بالاطفال : اصبر اصبر اعطيك
خلصت العيديات وبقت بنت صغيره مااخذت : ابغى حلاوه
نوره شافت البنت وكأنها نوره الصغيره وكلمتها المعتاده"ابغى" ونطقت نوره : اوهه ماعندييي تعالي ادبر لك وحدهه
مسكت يدها واتجهه لنجلاء: نجول ياورع اعرفك اخذتي من عيديات الاطفال امانه اذا معك ابغى وحده بعطيها البنوته ذيي
نجلاء تاخد من الاطفال العيديات وتخبيهم ونطقت : بعطيك بس عشان البنت عيونها بريئه ! هاك خذيها مع انها بخاطري الله يسامحك يانوره
نوره ضحكت واخذت العيديه من نجلاء ونطقت: بعوضك معليك
واعطت العيديه البنت وراحت ونوره طاحت بغرام البنت : تدننن ياناسوو ابغى زيهاا
نجلاء : ياربي يانورهه
غدير: بناتت خلاص ماخليتوني اركز بتحيه المسجد !
نجلاء : وهه نسيناها كلها من نوره
نوره : وشدخلنيي انا صليتها جيت بدري وصليت بعدين تعالي لي....
نجلاء تحجبت وكبرت تقطع كلام نوره بالصلاه
نوره : قهرتيني
سهام رفعت صبعها بتهديد : نوره ونجلاء والله ماتسكتون قطعت اذانكمم خلاص فضحتوناا كل الناس عرفوكم
نوره : ابشري اوامر ثانيه؟
سهام : اثبري
نوره : ببكي اشتقت لجديده اول عيد بدونها خيرر وربي ماتجي بزعل على ولدكم بهاج
غدير: لاحول ولا قوه الا بالله ابك انتي ماتسكتين؟ بركز يرحم والديك
نوره : ابشريي خلاص بسكتت
نجلاء سلمت من الصلاه : السلام عليكم ورحمه الله
نوره : تعالي نجولل
نجلاء كبرت : الله اكبر
نوره : وش تصلين؟؟
نجلاء : لا امزح وش تبين؟
نوره : ترى اذا ماجبتو جدتيي بزعل عليكم وخصوصاً ولدكم المصيون بهيج
وئام: وش ذنب المسكين اخوي؟
نوره : لا له دخلل
غدير سلمت من تحيه المسجد الي اكثر من مره عادتها بسبب نوره ونجلاء
: خلاصص اسكتوو
نوره التفتت لـ غدير: انتي صلي استخاره زواجك بعد اسبوع
غدير: افف لاتذكريني
نجلاء: اذا هاذا الشعور بمدد العزوبيه
نوره : بمددها معك
الهنوف : خوي نوري
وداد بضحكه : بطنها ذا طوله وتبي تمدد العزوبيه
نوره : صح نسيت انا زعلانه عليكم
نجلاء : شكل مكتوب على جبهتي بهاج، ياختي ماني رجلك اراضيك
نوره : تراك قستي علي ببكي
غدير: لاتبكين يثور فينا بهاج
نوره: مابغاه ابغى جدتييي جيبوها ليي
سهام : لاتخافين معزومه اليوم على عيد عمي عبدالرحمن
نوره: صدقق؟ بتجي؟ وصوصو؟
غدير: سمعت امي تقول عازمه اهل الديره كلهم ماعندهم عيد اليوم
نوره كشرت: لا يعع مابغاهم الحين يعلقون عليي
نجلاء: وعع الحين يعلقون على شعريي وتسبديي
نوره: نجول وش رايك مانحضر؟
نجلاء : تممم والله معك بس امي تجرجرني وتقول هاذي بنتي
نوره بضحكه : تكفيننن زي جدتييي لازم الكل يعرف اني حفيدتهاا !
غدير : كبر بنات يلا قومو
وقامو وصلو صلاه العيد وسلمو بعد انتهاء الصلاه
وجلسو البنات يسبحون ويستغفرون وينصتون لخطبه العيد
،
الجد عبدالرحمن : بهيج انت والعيال روحو اذبحو ذبيحه العيد
بهاج : الحين؟ كأنه بدري
ابو عبدالله : لا موب بدري بالعكس متأخرين قم يلا
عبدالله: متى عيدنا؟
ابو رائد : الضحى
رائد: بالقوايل؟ الناس قدهم داخلين غيبوبه العيد
ابو نايف : لا هالسنه مامن غيبوبه عيد ترى باليل عزيمه
احمد : يراسي!
بهاج: يلا ياعيال قومو نجيب الذبيحه من مزرعه جدي ترى يبي لها وقتت بسرعه اعجلوو
عبدالله : يلا ، بهاج جبت الشاص عشان الذبيحه نحطها بالحوض
بهاج بردت ملامحه من تذكر انه جاء باللكزس عشان نوره ترتاح : لا ياعيالل جبت الجيب !
احمد : مارضى عليها معليش لو نحط الخروف على التنده ماقول لا بس ماتدخل اللكزس
رائد: اواقفك الراي مع حمودي ابو صنادح
نايف : ايي صح بعد اسبوع ابيك تزفوني باللكزس
بهاج ضحك : كلن على همه سرا المهم ياعيال واحد يجي معي والباقي كعابي
احمد : بهيج عندي لك علوم خل اروح معكك
رائد : ايي يابهيج حنا ثلاثي مظلوم ودايم ناكل المشاكل ارحمنا
عبدالله : اجتمعو ادج خلق الله ابو اذان وابو راس وابو صنادح
نايف : فريق خليها على الله
بهاج : دندنو وغنو اركبو ياعيالل
احمد ورائد ضربو كفوف بعض "كفك" وركبو مع بهاج لكن بهاج قلبه ماطاوعه واتصل على نوره : نوره
نوره : عيونهاا
بهاج : لبى عيونك المهم اطلعي واوصلك للبيت وارجع
نوره : مابغى بهاج تكفى مستانسه مع البنات
بهاج: اكيد ماتتعبين؟ ترى بروح بتمشين كعابي
نوره : مع....
سحبت نجلاء الجوال ونطقت : معليك انا محرم لهاا ازهلني
بهاج : تمم يلا اوصيك عليها ولاتنطنط ولا تسوي شيي
نجلاء : ابد ابد انا عن عشره رجال
بهاج: حلو يلا سلام
وقفل الخط وحرك السياره ونطق احمد : بهاج
بهاج وهو مشغول بالجوال: هاا
احمد : ليش هي لبيه وحنا هاااا؟
بهاج رفع راسه: قلتها "هي "مو انت وياها
رائد : اوفف يالحجده قويهههه !
احمد : طيب لنفترض انها جت تنزلنا؟
بهاج : لا انتم عيال عمي مانزلكم
رائد عقد حواجبه بأستغراب : شكلك مافهمت وش يقصد بالسؤال
بهاج : الا فاهم وماراح انزلكم بحطكم بصندوق السياره عشانها
احمد : لو انت منزلنا ابركك والله على هالمذله
بهاج: شدعوا ايي مذله ؟ انا مانزلتكم بحطكم بالصندوق لو وهي معي هاذي النوري مو اي احد
احمد : ترى اغار منهاا خيرر انا ولد خالتك قبلها
رائد : صح بهاج بطبيعه الانسان ترى يغار
بهاج ضحك واتجهه لبيته ونزل : يلا ياعيال واحد يسوق اللكزس ويرجعها لبيت جدي وواحد يجي معي يعاوني
رائد: احمد قم تقلع انا بسوق اللكزس
بهاج: بسرعهه
احمد : امري لله يلا جيت
ونزل احمد وركب رائد اللكزس ورجعها
بهاج : احمد لازم نغير ثيابنا لان في حرب هنا لازم نصيد الذبيحه
احمد : تمم بس منين لنا ثياب
بهاج: ازهل خلك هنا بدخل البيت وبجيب ثياب
احمد : عز الطلب بهيج يلا كفوو
راح بهاج يجيب ثياب لهم عشان ماتتوسخ ثياب العيد
احمد دخل البيت ويناظره بأعجاب : والله مهو ببسيط بهيج على ذا الديكور والحركاتت
بهاج من وراء احمد : هاشرايك بس؟
احمد فز : بسم الله الرحمن الرحيم خوفتني!
بهاج ضحك واعطى احمد الثوب : هاك خذه والبس وانا بالشاص عان الحمام هناك
احمد : يلا زين
راح بهاج يشغل الشاص وكان الجو حار وشغل المكيف من الحر وزين عمامته
جاء احمد ومتوهق من طول الثوب حق بهاج طويلل واحمد قصير
احمد : يالزرافه طويلل ثوبك
بهاج: اربطه
احمد ركب : يلا معلينا مشينا لمزرعه جديي
بهاج حرك السياره: اي بالله بعيده بسرع ترى
احمد : تم
وحرك بهاج متجهه لطريق مزرعه الجد عبدالرحمن حقت الحلال وكانو مسرعين عشان يلحقون على العزيمه
،
ام عبدالله : يبنات يلا مشينا نرجع
غدير : ابشري
وقامو البنات ولبسو نقاباتهم وطلعو من المسجد ومشو كعابي راجعين للبيت
YOU ARE READING
هــي الــتـي عـلـمـتـنـي كــيــف اعــشــقــهــا
Randomحياكم الله البيت بيتكم اقلطو اقلطو💗 نبذه بسيطه عن الروايه نوره البطله التي تسكن عند جدتها المريضه بمرض شديد وتضطر الجده تزويج نوره لحمايتها من اعمامها✨ لااستبيح النقل💗✨
