حب قاسي (قصة مكتملة بالدارجة المغربية 🌸💗)

🥀حب قاسي🥀

للكاتبة : hkhiba🌝

🌸حب قاسي🌸

☘️الجزء9☘️

...نزلو لتحت من بعد ماسناو على اوراق الخروج من المستشفى ..غير كتشوف قدامها وساهية
..كان كيتمشى ورزانة لخطوات تقال ومرة مرة كيدور عينو يشوف فيها هي لي مواعياش بشنو داير بيها اصلا ...ملامحو مكيتغيروش على البرود زادو معاه تابعينو تا وقف قدام لوطو السوداء ديالو طلع القدام وطلعات مو حداه وهي وجداتها ركبو اللور
زاد مديماري بسرعة متوسطة حتى خرجو على المدينة وحبسات السيارة قدام الدار الكبيرة ...شاف فيها باستغراب كيحاول يتذكى ولو لحظة من طفولتو عاشها وسط عائلتو ...غمض عينيه بغضب ورجع حلهم محول عينيه لزاج كيشوف فيها كيفاش ساهية وغارقة فتفكيرها ...

نزلو من لوطو توادعو معاهم واخا عياو يطلبوهم يدخلو واخا غير على كاس دآتاي تحججو بلي عندو الخدمة وهي مشغولة مع الدار ...وخلاوهم على خاطرهم
...دخلات مرفوعة كي شافتها نورس علات فيها حواحبها باشمئمزاز ..: شتك فحالا تخرفنتي شفتيه ونتي دوخي ( شافتها ماهياش فهاد ولعالم طرقات صباعها قدامها وهي كتغوت ) ايييه اييه ياكما اترات ليك الضربة على دماغك

( عاد رضات ليها لبال ) دفعات ليها يديها من قدامها : نورس حيدي من قدامي ماعندي كانة ليك
زادت ديريكت لواحد من البيوتة ديال النعاس سدات عليها الباب وتلاحت فوق النموسية

للكاتبة : hkhiba🌝

🌸حب قاسي🌸

☘️الجزء10☘️

دقائق قليلة وهي كالسة فبيتها كتخمم
حتى سمعات الدقان على برا شافت فيها بباتسامة وحلات ليها الباب ...دخلات وجلسات على طرف النموسية اونفاص معاها ناطقة
مريم: دواا معاك ؟
وداد : امممم
مريم : اييوا اشنو بانلك احفيدني الغزالة
وداد :(صمت)
جمعات ليها يدياتها بجوج بين يديها وطبعات عليهم قبلة خفيفة : عارفة ابنتي صعيب عليك تاخدي قرار بحال هاكدا ولكن راه مغالتلقياش حسن من مراد وهو بعدا دق من الباب ماشي من السرجم جاك نيشان ..تقدري تكملي قرايتك وتعيشي معاه الرفاهية
..انا ماغانبزز عليك تاحاجة فكري على خاطرك وديري لي مسلكك ابنيتي وااخا
وداد ( هزات ليها براسها بابتسامة وهي مراقباها غادا خارجا) ِ

جلسات فو الناموسية جمعات رجيلاتها عندها وشدات تصويرة نتاع مها وباها وهي وسطهم بتسامه عريضة مزينة ثغرها ....ضحكات وعينيها تغرغرو بدموع تاولاو كيننزلو وحدا مورا وحدا ...ماعرفاتش علاش واخا خالعها شوية هاد الزواج ولكن حاسة بالطمأنينة فنفس الوقت ...وعاد ماكتزيد تحس بالامان ملي كتفكر بلي هو ولد عمها رشدي يعني ولا بدا غيكون واخد من طباعو وضرافتو ولو غير شوية ....

بقات كتفكر تا تكات على خديتها معنقاها وغرقات فنومها ...

للكاتبة : hkhiba🌝

🌸حب قاسي🌸

☘️الجزء11☘️

تكا فوق الفوطوي ديالو اونفاص مع بيروه كيشوف فالسقف هو براسو معارفش القرار لي خدا واش مسلك ولا لا افكار يديوه واخرين يجيبوه ..حتا جات صورتها بين عينيه ..شفارها الطوال لي مزينين عينيها العسلين ...شعرها الطويل المنسدل على كتيفاتها ..شفايفها الحومر المنيفخين ..شكلها الفاتن رغم انها كانت مغطية مفاتنها ببذلة الصبيطار الى ان منحنياتها وتفاصيل جسمها كانو باينين ...
نفض افكارو ملي وعا على راسو فاش كيفكر ..وناض يكمل خدمتو ..

فاقت على صوت جداتها : فيقيها فيقيها تنوض تعشا
شيماء : وااخا اميي مريم

وداد : مالكوم...شكون اتفيقو
شيماء( بابتسامة عفوية) نتي نيت الخميميرة
وداد : شحال فالساعة ؟
شيماء : اامممم داابا 22:30..
( ناضت قافزة ) وداد : اويييليي عند بالي نعست نص ساعة
شيماء : رااه تكلفات عمتي صاوبات العشا ...وانوضي راه مروان يلاه دخول كيساينونا نتجمعو باش نتعشاو
وداد : اااه وااخا انغسل ونجيي

غسلا وجهها وقادات حالتها وخدجات لعنهوم تاتفاجأت بيه جالس على الطبلة معاهم ...تبلوكات كتشوف فيه بصدمة تاحسات بشي حد كيلعب حدا رجليها
شافت فيه لقاتو ولد عمتها صغيور ...هزاتو لعندها وتحولات صدمتها لابتسامة عريضة ...جسات فبلاصتها وجلساتو فوق فخضها كتوكل فيه شويه ليها وشوية ليه ...كملو ماكلتهم لي دازت بضحك وتقشاب من غيرو هو لي نظراتو كانو مزجهين ليه وملامحو باردين ما تعرفو كاع فاش كيفكر. ...هزات الجدة مريم معلقة وضربات بيها على كاسها باش يتاجهو انظارهم كاملين ليها ونطقات : بنتي وداد راه مراد جا فهاد الوقت غير باش يسمع جوابك ..اوا اشقلتي
نزلات ولد عمتها يلعب فالارض وحدرات راسها بتوتر وخرجات حروفة متقطعين : م موا فقة ..موافقة
كملاتها وناضت كتجري لبيتها سادة عليها

يتبع

راه البارت لبارح نزلتو ...فقت الصباح نطل عليه لقيتو ممنزلش ماعرفتش علاش المهيم
Have fun💗💗⭐

Love u,,,,,,,