حب قاسي (قصة مكتملة بالدارجة المغربية 🌸💗)

🥀حب قاسي 🥀

للكاتبة : hkhiba🌝

🌸حب قاسي🌸

☘️الجزء30☘️

....وسعاات ابتساامتها وهي كتشوف راسها فالمراية
برضى عن اللوك النهائي لي خرجات بيه ...طلعات كتحمق برزات عيونها بميكب جرييئ بالبيبي بينك وايلاينر اسود خلا عينيها يوساعو ويبانو كبار ويبرز لونهم العسلي اكثر ...لمعة فالكورنر ديال عيونها ..وبلاشر خفيف خلا وجهها يبان كيوت وناعم بشكل مثير...وبرزات شفايفها بفامبي لوك بلون احمر داكن وgلوس براق ...تبسامات ملي صوناليها التيلي ورمقات اسمو على شاشتو نطقات مبسمة:
" الوووو "
زياد : " صااافاا"
وداد:" الحمد الله ..راااكم وااجدين ولاا مزااال "
زيااد : " واللهيلاا غير داايرلك خاطرك اوداد اماا كااع ماانجي"
وداد:" لا لا غير اجيي عفااك رااني موحشااكم نتاا وجدة"
زيااد : ( بابتسامة)" يااك يالاه شفنااك البارح "
وداد:" لا لا ماااكنسخااش بييكم .."
زيااد :" صاافي الالة شوية وهاا حنا عندك "
وداد :" اووكي "

قطعات عليهم ورجعات للمراية كتقاد اخر اللمسات على وجهها...

فمكان اخر قطعات التيلي ودارت كتشوف فيها
بنت طويلة سمراء البشرة...لابسة كسوة كحلة حد الفخاض مبينة طايتها ومنحنايتها بشكل زوين ودايرة ميكب جريء بعكر حمر ونظارات سوداء على عينيها ... وحاطا مونطو من الفورير على كتيفاتها المعريين
نطقات بصوتها بنبرة غاضبة :
" ماما وااش منيتك باااغا تبعي خاالتي فهباالها "

..." سكتي سكتي خليني ندير شغلي "

_ "واااقووييتييي اماما ...يلااه حطااتنا طياارة وهاابطاانا على رجلينا علاين سااعة وحناا كنخبطوو فالطرييق ...فاللخر جاابناا لهااد الدرووبة لملكَطيين"

..." هاااعاار ربيي مااسكتييي وتبعيني"

_(ردات عليها بهمس )" تااتكوني تعرفي ربيي بعداا نتيي"

..." ااش سااايرة تكمكميي تماا"
واالو زيدي خلاص "

للكاتبة : hkhiba🌝

🌸حب قاسي🌸

☘️الجز ء31☘️

وقفو قدام وااحد الدار شادين فيها لعيالات الصف وحدة مور وحدة ..مع وقفات هي وبنتها شافتها واحد المرا كانت فالباب تقدمات لعندهوم دخلاتهم تحت انظار هادوك لي شاديين الصف ..وطرقات الباب ديال الحديد ..قادتهم لواحد البيت فوسط ديك الدار المظلمة...
بيت كلو شموع وشباكي ديال العنكبوت ...قرااعي مملوئين بسوائل غريبة..جماجم ديال حيااوانات مختلفة..مع كدخليه كضربك ريحة خانزة كتغلغل فنيوفك ..فهاد البيت جالسة امرأة بلباس اسود حازمة عينيها بطرف ثوب ابيض متسخ ...قدامها مجمر سخون كتحرك فوقو يديها وكتنطق بكلمات غريبة
...زفرات البنت بغضب وبغيظ من المنظر ومن الريحة ومن تصرفات امها ..جلسات على واحد من الكراسا لي كانو قدام ديك المرا بنفخة ....وجلسات حداها مها بأدب ..
الام : " السلام ع.....( قاطعااات كلااامهاا المراا لي كان صوتها غليض بشكل غريب" ششششششش عااارفاااك لاش جييتي اسمييرة غير سكتي "
....نطق اسمها بديك الطريقة خلى بدنها يقشعر ..
نطقات المراا مرة خراا : مراااد ياامرااد حكاايتو حكايا مااعاارف شمن اتجاااه يشد ..الله يهدي ميمتووو عليييه
الام : "ااامين ااميين اختيي طلبيي المبلغ لي بغييتي يحضر لمهم يكوون لبنتيي ويبغييها صاافيي انا هدشيي لي طاالبة "
...:" ههههممممم عندك شيحااجة دياالوو"
الام:( قلبات فصااكها جبداات مكانة قدييمه شوية وصغيرة مهرس ليها الزااج ) هاادي.دياالو ولكين قدييمه شويه
....: " قااضية غرااض خرجيي نتي وبنتك رااه من صبااح وهي كتنفخ وتسووط ...تانعيطليكم "
جرات سميرة بنتها وخرجو كيساينوها تاتقضي شغلهاا
بسمة : " ماااماا الله يهد...."

سمييرة:" سكتيي متزييدييش كلمه وحده ولد خالتك نتي ليغاتديه بالخاطر ولاا بزز ..كلشيي هدشي فمصلاحتك "
بسمة " ولااااا جااوبتك اسمييرة رااني فحاالك..."

سميره:" كن كنتيي فحاالي لابااس علييك كوون رااه ديتييه شحاال هادي ..ماشي تايزرب عليك البرااني "

بسمة" والله ماانجااوبك "
..رجعات عندهم ديك لي دخلاهم فالاول وطلباات منهم يرجعو يدخلوو عندهاا
مدات ليها واحد الخنييشة صغيرة سوداء عامرة بشي حاجة ونطقات بصوت اكتر غرابة ملي قبلوو
" خبيه تااتوصليه وحطييه مخبي تحت فرااشهم وغطييه ووااااياااك تحلييه "
شداتو سميرة كترجف ...بيديها بجوح وجبدات من صاكها ظرف عامر زرقااوات مدااتووليها حطات عليه يديها وتبسماات ناطقه" الله يخلف ..هزي خليفتك ودردبو مع الطريق يلاه"
خرجات هي وبنتها وهي مزالة كترجف تاانطقاات بسمة باستفزاز:" وماالك كترعديي ...باينة فييك مواالفة بتاشواافت ماكين لااش هاد الخلعة كاملة"
سميرة :" وااش اناا مك ولاا عدوتك ..بالحق والله ماندي عليك ماازاالة برهووشة ..شابهة غير فبااك "
بسمة:" الله يرحموو مسكين علم الله تااهو بااش كنت مكتفااه "
شافت فيها بنظراات ناارية ونطقاات طاالعة فلوطو لي كانت وااقفة فانتظاارهم " طلعيي طلعيي"

للكاتبة : hkhiba🌝

🌸حب قاسي🌸

☘️الجزء32☘️

وصل وقت الحفل بداو افراد العائلة كينضمو الحفل شوية بشوية ..بينما هي كانت كضور فالبيت بتوتر نطقات والنيليفون فيديها:" امضراا قضييتو غرااض ولا مزاال "
.." صاافي راه كلشي مزيان دزنا عندها قضاتلينا الغرض الحمد الله هااحنا فالطريق شوية ونوصلو "

..." واادغياا رااني خلي الضياف بوحدهم التحت ماتغطلوش "
.." صافي هاحنا قراب "

...كانت جالسة. منعزلة على الضيوف ...بكسوتها الحمره كتسااين جداتها وزياد وحنان لي تااهياا غاتجي معهم بطلب من جداتها  ..
م

ع بانتليها جدااتها داخلة بجلابة قفطان دوبيااس بالبيض والصقلي وفولار خفيف مذهب مغطي شعرها وحداها حناان بكسوة بلبلو رويال( ازرق ملكي )
مزيرة ملفوق ومفرفرة ملتحت طالقه سالفها الزعر وجامعه نصو بمقيبط بيض صغير ..وهو لي كان لايقل وسامة بكومبلي زرق وكرافاط انيق وصباط اسود ..توجهات لعندهم مبسمة برقي
تاصفر زياد باعجاب : "وااااواوااوا بزااف عليينا هدشيي الاستااذه فيين كنتي مخبعة علييينا هااد الجماال "
وداد:" ههههه يااك بعداا"
عنقاتها حناان عاصرااها " اااحححح علىى الصوبييصة دياليي وشحاال غزاالة ...نااريي كووكنت رااجل..نااري ...والله اخني مانزكلك "
وداد:" ههه تانتي ياالخايبه ديالي جيتي فنة"
حنان: " كااع مانباان قداامك "
وداد:" لااواه لااوااه"
تقدمات لعند جدااها باستليها على راسها ونطقاات : " توحشتك اتوحشتك امريوومتيي"
لالة مريم " وااخلييتيي بلااصتك.البوكوصه ديالي "
وداد:" صافيي صاافي بلاا مانبدااو ندمعو عاوتااني يلااه نشطوو شويه"

يتبع