حب قاسي (قصة مكتملة بالدارجة المغربية 🌸💗)

🥀حب قاسي🥀

للكاتبة : hkhiba🌝

🌸حب قاسي🌸

☘️الجزء12☘️

...ماعارفاش واش خدات قرار صائب ولا لا
افكار يديوها واخرين يجيبوها تا سمعات صوت الفجر كيأذن ...ناضت من بلاصتها جمعات شعرها بلاستيك خفيف باش متعكرش ..ودخلات توضات ..فرشات صلايتها ونزلات كتصلي الفجر وكدعي مع باها ومرت باها بالرحمة ..حسات بواحد الراحة والسكينة اجتاحت قلبها ..عرفات بلي قرارها ميسر ولو كيبقا قدر ..
وهادي هي عادتها كلما بغات تتاخد شي قرار فحياتها تتصلي جوج ركعات الى حسات براسها مزيرة
وخاطرها مامرتاحش تتحبس الحاجة لي غادير ..والى ارتاحت كاتكمل فيها ...
ابتاسمات ببشاشة ومشات توجد الفطور قبل ماتفيق جداتها والعائلة ..حطات الطبلة ديال الفطور وبداو كيتجمعو من غيرها هي لي غير كملات دخلات لبيتها
عاودات لي سوان لضربتها ولوات عليها فاصمة ودار نايفيا فالصفر مواتيا بيجامتها
..نطقات بصوتها الملحون وبابتسامة مزينة شفايفها : شيمااء تمشي معااايا نشووفو حنان قبل مانرجعووو المدينة
شيماء : اااه وااخا سايني لبس علياا
يلاه بغات تنوض وهي تشدها نورس من حوايجها :
انمشي معاكم؟
شيماء : شوفي مع مولات الفكرة
سمعاتها اش قالت تبسماتليها ببشاشة: يلاه نوضي تعطلي نزيدو ونخليوك
ناضت قافزة دخلات البيت تتبدل عليها ..من ديما وداد كتعاملها مزيان ..غير هي لي مخصرا راسها بداك الحقد السم لي فيها ..

للكاتبة : hkhiba🌝

🌸حب قاسي🌸

☘️الجزء13☘️

بدلو حوايجهم و زادو قدامها تا دخلو للجنان كيتساراو ويسلمو على ناس القرية بابتسامة تا وقفو قدام واحد الدار كبيرة ومزينة من برا بشكل زوين كتبين على
الحالة المادية الميسورة لهاد الناس ...
دقات فالباب لي لقاتو ديجا محلول وصرخات باسمها بصوت عالي باش تسمعها : حنااااان
حنان : وااااخاااا اااناااااا جاييااااا
هبطات تتجري بنت شقراء طول منوسط عيون عسلية
وشفار طوال ...فيم منفوخ وحميمر. ..وشعرها مجموع باهماال على شكل سفنجة ..لابسة كسيوة منزلية مريحة نص كم
ضربات على كتف وداد ونطقات بابتسامة : ياالحمارة كون ما الحاج كيعرف صوتك كون هبط شتف عليا انا ويااك على حساب ديك الغوتة
وداد : واايلي مزال نااعس
حنان : خااامر الولييدة مصباح وهي تفيق فيه وراه مزال مابغا يهديه الله
وداد : خليو السيد ينعس مسكيين محنتوه فحياتو هههه
حنان : واا بااز لوجهك الصااحيبة عوض ما تجي معا صحيبتك تاتجي مع العديان
وداد : مسكين عمي الحاج هواا لي باز ليه مسكين صابر عليك
حنان : اختيي تااحد ما قاليه يييح***( ماخلاتهاش تكمل هضرتها سدات ليها فمها كتحاول تنعت ليها بعينيها بيلي راه ماشي بوحدهم
حنان : اااه السمووحات معانا القاصرات
وداد : الله يعفو ..المهيم جيت لعندك غير باش نقولك اليوم فلعشية انرجعو للمدينه
حنان: ياااك دغيا سخيتي بيا
وداد : وااعيقناا بزااف طولناا هنا هاد المرة بلاقيااس
حنان : وااييه عندك الحق وااحد السيمانة ونلحق عليكم ...قولي لخالتي مريم دير ليا الحريرة هالعار
وداد : سايرة توحمي ياكما هازا تواام
حنان : اووديي مصااب لقيناا حنا معاامن بعدااا
وداد : يااختي باز لوجهك بعدااا ما بقيتيش تمركي
حنان : الحمد الله كانجيك بوجهي حمر بعدا مكانافق حد
وداد : ( هبطات وجهها لي تزنك ونطقات بتوتر ) : احم احم
حنان : اهياا مالك ياكما تخوطرتي شتك تحنحني
وداد : انقولك وبلا شوهة اووكي
حنان : نطقي شوشتيني ...
وداد : غاانتزوج
حنان : هااا؟؟؟ ايمتااا؟؟كيفاااش؟؟شكوون؟؟؟وعلااش؟؟ووقتاش ؟؟حلفي بالله كوولي والله ماكنكدب
وداد : منيتك وااش انا غانكدب عليك
حنان : رورورووروي وااخاا ماكنعرفش نزغرت على سلامة الزين ديالي شكون هاد التعيس الحظ لي غايدي ليا الزوجة ديالي
وداد : داابا تعرفيه ...مهم دابا انا بغيت نعلمك ومابغيتش نطلع معاك القالب ديال داك البان ديال كولشي جاا على غفلة ..بغيتك تكوني حاضرة معاايا فكلشي وااخا
حنان : عطيننيي سويمينة وحداا انا عندك نشريو السويقة من راسها تا رجليها ..على مالي عندي منك كارطونة ولا
وداد : لهلا يخطيك عليا اباكيرة ديالي ..مهم انا مشيت راه خليت دريات كي تشمشو ماعرفت كاع فين زادو يمشيو يتوضرو يحصلو ليا فعنقي
حنان : اووه مااح عليك الحب نتلااقاااو ..تيليفون السونيط لولة تجاوبي ماتجاوبيش راك عارفة الحساب والعقاب ..
وداد : كووني هانية يلااه تهالاي
...

للكاتبة : hkhiba🌝

🌸حب قاسي🌸

☘️الجزء14☘️

كملات هضرتها وابتاسمت لصديقتها لي عطاتها ردة فعل زوينة وصادقة حسات بيها نابعة من قلبها و
مافيها لاحسد لا كذوب لا غيرة ..
من شحال وهوما كيعرفو بعضياتهوم من وهوما صغار علاقتهم كانت مقتاصرة غير فااللعب فالجنان فيامات العطلةتا كبرو وولات حنان تتقرا فالمدينة وكتجلس مع خالتها فايام القراية ...ومن الزهر طلعوت خالتها جارتهم ...تتوطدات علاقتهم كتر وكتر وولاو كيحطو الراس على بعضياتهم فوقت الحزة ويهزو مشاكل بعضهم الا فرحو يفرحو بجوج والى حزنو يحزنو بجوج ..
دخلات الجنان تا لمحاتهوم جالسين على واحد الطبسيل ديال العنب هاك بالاك حبة مور حبة :
وداد: هادوك اهه غفلت عليكوم لقيتكم تااكلو العنب بلا بيااا يااا الشريرات
شيماء: ههه يلااه جابتوليناا خالتي اميينة ...حلوووو مم
دارو ليها بلاصة حداهم وجلسو كلاو داك العنب سالاو داو الطبسيل لماليه وتاجهو للدار

....العشية......
كملو. جميع شوانطهم كلا طلع فطموبيل لي غاتديه لدارهوم ..ركبات هي وجداتها مع سعد الدين وشيماء و ريحانة فطموبيل وحدة والباقي تفرقو فالطموبيلات على حساب وجهتهم ...

يتبع