حب قاسي (قصة مكتملة بالدارجة المغربية 🌸💗)

🥀حب قاسي🥀

للكاتبة : hkhiba🌝

🌸حب قاسي🌸

☘️الجزء20☘️

ركبو فلوطو من بعد ماتواادعات مع اهلها بشوية ديال البكا على فراقهم ..وتحركو فجو هادئ غالب عليه الصمت ..دوارت وجهها كاتشوف الزاج من برا تا توقفات لوطو قدام وااحد الفيلا كبيرة ..نزلات غير كضور فعينيها من جمالية المكان وتصميمو ..زاد قدامها وشار ليها بيديها باش تبعو ..مازادتش معاه الهضرة تبعاتو وهي باقا بكسوتها البيضة كتجرجر فيها ..
وبدا كيضورها فالدار وكيوريها كل حاجة وفين جات : هادي الكوزينة ...هادا بيت الوليدة ...الصالون....سيجور ...صالون اخر بيت الضياف حماام ..كوزينة اخرى ...تااكملو وحبسو قدام الجناح لكبير شاد طول وعرض الطابق اتاجه لواحد الباب  ..جبد الساروت من جيبو وفتحو ...كان عباارة عن بييت كبيييير بمساحة جوج صالونات يجري فيه الخيل فيه فووطووي كبير فاللون الرمادي وسرير دائري متوسط البيت فنفس اللون ..وكاين جوج بيبان اخرين وسط البيت ..فيهم حمام ..والدريسينغ روم ...
وراها كلشي ببلاصتو ..هز فوطة من الفوطات وتوجه قاصد الحمام بدون مايزيد معاها ولا كلمة ...
...جلسات فوق النموسية خايفة ومتوترة ماعرفاش شنو دير ..توجهات ناحية الفاليز ديالها لي كانو دخلوها ليها الخدامات وحلاتها كاتقلب على شيحاجة تلبسها لقات ماكاين غير لي شوميز دونوي والله يعطيك صحيحتك..تا طاحت على واحد البيجامة نص كم بشورط طويل شوية ..بزربة بدات كتحل فشعرها وكتزول منو المقيبطات لي شادين المشيطة وتطلق شعرها كامل على طولتو ...حيدات الكسوه بالكشايف عاوتاني ولبسات دوبياس فاللون الاسود وعاد لبسات فوقهم البيجامة ديالهالي بينات قوامها الممشوق فابهى حلة وبرزات انوثتها كتر .... وجمعاتشعرها كوتشوفال نازل ....ماعرفت مادير التوتر غالب عليها مازال مامتيقاش بلي هي دابا كتعتبر امرأة متزوجة ..طلات على يديها لي مجملها الخاتم بلمعانو وبريقو المميز
ض

حكات بخفة تا سمعات صوت ديال الما حبس معناه انه دابا غايخرج ..
تلاحت فوق الناموسية وتكمشات على الكاشة مغطية
وعاصرة عنيها كتمثل انها ناعسة ...خرج لاوي على نصفه السفلي فوطه.وشعره كيقطر بالما فازك ..
شاف لجيهتها ..ودخل للدريسينغ لبس شورط وتيشورت نص كم وخرج ..طفا الضو وشعل غي الفيوز ( البولة الصغيرة/ماعرفتش نتوما شكاتسميوها)لي فوق الكوافوز وتكا حداها داير لجيهة المعاكسة ليها ..مع طفا البولة الصغيره وهي تحل عينيها بشوية..

للكاتبة : hkhiba🌝

🌸حب قاسي🌸

☘️الجزء21☘️

ِِ...حلات عينيها ودماغها خلاها تقول جملة بتساؤل بصوت شبه مسموع: مغيوقع والو؟؟
تسللات الجملة وستقرات فمسامعو وقرا فاش فكر دماغها فثواني معدودة بانت على شفايفو شبح ابتسامة خفيف ...ماهي الا لحضات قليلة تاكل واحد فيهم حط افكاروو ومشاكلو جانبا وانتاقل لعالم احلامه