حب قاسي (قصة مكتملة بالدارجة المغربية 🌸💗)

🥀حب قاسي 🥀

للكاتبة : hkhiba🌝

🌸حب قاسي🌸

☘️الجزء87☘️

نزلها الطاكسي ونزلات عاقدة حواجبها من الشمس القاصحة لي باقا مغرباتش ...دورات راسها فالمكان بصدمة ..كيبان داكشي راقي وغير الطبقة المخملية واصحاب المناصب العالية لي يمكنليهم يدخلو لفحال هاد البلايص ..حركات فمهاو هزات راسها باعجاب ..يالله غاتزيد بخطواتها للقدام حتى حسات بشي واحد دخل فيها ..يالاه جات دور وكاتوجد باش تسبو ..وهي تحنط السيدة عينيها تفيكساو عليه وماحساتش براسها تاطلعاتو ونزلاتو بعينيها وفوهة فمها مفتوحة باعجاب حط يديه على كتفها وتبسم ليها بخفة وهو ناطق : ماشفتكش ...كانعتاذر

صحصحاتها لمستو وقلبات الدورة بلا ماترد عليه تاحسات بيه جرها عاوتاني

....: زعمااا ماعرفتينيش

فالبلاصة حركات ليه راسها بنفي ومزال مانطقات بحتى شي كلمة  ....تبسم من جديد وهز اصبع سبابته كيشير لعينيه ...

شهقات بصدمة وحلات عينيها على جهدهم ونطقات بصوت شبه مسموع: عينين البيناكات ...ميمكنش
حاوط خصرها بدراعه الموشوم وزيدها معاه وهي باقا على حال صدمتها كل دقيقة دور تشوف وتعاود تسهى قدامها كاع ماحاسة بيديه لي محاوطاها ..
تقدم لعندهم احد الخدم لي خدا من عندو سوارت سيارتو وتحن ليهم باحترام : مسيو ارسلان تفضل

دخلو وهو عاز راسو ومرة مرة كيرمي عينيه لجيهتها كيشوف صدمتها لي مزالة على وجهها وكيرجع يبتاسم ...دخلو وخداو الطاولة ديالهم
وشاف فيها ونطق بمكر : بانليا فحالا تصدمتي فاش عرفتيني شكون انا

حنان( بسهو) : لا ماعرفتكش غير هو طلعتي زوين كنت نصحابك خايب

ضحك عل كلامها لي باينة قالتو بدون ارادتها وبلا ماتوعا على نفسها ونطق بثقة عالية:
ياك قلتها ليك

هازا قطيطتها وكتلعب معاها وهي كتلط صوت المواء بفرح وكتلعب ليها فوق فخيضاتها وهو مراقب ابتسامتها لي فحال جمالها عمرو ماشاف ...
نطق زايح نظرو من عليها وكيشوف قدامو :
وصلنا ..حطيها فالبوكس لي لور ودخليها معاك

للكاتبة : hkhiba🌝

🌸حب قاسي🌸

☘️الجزء88☘️

هزات ليه راسها بايجاب ودارت لي قاليها ..وخرجو من لوطو قاصدين البوابة ديال الفيلا ..
فتحات ليهم الباب وخدة من الخادمات وزاحت ليهم من الطريق باش تخليهم يدخلو
.

.فتحو الباب وهوما كيشوفو فيهم باستغراب : الواليدة شكاديري هنا نتي وخالتي علاش ماراكومش الداخل ...قربات عندو كتطيح وكتعصر فدموعها باش ينزلو
هنياا : هيء هيء هيء خلعتووني علييكم يصحابلييي ماااغترجعووش ولا وقعات ليكم شيحاجة