حب قاسي (قصة مكتملة بالدارجة المغربية 🌸💗)

🥀حب قاسي🥀

للكاتبة : hkhiba🌝

🌸حب قاسي🌸

☘️الجزء71☘️

دقات فالباب لقاتو مشغول بارك كيجمع فحوايجو فتح ليها الباب سامح ليها باش تدخل وبعد من طريقها
مريم : احم احم ولدي نووح جلس واحد الدقيقة بغيت ندوي معاك
نوح : وااخا اميمتي ااش تم
جلس مقابل معاها طالق ودنيه.كينتاظر كلامها
مريم : ولدي نووح ِ.شوف هانتا انا لقيت واحد السيد كيقلب على شيحد يخدم عندو ونتا اولى بهاد الخدمة

نوح : شكوون اميمتي شكون هادا ؟؟؟
مريم : احم احم ماشي ضروري تعرف زعماا؟؟
نوح : لا اميمتي ضروري
مريم : ااحم ولدي....ولديي خاصو جاردينيي
نوح : مميي مريم نتي عارفاني كيداير ماكانش عليك تمشي تقولي ليهم عليا ماكاين لاش راني راجل ونجيبها من فم السبع بلا ماتخافي عليا
مريم : والله اولدي ماطلبتهوم عليك ...جات عندي حفيدتي وقاتليا باها كيقلب على شيحد يخدم ليه فالجردة ونتا اولى بهاد الخدمة ِِ.بلا مترفض انووح نتا راك واحد من ولادي وهاد ولدي راه يهزك فوق راسو
غير سمعها مني عافاك ِ..
( تنهد باستسلام ونطق ) نوح : بففففف واااخااا اميمتي وااخا شكرا 
م

ريم : واهاكاك اولدي هااكاك سمع لميمتك الهضرة الله يرضي عليك الصباح ندوز لعندك باش نمشي انا وياك
نوح : وااخا الحنانة لي يريحك.

ِ....

الطريق كاملة والصمت سائد بيناتهم ..هي حاطة راسها على السرجم.كتمنضر فالطريق وهو مفيكسي عينيه على الطريق مامزحزهومش
...وقف السيارة وترجل من كيسد صدايف الفيست وتاجه لبابها حلو بكل جنتلمانية ماد ليها يديه ...شدات فيه مبسمة بخجل تاغفلها مدور يديه على خصرها ...بانليه واحد واقف حدا الطموبيلات بلبسة رسمية لاح ليه السوارت فيديه ..وزادو داخلين من الممر لي كان مفروش بطابية حمراء طويلة
...دخلو وجات لعندها بنت لي كانت لابسة رسمي تاهي
وخدات من عندها الموتطو بدون ماطلع عينيها فيها ...دورات وداد راسها فالمطعم الطوابل كامل خاويين وجميع النادلات والموظفات نسااء ..استغربات من الموضوع ولكن مافكراتش بزاف ..ديرييكت مشاو لطبلتهم لي كانت مزينة بالورود والشموع جر ليها الكرسي تا جلسات فيه عاد جلس هو فبلاضته مقابل معاها ...
دور وجهو لناحية النادلات ودارت ليها وحدة فيهم اشارة باش يجي لعندها
مراد : سمحيليا انا جااي
وداد : اا ااه واخا ماشي مشكل
...
مراد شنو المشكل
.... : مسيو فالصراحة ماقدرناش نلغيو الطلب ديال واحد السيد
مراد : وعلاش بالسلامة ...كنت قتليكم ماباغيش نشوف تااحد معانا هناا
.....: الصراحة هوكان حاااجز من قبل وزوجتو او حبيبته كانت كل نهار كتصوني وتأكد علينا باش نحجزو ليهم طاولة ...كنعتاذرو لسيادتكم
مراد : صافي ماشي.مشكل سري لخدمتك

رجع لطاولتهم لمحها هازا وردات من الورد لي كان فوق الطبلة وكنستنشق عبقه وريحته الزاكية اي كتعطي من البعيد
للكاتبة : hkhiba🌝

🌸حب قاسي🌸

☘️الجزء72☘️
مراد : عمرني شفت الورد كيشم الورد
ضحكات بخجل سامحة لالوان الطيف يدوزو على وجهها ..كتحمار وتبياض قدامه بشكل لطيف ...شايف وقادر يعرف كلماته وتأثيرهم عليها ..وعارف انه طال الزمان ولا قصار خاصها تعرفو وتعرف  حكاية لقاءهم الاول ..مابقاش قادر يبعد ويتحمل ويتمالك نفسو هي ليه وديالو شرعا وقانوونا فعلاش هو وهي مخليين حدود بيناتهم ...كيبانليه انسب وقت لاختراق الحدود هو هذا ..
طرطق اصابعه بتتالي وتطلقات موسيقى خافتة مناسبة للرقص توجه لعندها ومد ليها يديه : تسمحي لي بهاد الرقصة ؟؟
وداد ( بتوتر) : ااءء ...ولكن ماكنعرفش ؟؟؟
مراد: غير تبعيني
حطات يديها فيديه وطلقو فالدروج وفتحو الباب الخشبي لي كان تق باش تضهر حلبة رقص عملاقة ببلاط براق والموسيقى صوتها مرتفع شوية عل لي لتحت
...تحنى على ركابيه زول ليها السباط من رجليها وجرها من ديها لوسط الحلبة
مراد : ملعي برجليك بجوج فوق صباطي....يديك اليمين فيدي واليسار فوق كتفي ..وقربي ذقنك من كتفي
طبقا داكشي لي قال ليها بالحرف وقلبها غيسكت من شدة قربهم ....راه فعليا تلاصقو مع بعضياتهم
بدات الرقصة وكل ماكيخطيو خطوة كيهمس ليها فوذنيها بشوية
مراد : 1 2 3 ...2  3. ..1 2 ..1 2 3 ..ركزي معايا كيف غنساليو غادي ترقصي.باريحية كثر
استمرو فحال هاكا.تاحبسات الموسيقى ..وقابلها مبعدها عليه شوية : تقدري دابا ؟؟؟
هزات ليها راسها بايجاب مبتاسمة بحماس : ااه صافي عرفت
مشاتكتجري معنفجة بالكسوة لبسات طالولها فرجليها ورجعات لعنو كتمشى برزانة
مراد : نبداو ؟؟
وداد : اممممم
طقطق اصابعه وتطلقات الموسيقى من جديد. وبداو كيتحركو فوسط الحلبة وكيدورو بكل اريحية تا لحقو للبارت لي خاصو يدورها فيه دارت ورجعات حاطة لور ديال كعبها على رجله
نطقات بنبرة خافتة : سمحليا
مراد : ماشي مشكل كملي
كملو رقصتهم تاقربو. يوصلو للختام عاد زلقات وحراتو معاها مالفتحة ديال قاميجة
غمضاات عينيها ملي حسات براسها تخبط مع الارض : اوووو اااحححح رااااسيييي
كي فتحات عينيها جاو فعينيه : س...سمحليا ...بلااتي نووض
عينيه مشاو نيشان لشفايفها لي كيتحركو بتوتر 
..حط شفايفو على دياولها كيحرك فيهم بهدوء وهي غير مخرجة عينيها وحط يديه تحت درعانها وهزها موقفها بدون مايفصل قبلتهم ...خدا راحتو قتقبيلها تاحس بنفسها نقاطع عاد بعدمنها مخليها تلتاقط انفاسها ...ضمها لصدره معنقها خاشي راسو بين خضلاتها ونطق هامس فمسامعها : اياام قليلة بلا بيك وغنتجن ...دقائق ..ثوااني...كيدوز عليا بحالا اعوام فبعدك ...ريحتك ....شكلك ...تصرفاتك ...شخصيتك ..خجلك...غضبك ..توترك...صوتك ..كلامك ...نظرااتك ...وكثر ...كل دقيقة كنلقافيك شيحاجة كتجذبني كثر وكثر
بعد منها وقابل وجهها مع وجهه المبتسم كيشوف صدمتها فعينيها لي مخرجاهم وكتناظرو بعدم تصديق ...رجع عينيه لشفايفها وزادت وساعت ابتسامتو ملي لمح احمر الشفاه ديالها تمسح ..دوز ابهامو على شفايفها كيمسح منهم بقايا اللون الاحمر ونطق بارتياح : واخييراا تمسح

يتبع