بقــلمي || زهراء
#جـــبروت _ أبــــي
"البــارت الــثانـي "
﴿ بِسۡمِ ٱللَّهِ ٱلرَّحۡمَٰنِ ٱلرَّحِيمِ ﴾
( يِــــا عَـلــــيٌ )
~~.~.~.~.~.~.~.~.~.~.~.~.~.~.~.
لطفاً لا تنسون التصويت والتفاعل بين الفقرات
~.~.~.~.~.~.~.~.~.
{ حور العين }
تفاجأت من شفت بيت عمامي يمنه
عمي مهدي وعمي سرحان
ونسوان عمامي وبنات عمي هم موجودات
رجعت للغرفه عدلت ملابسي ونفسي وطلعت
طبيت للمضيف
- السلام عليكم
- وعليكم السلام
رحت سلمت عليهم ومثل العاده منوره خشمهم سلمو
ردت اگعد يمهم خزرني ابوي واشر على المطبخ
هزيت راسي وگمت
طبيت للمطبخ سويت چاي جديد
وحضرت ستكاين بس صار صبيته وديته الهم
گعدت يمهم بالمضيف وهمه يعاينولي بأستصغار
دنگت راسي وهمه يحجون
مهدي - چا لؤي ما تنطي بنتي هديه.
- مال شنو ؟
- چا مو نجحت للسادس واختها راحت للثاني متوسط.
ضحك ابوي وطلع فلوس من جيبه وصاحلهن
راحله شفق وألق طلع خمسه خمسه وحط بأديهن
وصاح لبنات عمو سرحان وسألهن
- وأنتن بابا شطلعتن؟
تقى - عمو انه نجحت للثالث.
كوثر - وانه نجحت للأول متوسط.
باسهن وهم انطاهن فلوس
ولد عمي گاعدين على جهه كلهم كبار
باسم عمره 17 وحسين عمره 18 وابن عمو سرحان عمره 8 سنين اسمه قصي
ضلو للغده يمنه گامت خاله سناء تسويلهم الغده وگمت وياها
بس كملنه صبينا وصرت انگل الاكل وحدي عبن ابوي ميخلي سناء تشتغل
والبقيه ماگامو ولا تحركو من مكانهم حتى البنات ماساعدني
كملت السفره على اتم وجهه وخلصت
بدو يتغدون رحت خدرت چاي وگعدت بالمطبخ
ردت اصب مالگيت أكل باقي صابينه كله الهم
گعدت بالگاع يم باب الثلاجه انتضرهم
سمعت صياح ابوي طفرت للمضيف ركض
حور العين - هاا يابه
- صبيي چااي بسرعه لعمامج .
هزيت راسي وركضت صبيته گبل عبن محضره كلشي
وديت الهم الچاي انطيته الهم وجبت صواني انگل الاكل شلته كله للمطبخ
غسلت الماعين وعزلت كلشي رجعت گعدت يمهم
لميت الستكاين وغسلتها
طلعن بنات عمي من المضيف گعدن بالهول
گمت وياهن وگعدت يمهم
ألق - يووو هم اجيتي روحي يمهم.
حـور العين - انه؟
- چا انه؟
- تره بيتنه انتن اجيتن هنا قابل وين اروح؟
- واذا بيتكم قحط عاد شحاله عوع.
گالتها وجرت اخواتها والبنات وطلعن بالحديقه
هزيت ايدي ورجعت للغرفه
YOU ARE READING
جــــبروت ابــــي
Romanceحقيقية.. الأب هوَّ الأمان هوَّ الحضن الي يلمنة بعد كل رحلة من التعب هوَّ السند هوَّ الشخص الي نلتجأ ألة بكل ضيق لكن ألأب بهذه الرواية بجبروتهُ وتحكمة يجعل ابنتهُ فريسةً سهلة لهذا المجتمع الذي يحارب المࢪئة لكن هناك من يقضي على هذا الجبروت وهذا التح...
