بقلمي || زهراء
#جبروت_ابي
" البــارت السابع"
" بــسم ألله الرحــمن الرحـــيم "
( يِــــا عَـلــــيٌ )
~.~.~.~.~.~.~.~.~.~.~.~.~.~.~.~.~
لطفاً لاتنسون التصويت والتفاعل بين
الفقرات
~.~.~.~.~.~.~.~.~.
رجعت ليوره بخوف من المنضر
ذو الفقار ابتسم ورجع ليوره وگف بصفي ولزم ايدي
راحو عليَّ جون وهشام وراكان وياهم
گومو وهوَّ يجر النفس بصعوبه
طببو ليجوه وأمه واخته طبن وراهم يبچن
طبينه کلنه ليجوه
نيمو بالهول وجابوله العلبه مال الاسعافات
ويمسحون وجهة من الدم وهوَّ يلوج بالگاع
خفت من المنضر عاينت على ذو الفقار
عادي الوضع متچتف ويعاين عليهم
ستغربت تصرفاته ويا سلوان
بس ماگدرت احجي کلمه
كض ايدي وصعدني فوگ وصعد وياي
گعدني بالغرف وراح للكنتور
فتحه وطلع منه جنطه يلم بيها ملابسه
حور العين- شني هاي عمو؟؟ راح نرجع لهذاک البيت؟؟
عاينلي وهز راسه بلا ذب الجنطه وگعد گدامي
- لا بس اني رايح.
- چا وانه عمو؟؟ اخذني وياڪ.
- لا تضلين هنا يمهم ماعليچ شي عمو آراي وهشام وجون وارجُمان يمچ وكلهم هنا
ماعليچ شي.
- بس عمو انه اريدڪ.
غمض عيونه ورجع فتحهن عاين عليَّ وگال
- ماگدر اخذك وليدي شغل.
حور العين- عمو عادي أسأل؟
- أسأل وليدي.
- عمو ليش كتلت عمو سلون؟؟
بس گلتها خزرني خزره خلستني خلس
نزلت راسي بخوف وهوَّ وگف ولزم ايدي من يم زندي وعصرها
- اذا سألتي مره ثانيه اکتلچ فوگا فتهمتي؟
هزيت راسي بأي بسرعه وخوف
گام جاب اكل وكلني وباسني بخدي واخذ جنطته ونزل
بقيت افكر بي شبي هيچ حچه وياي؟
وليش يتصرف هيچ وياهم؟؟
مالگيت أي جواب لأسئلتي...
ضليت فوگ مانزلت جوه چيف كلهم جوه
وهوَّ طلع ماعرف وين
خفت انزل ضليت فوگ لا نزلت ولا احد صعدلي ضليت فوگل لحد ما صعدتلي ارجُمان
ارجُمان- هاي شعندچ هنا؟؟ ليش مانزلتي؟
- عمو راح مادري وين وانه اخاف انزل محد جوه بس همه ويخوفون ماحب اگعد يمهم وحيدي.
- مو احنه يمچ؟؟ يلا تعاي تعشي ويانه.
- ارجُمان عيفيني هنانه حبابه جيبي هنا الأكل ناكله ماريد انزل.
- لا عيب حبيبتي كلهم جوه شلون تاكلين وحدچ هنا هسه يگولون متريد تاكل ويانه.
YOU ARE READING
جــــبروت ابــــي
Romanceحقيقية.. الأب هوَّ الأمان هوَّ الحضن الي يلمنة بعد كل رحلة من التعب هوَّ السند هوَّ الشخص الي نلتجأ ألة بكل ضيق لكن ألأب بهذه الرواية بجبروتهُ وتحكمة يجعل ابنتهُ فريسةً سهلة لهذا المجتمع الذي يحارب المࢪئة لكن هناك من يقضي على هذا الجبروت وهذا التح...
