بقـــلمي || زهراء
#جبروت_ابي
" البــارت الࢪابع عشࢪ"
" بــسم ألله الرحــمن الرحـــيم "
( يِــــا عَـلــــيٌ )
~.~.~.~.~.~.~.~.~.~.~.~.~.~.~.~.~
لطفاً لاتنسون التصويت والتفاعل بين
الفقرات
~.~.~.~.~.~.~.~.~.
ماحسيت اله ذو الفقار نام فوگاي وحضني حيل وصاح
- ياااااعلـــيييييييي.
صرخت وچلبت بتشيرته
شخطت سيارتنه ونزلت على الترابي
گبت الترابه ورا سيراتنه وألطمت بالصبه الي حاطينها يم السيطره
وگفت السياره بس الدخان يطلع من البنيد
والترابه گابه
وگفت السياره بس من وگفت
ألطمنه کلنه بالجامات وصارت تختض السيارة بينه
انفتحت الباب مال السياره والناس كلها فزعت وتصيح
فتحو باب السياره الي بجهتنه وصارو يطلعون بينه
روحي راحت احس بشي حار ينزل على راسي
ونزل على عيني
ذو الفقار حضاني من ضهري وعينه على
جون وهشام وارجُمان
انفتحت الباب وجروني الناس نزلوني بالگاع
مغمضه عيوني وجسمي يرجف رجف
وسمعت صيحته من بين الناس كلها
ذو الفقار- ووولللكممم حـــور الـعيننن وينهااا.
وخرهم واجه عليَّ جرني منهم
حضني حيل واحس بگلبه يريد يطلع من مكانه من گد ميدگ سريع
حضني حيل على صدره ويصيح
- سياااااره جيبوووو سياااااره ووولكم سيااره بسررعه بنيتيييي راحح تروح من ايدييي.
وخرني من حضنه يمسح بوجهي وجسمه يرجف وجهة صار اصفࢪ
اريد اطلع كلمه واگله مابية شي ماگدر الساني نعگد
الناس تصيح والشرطه ألتمت يمنة
شالني ذو الفقار بسرعه وصعدني بسيارة مال اسعاف
صعد يمي حطني على السدية
انه مابية شي بس جسمي ماگدر احركه
بس ماگدر احچي كلمة او احرك شي من جسمي
ذو الفقار- وليدي اروحلك فدوه حاچيني تأذيت صارلك شي
رد عليَّ لا تلوعني هيچ.
هزيت راسي بـ لا وغمضت عيوني
اسمع واحس بكلشي بس ماگدر افتح عيني من الخوف
حسيت من انفتحت باب السياره
نزلوني واسمع هوسه يم راسي وصياح ذو الفقار الي خبص المستشفى خبص
غمضت عيوني من حسيت بشي نغز أيدي
فتره وفتحت عيوني
صرت اعاين انه وين غمضت عيوني بقوه لمن ذكرت الي صار
حسيت بأيد تلزم أيدي وصوته يگول
- وليدي.
فتحت عيني اعاينله چانن ملابسه كلهن تراب وعيونه حمر وشعره منثور ونازل على عينه
باس أيدي حيل وهمس
- من عمري على عمرك ياروحي.
YOU ARE READING
جــــبروت ابــــي
Romanceحقيقية.. الأب هوَّ الأمان هوَّ الحضن الي يلمنة بعد كل رحلة من التعب هوَّ السند هوَّ الشخص الي نلتجأ ألة بكل ضيق لكن ألأب بهذه الرواية بجبروتهُ وتحكمة يجعل ابنتهُ فريسةً سهلة لهذا المجتمع الذي يحارب المࢪئة لكن هناك من يقضي على هذا الجبروت وهذا التح...
