بـقلمي|| زهراء
#جبروت_ابي
" البــارت السابع"
" بــسم ألله الرحــمن الرحـــيم "
( يِــــا عَـلــــيٌ )
~.~.~.~.~.~.~.~.~.~.~.~.~.~.~.~.~
لطفاً لاتنسون التصويت والتفاعل بين
الفقرات
~.~.~.~.~.~.~.~.~.
ذو الفقار- راضي بمصيري ليش ضايج؟
آراي - ذو الفقار انتَ مطييي لوو تستمطييي؟؟؟
امك؟؟ اختك؟؟ وهااي الطفله الي جبتهاا وشمرتهاا هنا؟؟ مافكرت بيهن؟
- شبيهن؟؟ اشو اختي راكان واگفلها طول
وهوَّ ابن عمها وخطيبها مو غريب
وامي انتَ والولد يمها وحور العين بأمانتكم عودد اذا صارلي شي.
- يعني هسه انتَ حليتها؟
- مايهم اني احل كلشي بس عوفوني بحاالي.
گالها واجه بأتجاه الباب
رجعت ليوره وسويت روحي توني اريد ادخل
شافني ابتسم واجه بأتجاهي
ذو الفقار- ها وليدي شسوي هنا؟
- جوعانه.
- يُمه عمت عيني جوعانه؟ تعاي اسويلچ اكل حتى نصعد نام.
هزيت راسي ورحت وگفت يمه
طبو آراي وهشام وجون وراحو كلمن لغرفه
گعدت على الميز
وهوَّ وگف يسوي اكل بس كمل حطه گدامي
وگعد يمي يوكلني
ذو الفقار- حور بابا اكلي ونامي گبل عندي شغله ماگدر اضل يمچ اليوم.
- اي عمو.
وصدگ بس كملت باسني بخدي وطلع فورًا
صعدت للغرفه امشي على كيفي
طبيت وسديت الباب وراي مددت على الچرباية وتغطيت
توني اريد اغمض عيوني وانام نفتحت الباب
وگف بمكانه يعاين عليَّ بقهر
ذو الفقار- گلبي مينطيني اعوفك واطلع.
ابتسمت وسويتله مجال يمي
نام يمي وايده على راسي لحد ما غفيت
گعدت ثاني يوم مچان اكو احد يمي
طبيت للحمام غسلت وبدلت ولميت شعري
حطيت الحجاب على راسي ونزلت
البيت هدوء وفارغ
رحت للمطبخ لگيت بس جون وارجُمان
حور العين- صباح الخير.
- صباح النور.
ارجُمان- تعاي تريگي ماطول بعده حار.
گعدت يمهم على الكرسي وهزيت راسي بـ لا
حور العين- ما اشتهي شي اكلت ونمت.
- الف عافيه.
- عمو وين مارجع؟
جون- ليش وين راح؟
- البارحه بليل من تعشيت گال اريد اطلع
ومن نمت طلع.
گام جون فتح الباب وطلع
حور العين- وين راح؟
- مادري والله هسه شويه ويجون.
- البقيه وين؟
- شهداء بيت راكان من البارحه ورعد ونُوح اخذو جهالهم ونسوانهم لبيت اهلهن
وخاله ام ذو الفقار راحت لبيت اخوها آراي اخذها هيه وابنه.
حطيت راسي على الميز واجر النفس بتعب
انفتحت الباب ودخلو هشام وجون وآراي وذو الفقار وراهم
گمت رحتله دنگ شالني گدامهم وباس خدي
- صباح الخير وليدي.
همست بخجل
- صباح النور، عمو نزلني عيب.
ضحك ونزلني
YOU ARE READING
جــــبروت ابــــي
Romanceحقيقية.. الأب هوَّ الأمان هوَّ الحضن الي يلمنة بعد كل رحلة من التعب هوَّ السند هوَّ الشخص الي نلتجأ ألة بكل ضيق لكن ألأب بهذه الرواية بجبروتهُ وتحكمة يجعل ابنتهُ فريسةً سهلة لهذا المجتمع الذي يحارب المࢪئة لكن هناك من يقضي على هذا الجبروت وهذا التح...
