Droga ay iwasan para sa matatag na kinabukasan
Drogang sa atin ay nakapipinsala
Mga pasakit at hirap ang siyang dala
Walang hatid na rikit sa ating kapwa
Ano ngang buti kung susumpain kita.
Aking kapwa’y aking binababalaan
Sa kapahamakang droga ang may laan
Kung sundin, mainam pag-asa ng bayan
Kung di nama’y paalam aking kaibigan.
Ang Bawal na gamot ay nakamamatay
Kapag sinubukan ay totoong lumalatay
Di lamang sa puso’t isip nang nagbigay
kundi pati sa pamilyang umagapay.
‘Wag nating hintaying tayo’y malulong pa
Mapaminsalang gamot ay puksain na
Buhay mo, buhay ‘ko atin nang iligtas
Mula sa pinsalang sa ati’y uutas.
Aking minamahal na mga kaibigan
Atin nang piliin ang tamang daan
Drogang mapangwasak, atin nang iwasan
Upang tumibay ating kinabukasan.
9/’13
YOU ARE READING
I LOVE POEMS
PoetryPoems and essays are my way of expressing myself. @Anneriche @pleasing_grace
