His Indecent Proposal: Lander Montenegro

Chapter 10

"LOVE AT FIRST SIGHT?" tanong ni Morta Galsim nang bumalik kinabukasan kasama ang step-daughter na pamangkin din. 

Love? To hell with that word. This is purely business and nothing more.

Kasalukuyan akong nakatitig kay Apple na nakatayo sa aking harapan. I was sitting on my executive chair here in my study room. Pinagsalikop ko ang aking mga daliri habang ang aking mga mata ay nananatili kay Apple.

Apple is really a beauty. Not bad to have her as my wife. But how about Aviona?

Bakit sumisingit sa isipan ko na baka malungkot ang babaeng iyon kapag nalaman niyang hindi na siya ang papakasalan ko? I don't care kahit ano pang maramdaman niya.

I've seriously lost myself these past few days. But I am back now. I don't need romance in my life, it's just a useless distraction.

I don't need Aviona now. Sa ngayon ay wala pa siyang kapakinabangan sa akin. Mas kailangan ko ngayon si Rechelle or Apple. Si Aviona ay reserba ko para sa mga susunod kong plano.

At si Apple. Wala akong pakialam kahit napipilitan lang siya. Marahil ay wala syang ibang pagpipilian kundi ang sumunod sa utos ng kanyang tiyahin. Pero wala na siyang magagawa. Mangyayari pa rin ang kasal namin whether she likes it or not.

Nakaplano na ang lahat sa isipan ko.

"So, Lander?" boses muli ni Morta. Nakikita ko ang pagkikislapan ng mga alahas nito sa aking peripheral vision.

"Do we have a date for the wedding?" I asked.

"This month is good," aktibong sagot nito. "Kahit sa judge lang ay puwede na. Ako ang isang witness at magsama ka na lang ng isa sa mga tauhan mo. For formality lang naman kaya hindi kailangan ng bonggang kasalan."

"And the papers?" I'm talking about the business.

"Papers are after the wedding."

"Then let's make it next week." Tumingin ako sa kanya. "The wedding."

Namilog ang mga mata ni Morta. "But– "

Bakit kailangan pang patagalin? I need her company right away para maisagawa ko na ang mga dapat gawin. I have to make sure na wala silang ibang patutunguhan kundi sa akin.

Napalitan ng pag-aalala ang mga mata ni Apple na kanina'y walang buhay. "Tiya Morta—" tawag nito sa tiyahin ngunit hindi man lang siya pinansin ng tiyahin.

"Y-yes, I fully agree." Pilit na napangiti si Morta nang lingunin nya ang pamangkin. "Right, hija?"

Bumuka ang mga labi ni Apple pero wala nang lumabas na salita mula roon. Naipon na lamang sa mga mata ang pagtutol.

Tumayo ako at inayos ang aking kurbata. "Good." Lumapit ako kay Apple hanggang sa mapayuko siya.