Unicode
' ဟို ... အာ ...
ဒီ .. ဒီမှာ Spam ဘူးတွေရိှတာပဲ ´သူခါးမှသိမ်း၍ ဖက်ထားသည်ကို
အနေခက်ဟန်နှင့် စကားအထစ်ထစ် အငေါ့ငေါ့ပြော
ရေခဲသေတ္တာထဲက ဟိုဟာဆွဲထုတ် ဒီဟာဆွဲထုတ်
လုပ်နေသော ကောင်ကလေးကိုတွေ့ရတော့
Chanyeol ခပ်လွင်လွင်လေး ရယ်ကာ
လက်တွေကို ဖြေလျှော့ပေးလိုက်ရသည် ။အော် ... သူလည်း ဖွင့်ပဲပြောရသေးတဲ့ အဆင့်မှာ
အသားယူတာတွေ နည်းနည်းများသွားပြီလား သိပါဘူး ။ဆင်ခြင်ရမယ်လို့ စိတ်ထဲမှာ မှတ်ယူမိပေမယ့်
အကောင်အထည် ဖော်ဖြစ်မယ်မထင် ။
Baekhyun အနားကိုရောက်တိုင်း
ပွေ့ချင် ဖက်ချင်နေတဲ့ စိတ်တွေက
အမြဲတမ်းထကြွလာမြဲပင် ဖြစ်၏ ။ဘယ်တတ်နိုင်မလဲ ၊
ဒီကောင်လေးက တအားချစ်ဖို့ကောင်းနေတာကိုး ။
အကုန်သူ့အပြစ် သူ့အပြစ် ။' ဒါ ဒါဆို Spam ပဲကြော်လိုက်မယ်နော် ´
မျက်နှာပူနေဟန် ရသောကောင်လေးသည်
ခုထိ သူ့ကို မျက်လုံးချင်းမဆိုင်ပဲ ဟိုယောင်ယောင်
သည်ယောင်ယောင်နှင့် Spam တုံးလေးကို
အချပ်ပြားလေးတွေ လှီးရန် လုံးပန်းနေ၏ ။တစ်ဖက် ထမင်းစားပွဲခုံတွင် ဝင်ထိုင်လိုက်သော
Chanyeol သည် ပါးတစ်ဖက်ပေါ် လက်အပ်ရင်း
စားပွဲပေါ်တံတောင်ထောက်လျှက်
Baekhyun ၏ လှုပ်ရှားမှုတိုင်းကို
တစ်ခုမှ မလစ်ဟင်းစေရ ၊ အကုန်ထိုင်၍
မှတ်တမ်းတင်နေလိုက်သည် ။နေမကောင်းဖြစ်နေတော့လည်း နည်းနည်းပါးပါး
လှုပ်ရှားလိုက်သည့်နှင့် လူက သိသိသာသာ
နွမ်းနယ်သွားတာမို့ ခုချိန် သူ Baekhyun ကို
သွားကလိပြီး တီတီတာတာ လုပ်ချင်ရင်တောင်
စိတ်သွားတိုင်း ကိုယ်မပါနိုင်တော့ပါ ။တကုတ်ကုတ်နှင့် အလုပ်ရှုပ်နေသည့်
Baekhyun ကတော့ စိုက်ကြည့်ခံနေရ၍
မလုံခြုံသလို ဖြစ်နေသော ကျောပြင်ကို
အတတ်နိုင်ဆုံး အာရုံလွှဲရင်း
လှီးထားသော Spam ပြားလေးတွေကို
Microwave ထဲထည့်ကာ
အပူရော Time ရော ညှိလိုက်သည် ။Microwave ထဲကို Chanyeol
ဦးစွာထည့်ထားသော နွားနို့ဘူးလေးကတော့
နွေးနေပြီဖြစ်ရာ Baekhyun အသာလေး
ထုတ်ဖယ်ထားလိုက်၏ ။