Hindi man naging maganda aking nakaraan,
Marami man akong mga bagay na pinagsisihan,
Ang lahat ng ito'y natuldukan
Mula nung ika'y nangakong ako ang iyong kinabukasan
Dahil dito'y palaging laman ng isip ay ikaw
At ang ngalan mo'y kilala na ng mga bulalakaw
Pati na rin mga kantang pinakikingga'y inihahambing sa'yo,
Wala mang kasiguraduhan sa liham na inihatid mo
Dito nga nagsimula ang aking paghihintay
At ako'y maghihintay at maghihintay
Sapagkat ako na ri'y sigurado,
Na sa iyong pagbabalik, handa na muling umibig ang puso
BINABASA MO ANG
Dugo Ang Tinta (poems)
PoetryKung ang mga grupo ng salita'y nagiging talata, taludtod sa mga saknong na tugma, ang mga tulang nanatiling 'di nababanggit sayo'y nakakabuo ng antolohiya. At sa pagsusulat nito'y dugo ang aking tinta.
