ထိုအချိန်မှာပဲ ဒီလိုဖော်ပြတာကို ကြားလိုက်ရတဲ့ခဏမှာ ရှုးချောင်ယွီ မူးမေ့သွားသလိုပင်။
ဒီတော့....သူ သူ့ကိုပြန်မကြိုက်တာက ဆွဲဆောင်မှုမရှိတဲ့အပြင် မရင့်ကျက်လို့ပေါ့ ?
ရှုးချောင်ယွီ ဘာကြောင့် သူဒီလို ဝတ်စုံဝတ်လာတာလဲကို သူ့စိတ်ထဲမှာ သိနေပေမယ့်လည်း အခုလို ပါးပါးနပ်နပ်နဲ့ထောက်ပြခံလိုက်ရတော့ ဝမ်းနည်းနေမိတုန်းပဲ။
သူ့ကို ဘယ်သူမှလည်း ဒီလို ဝတ်တာမျိုးက နေရာတိုင်းနဲ့မသင့်တော်ဘူးလို့ မပြောပြကြဘူးလေ။
ချင်ကျစ်ရှစ် ထပ်ပြီးခေါင်းမော့ကြည့်လိုက်တဲ့အခါမှာ မြင်လိုက်ရတဲ့ Omega လေးရဲ့စိတ်ပျက်အားလျော့နေတဲ့ပုံစံကြောင့် သူစိုးရိမ်မိသွားပြန်သည်။
သူတစ်ခုခုထပ်ပြီးမှားပြောလိုက်မိပြန်တာလား ?
ချင်ကျစ်ရှစ် ပိုပိုပြီး ကိုယ့်ကိုယ်ကိုယ်အပြစ်ရှိသလို ခံစားလိုက်ရသည်။ သူတို့တွေ့ကြတာ ငါးမိနစ်လောက်ပဲရှိသေးတာလေ။
အဲ့ကြောင့် သူ menu ကိုယူလိုက်ပြီး ပြုံးလိုက်ကာ အကြောင်းအရာပြောင်းဖို့စကားစလိုက်၏။ " စီနီယာ ဘယ်လိုဟာမျိုးစားရတာကြိုက်လဲ "
ရှုးချောင်ယွီ ညင်သာစွာပြန်ဖြေပေးလာ၏။
" ဘာဖြစ်ဖြစ်အဆင်ပြေပါတယ် "
ချင်ကျစ်ရှစ် : , “…”
ပြန်ထပ်ပြီး စကားနှစ်လုံးပဲပြောပြန်ပြီ။
ကံကောင်းထောက်မစွာနဲ့ ဒီသီးသန့်စားသောက်ဆိုင်ကာ ယန်ဇီမြစ်တောင်ဘက်ပိုင်းဒေသက ဟင်းလျာတွေကို အသားပေးထားတဲ့ဆိုင်ဖြစ်တာမလို့ သိပ်ပြီး အများကြီးတွေးရွေးစရာမလိုနေတာပဲ။ ခြုံပြောရရင် နင်းမိစရာ ဗုံးတွေမရှိဘူး။ မှာထားတဲ့အစားအသောက်တွေကိုစောင့်နေရင် ချင်ကျစ်ရှစ်တစ်ယောက် တစ်ဖက်လူနဲ့စကားပြောဖို့အကြိမ်ကြိမ်ကြိုးစားနေမိသည်။
“ စီနီယာ အမြဲတမ်းအလုပ်ရှုပ်နေတတ်တာလား ”
“ အဲ့တာကအဆင်ပြေပါတယ် ”
“ဟားဟား ကျွန်တော် ရောက်လာတုန်းက စီနီယာ တစ်ခုခုလုပ်နေတာတွေ့တယ် အဲ့တာအလုပ်လား ”
YOU ARE READING
I'm not My Husband Ideal Type
RomanceName : I'm not My husband's Ideal Type Author : 三坛海烩藕粉 ( Sān tán hǎi huì ǒufěn ) Status in COO : 20 chapters + 3 extras Mm translator : MeowMeow's not yours It's not my work, just fan translation. It's my first time translation work.so it may have...