"သူခန့် ဘယ်လိုဖြစ်တာလဲ"
"အေး ဒီလိုကွ ငါနဲ့ကိုဟိန်းမြတ်ကားနားမှာရပ်စကားပြောနေတုန်းသူကရောက်လာပြီးတော့ပြန်ရအောင်ပြောတော့တာပဲ ကိုဟိန်းမြတ်ကလဲကိုရတုနဲ့မင်းနဲ့ကျန်သေးတယ်လေလို့ပြောတာကိုပဲမရဘူးကွာ အခုချက်ချင်းhotelကိုမောင်းမပို့ရင်ကိုသူ့ဘာသူသွားတော့မယ့်ပုံစံနဲ့ပြောတော့တာအဲတာနဲ့ငါလဲလိုက်ပို့လိုက်ရတာ"
"ဪ သူငါ့ကိုစိတ်ဆိုးသွားတာထင်တယ်ဒါဆို"
"စိတ်ဆိုးတယ်?"
"အေး"
"ဘယ်လိုဖြစ်ရတာလဲ မင်းသူ့ကိုစိတ်ဆိုးအောင်ဘာသွားပြောလိုက်လို့လဲ"
"ဟာ မင်းကလဲငါ့အကြောင်းသိသားနဲ့ငါဘယ်သူ့ကိုမှစကားရင့်ရင့်သီးသီးပြောဖူးတာမှမဟုတ်တာကို"
"အေး အဲတာနဲ့များသူကမင်းကိုစိတ်ဆိုးတယ်လို့ဘာလို့ပြောရတာလဲ"
"ဒီလိုလေကွာ ကိုရတုနဲ့ငါနဲ့သူနဲ့ဈေးမှာပစ္စည်းတွေလျှောက်ကြည့်နေတာကွာ ကိုရတုကပစ္စည်းတွေဝယ်နေတာသူကဘာမှမဝယ်တော့ငါလဲဝယ်ချင်တာရှိပြီးမသွားတတ်ဖြစ်နေမှာစိုးလို့ အကိုရောဝယ်ချင်တာမရှိဘူးလားခင်ဗျလို့မေးလိုက်တာ"
"အေး ဒါမဲ့အဲလောက်ကစိတ်ဆိုးစရာမဟုတ်ဘူးမလား"
"အေး ငါနောက်ကပြောလိုက်တာကိုစိတ်ဆိုးသွားတာထင်တယ်ကွ"
"မင်းကဘာပြောလိုက်သေးတာလဲ"
"သူက မရှိဘူးလို့ပြောတော့ငါလဲစကားပလ္လင်ခံလိုက်မိတာပေါ့ကွာ တစ်ချို့ဧည့်သည်တွေကြအိမ်ကအဖေအမေအဘိုးအဘွားတွေအတွက်လက်ဆောင်ဝယ်တတ်ကြလို့ပါလို့ပြောလိုက်မိတာ အဲတာမှာတင်သူစိတ်ဆိုးသွားတာကွ နောက်တစ်ခါအဲလိုစကားမျိုးမပြောနဲ့ဆိုပြီးကြည့်တဲ့အကြည့်ကကျောချမ်းစရာကြီးကွာ"
"ဪ အဲလိုလား အိမ်နဲ့ပတ်သတ်ပြီးတစ်ခုခုtraumaရှိလို့နေမှာကွ"
"အေး ငါလဲသဘောရိုးနဲ့ပြောမိတာပါကွာ ခါတိုင်းဧည့်သည်တွေလဲဒီလိုပဲပြောနေကြဆိုတော့"
"အေးပါကွာ နောက်တစ်ခါတော့သူ့ရှေ့ရောက်ရင်မပြောအောင်သတိထားပေါ့ကွာ ငါဖြင့်လန့်သွားတာပဲ"
YOU ARE READING
ပုဂံမြေကိုတိုင်တည်၍
Romanceဘယ်သူထင်မိမှာလဲကိုယ်အရမ်းရွံရတဲ့မိထွေးရဲ့သားကိုဒီလောက်တမ်းတမ်းစွဲချစ်မိသွားလိမ့်မယ်လို့ ကွန်းအသခ်ျေ ပုဂံမြေကိုတိုင်တည်ပြီးသစ္စာဆိုပါတယ်မောင်ပယင်းရဲ့ရင်ထဲမှာမောင်တစ်ယောက်ထဲပဲရှိတာပါ ပယင်းသွေးသစ်
