Dahil nakarating ka sa huling bahagi ng contest na ito...
Ops! Esta imagem não segue as nossas directrizes de conteúdo. Para continuares a publicar, por favor, remova-a ou carrega uma imagem diferente.
Hindi biro ang pagsulat mo na may deadline, may requirements, at may inaabot na karangalan. Hindi biro ang ginawa mong paghihintay. Hindi biro ang pressure na tiniis mo makatipa lang. Kung ako ang tatanungin, gusto kong ibigay sa inyo ang pinakamagandang uri ng premyo na maaari kong ibigay--ang mailibro ang lahat ng inyong kuwento. Ngunit ang layunin ng Writing War ay iangat ang inyong panulat hanggang sa antas kung saan 'publishable' na ang inyong nobela. Iyong antas na hindi lang basta mailibro ang isang kuwento kundi isang antas kung saan, walang kukuwestyon sa nilalaman at pagkakasulat ng inyong akda. Walang magsasabing kasama ang inyong nobela sa mga 'nakisabay sa agos ng wattpad' o 'nakiuso sa mga writing contest' at iba pang mga prejudice. Ambisyoso ang layuning ito; mahirap, pero hindi imposible.
Natutuwa akong makakita ng mga manunulat na masipag sumali sa contest para mag-improve; ng mga manunulat na malaki ang potensyal sa pagsulat.
Ang TOP 13 na nakarating sa bahaging ito ay may kani-kaniyang kaangkinan at talento sa pagsulat. Ang ilan ay nakaabot sa bahaging ito dahil sa originality at freshness ng kanilang ideya; dahil sa execution na napili nila sa pagkukuwento; dahil nangahas sumugal sa isang hindi pamilyar na genre; dahil sa tinig ng kanilang panulat; at ang iba ay dahil sa purong talento.
Pero tulad sa mga paligsahan, may mga aangat at may ilan na kailangan pang magsanay upang lalong humusay.
Narito ang scores ng Top 13 matapos bigyan ng grado ng ating pitong hurado:
Top 13 63.42 - The Story of our Ending
Top 12 64.57 - Mission to Mars
Top 11 65.71 - God's Last Words
Top 10 71.14 - A Countless Miss for the One that Hits
Top 9 74.85 - Ang Paghahanap sa Nawawalang Liwanag
Top 8 75 - Madaling-araw
Top 7 75.28 - Blue Moon
Top 6 77.42 - Mga Bibig sa Tagiliran
Top 5 79.57 - Back in Time
Top 4 81.14 - Dunggot
Ops! Esta imagem não segue as nossas directrizes de conteúdo. Para continuares a publicar, por favor, remova-a ou carrega uma imagem diferente.
AT ang tatlong nobelang nanguna sa kauna-unahang Writing War Project Short Novel Contest...
Third Place 82.14 - The Prodigals
Second Place 85.14 - Tibok Galing Ilalim
FIRST PLACE 89.57 - Ang Sampung Pagkakamali ni Pablo
***
IPINAAABOT ko ang aking lubos na pasasalamat sa inyong pagtitiwala sa paligsahan na ito. Sana ay makita ko pa sa susunod ang mga manunulat na nabasa ko ang akda pero hindi pinalad.
Sa tatlong nagwagi, pakihintay na lang ang email ko sa inyo sa linggong ito tungkol sa inyong premyo at sa pagsasaayos ng inyong nobela bago ito maging libro.
MULI, CONGRATULATIONS sa lahat ng nagwagi! Congratulations sa Top 13 at gayundin sa lahat ng lumahok! Magkita-kita tayo sa susunod na taon para sa WW2 o Writing War Short Novel Season 2 contest.
