{Uni}
Knock Knock
"လော့မချထားဘူး"
ဖန်ရှင်းတစ်ယောက် တံခါးလော့မချထားဘူးဆိုသည်ကြောင့် တံခါးလေးဖွင့်ပြီးဝင်လာသောအခါ မှန်ရှေ့တွင် ဆံပင်ပုံသွင်းနေသည့်Seanကိုတွေ့သည်။
ခေါင်းလျှော်ရေချိုးပြီး Gucci အင်္ကျီအဖြူလေးနှင့်Seanသည် သိပ်ကိုချစ်ဖို့ကောင်းနေပါ၏။
"ဖွားဖွားပြန်ရောက်နေပြီ Sean။ ထမင်းစားဖို့ စောင့်နေတယ်"
"ရောက်တောင်လာပြီလား။ ခနနေရင်ဆင်းခဲ့မယ် Shinn"
"အင်း"
"အာ....Shinn"
"အင်း ပြော"
အပြင်ထွက်ဖို့လုပ်နေရာမှ ဖန်ရှင်းပြန်လှည့်ပြီးထူးလိုက်သည်။
"ငါလေ ဖွားဖွားကို ပေကျင်းမှာကျောင်းသွားတက်ဖို့ ပြောရင် ကောင်းမလားလို့"
"မကောင်းလောက်ဘူးထင်တယ်။ ဖွားဖွားက..."
"ငါသိပါတယ် ဒါပေမယ့်ငါသွားချင်တယ်လေ"
"မင်းသားရိပေါ်ကြောင့်လား"
"......"
"မင်းသားတစ်ယောက်အတွက်နဲ့ Seanရာ.."
"သူ့ကြောင့်လည်းပါတယ်။ ပြီးတော့ မားနဲ့ပါးတို့ကိုလည်းတွေ့ချင်သေးတယ်.."
ပြောရင်းအသံတိမ်ဝင်သွားသည့် ရှောင်းကျန့်ကြောင့် ဖန်ရှင်းသူ့အနားသွားကာ ပုခုံးလေးပုတ်ပြီးနှစ်သိမ့်လိုက်သည်။
"ကြိုးစားပြီးပြောကြည့်လေ။ တကယ်လို့သွားလို့ရရင် ငါလည်းလိုက်ခဲ့မယ်Sean"
"ငါ့ကို မင်းပဲနားလည်တယ်Shinn"
"တော်စမ်းပါကွာ။ အောက်မှာဖွားဖွားစောင့်နေပြီ သွားမယ်"
"အင်း အင်း"
သွက်လက်သောခြေလှမ်းတို့ဖြင့် အောက်ထပ်ဆင်းသွားလိုက်သည်။ ထမင်းစားခန်းထဲရောက်သည့်အခါ စားပွဲပေါ်တွင် မြင်နေရသည့်ဟင်းပွဲတွေသည် သာမန်လူသာဆို မျက်လုံးပြူးသွားနိုင်သော်လည်း ၁၀နှစ်ကျော်လောက်မြင်ဖူးနေသည့် သူ့အဖို့တော့ မထူးဆန်းတော့ပေ။
YOU ARE READING
My Special Boyfriend [Complete]
Fanfiction||210310|| Wang Yibo × Xiao Zhan Yizhan {BJYX} Fanfiction Chinese actor Wang Yibo & his Japanese fanboy Xiao Zhan's love story.