{Uni}
"ကျွန်မက ရှင့်လိုဆင်းရဲနွမ်းပါးတဲ့သူရဲ့အချစ်ကို လက်ခံရအောင်ထိ မတုံးသေးဘူး"
"မင်းစကားတွေက လွန်နေပြီနော်။ နောင်တစ်ချိန် အခုလိုမောက်မာနိုင်ဦးမလား ကြည့်ရသေးတာပေါ့"
'ကတ်'
"အဆင်ပြေပြီ။ ဒီနေ့အတွက်ဒီလောက်ပဲမို့ နားလို့ရပါပြီ။ တာဝန်ကျေပါတယ်"
ဒါရိုက်တာ၏ အဆင်ပြေကြောင်းပြောသံကြားမှ ဝမ်ရိပေါ် သက်ပြင်းချနိုင်တော့သည်။ သူတို့ယခု ဒီအခန်းရိုက်နေသည်မှာ ဒါနဲ့ဆို၇ခေါက်မြောက်ရှိပြီ။ မင်းသမီးသည်အမှားတွေချည်းလုပ်နေသည်မို့ပင်။
"ကော ရှောင်းလေးကိုကြိုဖို့မှီသေးတယ်။ အမြန်သွားရအောင်"
"အင်း သွားကြမယ်"
"ရိပေါ်..."
ဝမ်ရိပေါ်တို့လှည့်ထွက်ရန်အပြင်တွင် အသံကိုဆွဲကာ နာမည်ခေါ်လာသည့် မင်းသမီးလျိုမေကြောင့် ဝမ်ရိပေါ် မျက်မှောင်ကြုံ့၍နာရီကြည့်လိုက်သည်။
"မြန်မြန်ပြောပါ သွားစရာရှိသေးလို့"
"လျိုက ညစာအတူစားဖို့ဖိတ်ချင်လို့ပါ။ ပါးကလည်း အိမ်ခေါ်ခဲ့ဖို့ပြောလိုက်လို့"
ဝမ်ရိပေါ်အတွေးထဲ ဒေါသသည်ထောင်းကနဲ။
"မင်းသမီးရဲ့အဖေက အိမ်ခေါ်ခဲ့ဖို့ပြောရတဲ့အထိ ကျွန်တော်တို့နှစ်ယောက်ရဲ့ဆက်ဆံရေးက မရင်းနှီးဘူးထင်တယ်။ မင်းသမီးကဘယ်လိုတွေ ပိုလျှံပြီးပြောထားလဲတော့မသိပေမယ့် ကျွန်တော်အခုကိစ္စကိုလက်မခံပါဘူး။ တခြားသူနဲ့ပဲအတူစားလိုက်ပါ ခွင့်ပြုပါဦး"
တစ်ခွန်းမှပြန်အပြောမခံဘဲ တရစက်ပြောကာ ထွက်လာလိုက်သည်။ တကယ်ပါပဲ ရှောင်းကျန့်ဆီသွားဖို့အရေး သက်သက်မဲ့အချိန်ကုန်လိုက်ရသည်။
Tee Tee!
ဖုန်းဆက်ထားသည်မို့ ကျောင်းနားမှသစ်ပင်အကွယ်နားကိုလျှောက်လာရင်း ရှာနေသည့်ရှောင်းကျန့်အား ဟိုက်ခွမ်း ဟွန်းတီးကာအချက်ပြလိုက်သည်။ ရှောင်းကျန့် ချက်ချင်းပင်လူရှင်းမရှင်းကြည့်၍ သူတို့ဆီပြေးလာ၏။
YOU ARE READING
My Special Boyfriend [Complete]
Fanfiction||210310|| Wang Yibo × Xiao Zhan Yizhan {BJYX} Fanfiction Chinese actor Wang Yibo & his Japanese fanboy Xiao Zhan's love story.