{UNI}
ပွဲမစခင် ၁၅မိနစ်အလိုလောက်၌ စင်နောက်တွင်နေရာယူနေသည့် Tsinghuaတက္ကသိုလ်၏ ဂီတအဖွဲ့ကိုတွေ့ရမည်ဖြစ်သည်။
စင်ရှေ့တွင်လည်း ဝမ်ရိပေါ်၏ Fanတွေနှင့်သာ ပြည့်နေသည်မို့ ဤပြိုင်ပွဲတွင် သူတို့တက္ကသိုလ်က အနိုင်ရမည်ဆိုတာ သေချာနေသည်။
ကျောင်းသားဟောင်းများ၏ ပြောကြားချက်အရဆိုလျှင် သူတို့တက္ကသိုလ်ဂီတအဖွဲ့သည် အလွန်စည်းလုံးကာ အရမ်းလည်းတော်ကြသည်မို့ နှစ်တိုင်းအနိုင်ရသည်တဲ့။ ဒီနှစ်လည်းနိုင်မှာသိပေမယ့် ဒီနှစ်ကတော့ အမှတ်ပိုရပြီးအနိုင်ရမည်တဲ့။
သေချာပေါက် ဝမ်ရိပေါ်ကြောင့်ပေါ့။
ဝမ်ရိပေါ်နှင့်အတူ ကျောင်း၏ဂီတအဖွဲ့ စင်ပေါ်တက်လာသည်နှင့် အသံအောင်လွန်းသည့် မိန်းကလေးများ၏ အသံသည် ထုနဲ့ဒေး။ တချို့ဆို ညဝတ်အင်္ကျီတွေနှင့်ဖြစ်သည်။ တချို့ကျပြန်တော့လည်း ခေါင်းတောင်မဖြီးထားဘဲ Bannerကြီးကိုင်ကာ ခုန်ပေါက်နေသည့်သူတွေကို တွေ့ရသည်။ အိပ်ယာထနောက်ကျ၍ ကျောင်းမလာဘူးဆုံးဖြတ်ထားပြီးကာမှ ဝမ်ရိပေါ်ကိုလာအားပေးကြသည်ထင်၏။
သီချင်းဆိုရုံပါမက အကလေးနှင့်ပါ စိတ်ပါလက်ပါဖျော်ဖြေနေသည့်သူတို့ Idolကလည်း အရမ်းဆွဲဆောင်မှုရှိနေသည်။
ရှောင်းကျန့်လည်း Cameraမပါလာသည်ကြောင့် ဖုန်းနှင့်သာ ရှုထောင့်ကောင်းအောင်ချိန်၍ရိုက်ရသည်။ ဝမ်ရိပေါ်တို့ဆင်းသွားသည့်အခါ နောက်အဖွဲ့တွေတက်လာပြီး ၂နာရီလောက်ကြာမှ ပွဲပြီးသည်။ အားလုံးမျှော်မှန်းထားသည့်အတိုင်း သူတို့တက္ကသိုလ်ကအနိုင်ရသည်။
ပွဲပြီးသည်ထိမပြန်သေးသည့် သူတို့Idolကြောင့် Fanတွေမှာလည်း အတန်းချိန်တွေပြီးသွားသည်တောင်မပြန်နိုင်သေးဘဲ ယောင်လည်လည်လုပ်နေရသည်။ ကျောင်းရှေ့တွင်လည်း Fanတွေပြည့်နေသေးသည်။ ယခုချိန်မပြန်လျှင် လူပိုကြပ်လာတော့မည်။
ဝမ်ရိပေါ်ဘာလုပ်နေတာပါသနည်း။
ဖွားဖွားလွှတ်ပေးထားသည့် ကားဖြင့်သာ အသွားအပြန်လုပ်နေရသည့် ရှောင်းကျန့်နှင့်ဖန်ရှင်းသည်လည်း ပြန်ရမလိုလို ဆက်စောင့်နေရမလိုလို။
YOU ARE READING
My Special Boyfriend [Complete]
Fanfiction||210310|| Wang Yibo × Xiao Zhan Yizhan {BJYX} Fanfiction Chinese actor Wang Yibo & his Japanese fanboy Xiao Zhan's love story.